منتديات كبار وعقليات صغيره

[الرّاسم]

السلام عليكم

اطرح موضوع غريب فعادة نجد العملاء من يطرحون موضوعات يتهمون فيها المصممين بالمماطله او مخالفة الشروط المتفق عليها !!

اما اليوم فأنا أقول العكس

منتديين من المنتديات الشهيره

الاول قام بحذف حقوق التصميم رغم الاتفاق بيننا منذ البدايه ان لا يزيلها من الاستايل

وجحدني في قيمة الواجهه الرئيسية 500 ريال

وتغيرت التلفونات والماسينجر صكني بلوك


الثاني اتفقنا على مبلغ وبعد تركيب التصميم ماطلني أكثر من شهر وتكرم علينا بتحويل مبلغ .. وباقي من المبلغ المتفق عليه 1000 ريال !!


وبعد محاولات معه على الماسينجر عمل لي بلوك !!!


أقول عيب ياكبار وأنا ما أطلب صدقات عشان ياصلني جزأ والباقي طناش

بإمكاني اطرح ستايلاتكم FREE مجـــاناً لكن ماحبيت اسويها فرجاء حار إعادة الامور الى نصابها بأسرع وقت .

تصرفات غير مقبوله فإذا كان هذا التعامل مع منتديات كبار وناس كبار فعلا فكيف بالصغار ؟

طرق الاتصال بي تعرفونها فرجاءاً تصحيح الوضع

تحياتي

[الوافي]

السلام عليكم ورحمة الله

هلا وغلا بك .. يا خالد ..

والله وانا خوك ان الوضع انه يخلي الواحد يعتزل النت ولا التصميم
وترى والله ماهوب انت لحالك اللي صارت معاه هذي الحركه حتى انا وربي بس وش نسوي
نروح نقلبها هوشه عشان شوية مبزره عرفوا النت ويبي كل واحد يصير له موقع ..

وفيه كبار بعد شغالين بس على النصب والاحتيال .. يا زين من شهر فيهم ...

----------------------- ولا تزعل حبيب البي -----------

وخذ هذي الصوره والف مبرووك المقاله الراائعه اللي استمتعت فيها من جد

ومع اني حقدت على مجلة صدى المواقع بسبب الوسايط اللي فيها بسبب

بعض المواقع اللي القى لها مواضيع وشوي اخش القاها يا طايح الموقع ولا

مشاركاته ( صفر - واحد - اثنين )

-------------------------



تحياتي لك

اخوك الوافي

[المرهف]

كلمة حق تقال في حقك اخوي خالد بعيدة والله كل البعد عن المجاملة

والله ماشفت مصمم بنفس اخلاقياتك وصدقك

والله ماتستاهل الا كل خير

والله يرد لك حقك ان شاء الله


تقبل تحياتي واحترامي وتقديري لــــك

[b happy]

السلام عليكم و رحمة الله و بركاته

الله يكون في عونك اخوي الراسم تحصل دائما و لكن قسم الدفع على دفعات مثلا عند الطلب 20% و بس توريه صورة يرسل لك 50% و لما تسلمه يعطيك باقي حقك

و اظن ان المكان في مكان غير مكانه اسمحلي

سوالف سوفت > سوالف الاستضافة و الاعلانات > قسم التبادل التجاري و الاعلانات ( بيع - شراء - طلب عمل )

بالتوفيق

[الدروب للتصميم]

الله يعننا وياك اخوي خالد

وأنا اقترح عليك اتباع سياسة الدفع قبل التركيب

وأرسل له صورة من التصميم او قم بتركيب تصميمك على مساحة تجريبة وخله يتفحص على راحته

[kw20]

الله يعينك اخوي الراسم

لو مراسلة الملبلغ يكون بواسطة

وسيط يكون احسن

وانشاله يشوفون الموضوع ويرجعون بكلامهم

[oO(الباسل)oO]

=============
وأنا اقترح عليك اتباع سياسة الدفع قبل التركيب
=============
على الاقل نص المبلغ في البدايه وبعد التسليم النص الاخر ..
وكل حق مظلوم راح ياخذه من الله سبحانه

[البرق1]

هلا بك اخي الراسم وما عاش اللي يزعلك
تدري ليش صارت لك الحركة من اصحاب المواقع

لأنك ما زكيت السنة هذي على الاستايلات اللي مشت
ما شفنا هدية منك في سوالف وعلشان تنحل أمورك
حط لنا ستايل زكااااااااة

[NaIeF]

لحول ولاقوة إلا بالله :anger2:

للأسـف لازال للحثالة وجود على الإنترنت :anger2:

والراسم معروف بأخلاقه .... وكلمة حق تنقال ( ماشفنا مصمم بحجم الراسم وبأخلاقه وبذوقه وفنه الرفيع)
ويعلم الله مابيني وبينه شي ويمكن هذا اول رد لي على موضوع للأخ الراسـم ..

ودام الحق معك اخوي الراسم تأكد ان حقك يبي يجيك بإذن الله

[دركوش]

هلا اخوي الراسم
الله يعينك
كلنا نعاني من الاشياء هذي

والمشكله اننا كمصصممين .. بعض المرات نتغاضى ونقول اوكي نصف المبلغ كبدايه
والباقي بعد التسليم ..

لكن تجي المشكله بعدها المماطله ...

والمشكله الاكبر لما تكون تتعامل مع منتدى مشهور ..

او تتعامل مع شركه ..

وحده من الشركات الي صممت لها جلست اربع شهور اشحدهم بقية المبلغ ...
وكل شوي عدل ونعطيك عدل ونعطيك ..
لين صرت صممت لهم الموقع اربع مرات !!!

لكن من بعدها اتخذنا سياسة الي مانعرفه ادفع مقدما كامل المبلغ تبي حياك ماتبي الله يستر عليك ...

ونتغاضى بس للاشخاص الي تعاملنا معهم سابقا ..

والله يعينك .. مادام ماطلوا فيك كذا
ادخل منتداهم بعد المراسله طبعا
واطلب صاحب الموقع يكلمك بالماسنجر
وعطهم مهله اسبوع

واما بعدها فارسل له رساله وحط فيها التهديد المناسب يايدفع يا نزل ستايله مجاني وخله يندم على 500 ريال مادفعها ..

ولكن تضل هذي الامور لازم نواجهها كمصممين مهما صار ...

[ياقلبي]

الله يعوض عليك وماراح بدون حق في الدنيا تلقاه بالاخرة

ووسع صدرك اهم شي

[عبد الله هُربي]

بالفعل أخي الكريم "خالد" فهذه تحصل عند أكبر المنتديات..وتكون عقولهم صغيرة ..
وقد حصل لي موقف مشابه مثلك .,.
وأتمنى أن تضع شروطاً خاصة بك ,, وأن تتبع سياسة الدفع ,,

وأتمنى لك التوفيق والنجاح ..

وخالص المودة ..

[alabdali]

الله يعوض عليك اخي الراسم
ولا فعلها الا ناقصين الرجل اذا التزم بشيء لابد ان يوفي كلامه

انت صاحب نية صادقة لم تكن مراوغ سوف يرزقك الله على نيتك
اسأل الله يرزقك من فضله

[FlashLight]

اخوي الراسم انت برأت ذمتك وحطيت الموضوع هنا واكيد بيشوفوه
واذا مرة فترة اسبوعين كحد اقصى وماحد منهم تفاهم معاك
فالناس منتظرين منك اي ستايل او ثيم
حطه ولك الاجر في كلا الحالتين


اخوك ضوء الفلاش

[صبي غامد]

هلا حبيب قلبي خالد

دائما تجد عشر البيض بكل شئ

عزيزي اسمك لامع جــداً والكل يعرف ذلك .. ولاارى هنالك اي مشكله لو طلبت المبلغ كامل

قبل البدء في التصميم

فأصحاب الاستضافه وغيرهم الكثير يطلب المبلغ كامل قبل منح العميل طلبه ..!



همسه : بكل صدق استمتعت بحوراك الشيق وصورتك الاجمل :nice: بصدى الملاعب


ارق تحيه