بخصوص ربط الدومين مع المساحة ( ارجوا المساعدة )

[الواقع]

ارجوا المساعدة ياشباب حجزت مساحة من شخص .. ودومين من شخص آخير ....

وودي اربطهم مع بعض ...؟؟؟؟؟؟؟؟؟

المساحة نوعها cpanel X

الدومين له لوحة تحكم على موقع http://www.enom.com

ارجوا المساعدة من الجميع .......

اخوكم

الواقع

[دركوش]

هلا اخوي
المفروض الي حجزت من عنده المساحه يجاوبك
لكن بسيطه
اسال صاحب الاستضافه وش DNS حق سيرفره
وبيعطيك اياه
عطه الي حجز لك الدومين
وقل حول الدومين للدي ان اس هذا وراح يشتغل وبس

[HaMs]

رح وادخل للوحة التحكم تبع الدومين
وغير الـ DNS
وحط تبـع الشركه اللي آخذت منها
وانتهـى !

[الواقع]

اول شي اشكركم على سرعة استجابكم لمساعدتي ... لكن احب افيدكم ان صاحب المساحة يقول انه سجل الد ان اس في الدومين ... والحين له فوق اسبوع مااشتغل الموقع!!!!

ويقولي صديق ثاني اكتب الايبي حق المساحة في لوحة تحكم الدومين على طول يشتغل موقعك ....


بانتظاركم ... وارجوا ان لااكون ثقيل عليكم


اخوكم

الواقع

[دركوش]

اخوي انت تقول بالبدايه انك حاجز الدومين عند شخص
وحاجز المساحه عند شخص

وبردك الثاني تقول صاحب الاستضافه يقول حط الدي ان اس للدومين ؟؟؟
يعني صاحب الاستضافه اخذ منك لوحة تحكم الدومين وحط الدي ان اس ؟؟

اكيد فيه خطأ
لكن عشان تتأكد

ضع رابط الدومين .. واعلمك الدي ان اس راكب ولا ماهو راكب
واذا كان الافضل تجيب اي موقع على نفس المساحه الي حاجز انت عندها عشان نعطيك الحل
لانه المساله ماهي مستغرقه اسبوع كلها ثواني ويرتبط المساحه مع الدومين الا اذا فيه خطأ

[الواقع]

بيض الله وجهك يالغالي ..

تفضل



هذا الدومين

www.iahs-hail.com


وبيانات الدي ان اس

ns1.eshockhost.com
66.98.138.31
Secondary Server Hostname:
ns2.eshockhost.com
66.98.148.43


وهناك موقع على نفس المساحة اللي حاجز عليها هو www.f555f.com


ولك كل الشكر والتقدير اخي دركوش

اخوك

الواقع

[دركوش]

هلا اخوي بعد التشييك على الدومينين
دومينك
http://www.iahs-hail.com/
وهذي معلومات الدي ان اس حقته
Name Server: NS1.ESHOCKHOST.COM
Name Server: NS2.ESHOCKHOST.COM

اما الدومين الثاني http://www.f555f.com/

فهذي معلومات الدي ان اس

Name Server: NS2.UNIXBSD.INFO
Name Server: NS3.UNIXBSD.INFO

ويتضح ان السيرفر مختلف كليا ....

فعشان كذا ارجع للي معطيك الاستضافه
وقله يابن الناس عطني الدي ان اس الصحيح زي الناس

ولا هون ورح دور لك غيره ....

[الواقع]

دركوش .. خوينا هذا تعبني مره .. الله يعينه علي بنام عنده في البيت الين يربط المساحة بالدومين .... مافيه غير كذا

تحياتي لك يادركوش وراح ارجع له .. وماراح نستغني عنك ولا عن الاخوان الموجودين ...


اخوك

الواقع

[ammarvip]

أخوي العزيز

بما ان دومينك
http://www.iahs-hail.com/
وهذي معلومات الدي ان اس حقته
Name Server: NS1.ESHOCKHOST.COM
Name Server: NS2.ESHOCKHOST.COM

والدومين الثاني http://www.f555f.com/

فهذي معلومات الدي ان اس

Name Server: NS2.UNIXBSD.INFO
Name Server: NS3.UNIXBSD.INFO


والموقع الآخر على نفس الريسلر او على نفس السيرفر

فهذا يدل ان الدي ان اس لك هو نفس الدي ان اس للدومين الثاني

يعني جرب هذا

Name Server: NS2.UNIXBSD.INFO
Name Server: NS3.UNIXBSD.INFO


واذا ما ضبطت معك زي ما تفضل الاخ تفاهم معه وقله عطني الدومين الصحيح



تحياتي