والنهايه مع هالاستضافات؟؟؟؟؟؟؟

[صُهيب]

السلام عليكم

والله زاد الشي عن حده وطفح الكيل
طحنا بالفنيون السعودين ورحنا لاغلى واشهر استضافه
ودفعت الغالي عشان اضمن تواصل موقعي الدائم
مع ذلك لازم كل شهرين او ثلاث ينقطع الموقع يومين كاملة او اكثر
شيء مزعج ومحبط ..
نحط اعلانات لموقعنا وندفع ماورانا ودوننا فيها
وبالاخير ينقطع الموقع بكل بساطة
اقسم بالله مايردني اخذ شركة اجنبيه الا ان لغتي سيئة
والادهى والامر ان الدومين باسم الاستضافه
ماانكر صاحبها نشمي ولاقد ردني
لكن مو معقول ابدا ان الموقع الكبير الي عنده شغال ولافيه اي مشكلة
وانا عشان موقعي متواضع ينطله باي سيرفر وبحريقه تحرقه لو انقطع حتى اسبوع
يعني ودي اعرف وش النهايه ..
لااحد يجي يحط لي عروض خياليه وحنا ازين شي وحنا ارخص شي
انا ماانتظر عروض الله يجزاكم خير
والعذر والسموحه على اسلوبي لانها من جد وصلت حدها
مستعد ادفع حتى 3000 بالسنة بس القا استضافه تحترم عميلها
واردى ماعلي اني الجأ لاجنبي وصخ واترك العربي (النشمي) !!!!
لكن يحدون الواحد بإستهتارهم وعدم اهتمامهم
والا يقولي ماارجع موقعك لانك تمهزلت في تحديث بياناتك؟؟؟
يقولي اكتب تاريخ بدأ استضافتك ولا يبيني اتمهزل؟؟
بالله من المسؤل عن بدأ تاريخ استضافتي انا والا هو؟؟
والله حاله
لاحول ولاقوة الا بالله العلي العظيم

المشكلة ان الواحد حتى لو قرر ينقل
تلقا صاحب الاستضافه يتهدد ويتوعد عشان الدومين باسمه
وصعب شقا عمري كل هالسنوات يضيع عشان دومين

[Tec4Serv]

لا حول ولا قوة إلا بالله ...
والله ينقلون عندي بعض الشباب من استضافات سابقه.. ويصيرون يحكون لي مأساتهم مع الشبكات السابقة
بصراحه شي يقهر والله ..
عندك الي يقول الدومين باسمي ويصير يهدد فية
وعندك الي يخفي ايقونه (backup) ما ادري وش المقصد !! ما ادري هل هو عارف انه فاشل وما يبي الناس تنقل .. مع انه فقط تعديل في الرابط وتطلعها
وعندك الي يضيع تعب ناس سنين .. وبـ الاخير يدخل للآسف يحط مواضيع ينافخ فيها !!
اوكيه ما قلنا شي قضاء وقدر .. بس مو تنافخ وبلقوه تخلي الغلط على العملاء
وعندك الي ينزل موضوع عروض ويرد على نفسه باسماء اخرى متشابهه .. وهذا هو السبب الاول في إنحطاط الإستضافات العربيه وفقد الثقه .. لان تشوف الناس تمدح فيه وتروح عنده وبـ الاخير تاكلها
وناس وناس
الله يعينك يا غالي ... والله احزني الموضوع كثير ...
بس ما نقول إلا الله وياك وحقك ما يضيع ..
تحياتي لك وآسف على الإطاله

[NAIF_FFVIII]

عليكم السلام ورحمة الله وبركاته

ماأقول غير الله يعينك اخوي صُهيب

وهذا بكل اسف حال البعض حسبي الله عليهم ماهمهم غير كم يكسب وبعدها مايدري عنك وهذا من واقع تجاربي الكثيره معهم لكن يعينك الله

وكل ما عندي لك هو الاتي

اذا كنت تحب استضافه مضمونه بأذن الله وسعر مناسب

والميزه فيها هي الاتي

1 - طريقة الدفع على راحتك تحب تدفع بعد شهر بعد ثلاثة شهور بعد ستة شهور بعد سنه
يعني مافيه تدفع مقدما لا بعد كل فتره تحددها انت تدفع

2- تحصل على دومين اذا ماكان عندك دومين مع لوحة تحكم خاصه بالدومين خلال ثواني واليا بسعر 7.95 $ وبنفس الوقت بأمكانك التحكم بالدومين تنقله لاي مكان دون اي تدخل من الشركة او علمهم او الرجوع لهم

بعدين فيه خدمات ثانية وهي اختياريه حسب رغبة العميل

هي الاتي
بأمكانك الحصول على ريسلر دومينات مجاني خاص بك ومستقل وهذا اختياري حسب رغبتك يعني تحجز دوميناتك او تنقل دومينات بنفسك


وهذا طبعا ليس عرض لاجل كسب مبلغ من المال هذا شئ حقيقي بدليل ان الدفع ليس مقدما يعني اذا مااعجبتك الشركه بأمكانك تنقل موقعك ودومينك بدون علمهم ودون الحاجه لموافقتهم وهذا هو نظامهم

لكن المهم واللي يتوجب على المستضيف أن يراعي الله بحقوقه وحقوق صاحب هذه الاستضافة لان صاحب الاستضافة لن يطالبك بشئ اذا لم تدفع له وذهبت لمستضيف آخر بسبب عدم أقتناعك بالاستضافه

واذا احببت هذه الاستضافة معليك غير تراسلني وبأذن الله تجد كل مايسرك

وأتمنى من الله العلي العظيم ان يوفق الجميع لمافيه الخير

وتقبل تحياتي
اخوك
نايف

naif_ffviii@hotmail.com

[abdolla]

اخوى صهيب

انا ما عندى استضافة ، فقط ريسلر اخذته ايام الرخص ، الله يعين على التجديد ( يابعض الناس) ، لكنى اخذت الى الآن 13 استضافة خلال الخمس سنوات الماضية عربية واجنبية ، فحبيت افيدك الآن اذا ترغب بالنصيحة ، بس قل لى كم المساحة والباندودث اللى ترغب حتى نرشحلك افضل استضافة . وطبعا ترشيحى لن يكون علنى حتى لا تقول نسوى لهم دعاية او غيرك يقول..

حاليا لدى اثنين مرتاح معاهم ، واحد عربى وواحد اجنبى وراح ترتاح معاهم ... لسبب واحد هو متابعتهم الدائمة مع العميل . يمكن هنا فيه افضل الا اننى لم اجربهم ، لكن فى سوالف سمعتهم طيبة .

[Ad For Host]

الله يكون في عونك اخوي ويعوض خسايرك


بالنسبة للأخ الي يتكلم عن الباك اب

وعندك الي يخفي ايقونه (backup) ما ادري وش المقصد !! ما ادري هل هو عارف انه فاشل وما يبي الناس تنقل .. مع انه فقط تعديل في الرابط وتطلعها

مع احترامي للجميع ، فأنا اعتبر ان صاحب الشركة الي يسوي هالشي فهو ذكي
اباك تجرب بنفسك ، اي موقع اكثر من 300 ميجا مساحته والقواعد 100 ميجا
وجرب تاخذ نسخة من الموقع FULL BCAKUP وبتلاحظ ان اللود يرتفع إلى ماشاء الله
وخصوصا الي عنده مواقع كثيرة ، لو كل يوم عملائه بيشيلون باك اب بهالطريقة ينسى ان المواقع تشتغل 5 دقايق على بعضها
وبنفس الوقت احسن له لا يسوي باك اب يومي من السيرفر !!

بتقولي طيب لو العميل يبي باك اب موقعه ؟؟؟ ابقوله ابشر ربع ساعة واخذ له نسخة من الباك اب اليومي واحطها بموقعه برا public_html

وانا هذي وجهه نظري ، ولكل شخص له وجهه نظر خاصة فيه وسياسة خاصة فيه بشغله!!



وشكرا جزيلا
تحياتي

[Q8serv]

المصيبه اكبر من جذي


عندي مستضيف مؤخرا خارج من أستضافة كبيره بدولة الكويت ( كما تدعي )

موقعه قوي و منتداه مشهور جدا . صاحب الأستضافة القديم معطيه ملفات ناقصه لـ الباك اب

رجع كلم صاحب الاستضافة توقعوا شنو رد صاحب الأستضافة !



آسف مسحت الباك اب لموقعك


و صاحب الأستضافة مشهور و يقول عندي باك اب خارجي و باك اب على Dvd و على أجهزه خارجيه
وكلام كثـيـر . لكن لا حياة لمن تنداي

و صاحب الاستضافة الكبيره أول ما يخلص أشتراك موقعك و ما دفعت فلوس يحول موقعك
للأسف على مواقعه الشخصيه مستغلا ذلك الزوار ..!


الله يعين الجميع إن شاء الله ..

و مثل ما في أستضافات سيئه في أستضافات مميزه و لها خبرتها في مجال الأستضافة

و مستمرين بعطائهم مثال على ذلك الأخ بشار عبدالهادي ( كويت نت )
و الكثير من المستضيفيين العرب


و نصيحه اذا تبي تروح لـ اي شركة استضافة لازم تشوف إنجازاتهم الأول و تشوف هل راح يستمرون
أو يأخذ اشتراكك و بعد جم يوم يسكر أستضافته مثال على ذلك الأخ كريم ( ادمن فور هوست )



و الله يوفق الجميع ....




Nasser

[kalifa]

قبل لا تكتب وتتكلم عن المقصود بهذا الموضوع ياريت تخلي صاحب الموقع هو اللى يكتب الرد هنا

وعن اللقافه قلب

بالاول افهم الموضوع من صاحب الموقع كويت ماكس عدل وبعدين ادخل سوالف واكتب ردك واللقافه مالتك

وحاول تفك عمرك الحين بموقع : نوكيا تو دي :funny:

وترى الحاجة قريبه اقرب من رمش العين عيب عليك تتكلم وانت حتى مو فاهم الموضوع


سلامووو

[Q8serv]

قبل لا تكتب وتتكلم عن المقصود بهذا الموضوع ياريت تخلي صاحب الموقع هو اللى يكتب الرد هنا

وعن اللقافه قلب

بالاول افهم الموضوع من صاحب الموقع كويت ماكس عدل وبعدين ادخل سوالف واكتب ردك واللقافه مالتك

وحاول تفك عمرك الحين بموقع : نوكيا تو دي :funny:

وترى الحاجة قريبه اقرب من رمش العين عيب عليك تتكلم وانت حتى مو فاهم الموضوع


سلامووو

هلا أخوي خليفه ...


ما ادري انت ليش داخل بالموضوع عرض !

انا ما ذكرت أسمك أو اي شي عنك

ليش أنت الشركة الوحيده بالكويت ( يا كثر الشركات بـ حولي )


الحين منوا الملقوف انا و لا أنت :funny: :funny: :funny:


و ما ادري شقصدك بـ موقع نوكيا تو دي .. ياريت توضح




تحياتي لك ..




Nasser

[M.s.K-77d.com]

مالك الا هيفاء :nice:

كح كح :shy:

قصدي مالك الا دوووك

اخوي صهيب

صراحة المشاكل كثرت

وتعودنا عليها من قبل شركات الاستظافة

نصب واحنا واحنا

وبعد ما تنقد دراهمك. تضيع معهم

عموما انا احب اعطيك قائمه لمواقع انا مجربها شخصيا وممتازه وكبيره ومعروفه برضو

www.doook.net << دعم فني على كيف كيف وغير الخدمات والتعامل الحلو .. وغير كفائتهم على انهم شركه كبيره
www.arabsgate.com << بوابة العرب غنيه عن التعريف صراحة يعني ولو انه غالي لكن تخسر الفين او ثلاث ولا تخسر عشره
هذي جربتها انا

لكن فيه برضو عندك

هدهد سليمان
أرا سيرف
قلعه العرب
النخبه
كويت تن << مجربها من زمااااان برضو لموقع شاركت انا وواحد فيه اللي هو حبايب
والله كثيييييييير صراحة

وناس لو تجدع دومينك برضوا ماعليك خوووف
ناس يشتغلون بامانه وذمه
عموما الله يعينك حبيب قلبي

تحياتي لك / محمد :funny:

[محمد الشمالي]

بسم الله الرحمن الرحيم


بما اني صاحب كويت ماكس وخليفه ذكر اسمي

اقولكم اللي حصل وياي ويشهد الله على كلامي
توقف الموقع لاسباب اعطال بسيرفر خليفه وبعد مرور ثلاث ايام من التوقف حسب ماهو مكتوب بالدعم الفني لقيت كاتب في موقعي على الادارة مراجعه مكتبنا الى اخر الكلام اللي كان مكتوب في صفحة موقعي الرئيسيه المهم اتصلت فيه وقلت شنو السالفه قال ابيك تشيل من سيرفري ههههههه موقعك مابيه عندي !! تخيل الى وين وصل التحكم بالمستضيفين قلت مايصير نشيل الموقع بالسرعه هذه .... المهم قالي تاخذ نسختك وتشوف مستضيف الموقع ماراح اشغله قلت شسالفه يا الطيب قال واحد متصل فيني وقايل عني نصاب ههههههههههههه واكيد انه من موقعكم قلت يا خي احنا مانتصل فيك قال مو شغلي شوف منو اللي اتصل فيني ههههههههههه قلت طيب اكيد عندك مخزن رقمه اتصل فيه احنا شكو في اللي يتصل فيك واللي مايتصل فيك مو من شروط الاستضافه نراقب جوالك قال مو شغلي لازم اعرفه منو ههههههههههههه المهم بعدها لقيت موقعي محول على منتدى او شات والله ناسي اسم الموقع وكلمتهم قلت مو من حقكم تحولون موقعي على موقع ثاني بعدها شالوا التحويل
المهم اتقفنا على نقل وتسليم نسخه من الموقع وكانت ناقصه و اقسام من الموقع غير موجوده وخصوصا الدروس وتصاميم الاعضاء ونقص كبير في ملفات المنتدى اتصلت فيه قلت النسخه ناقصه ملفات واهم شئ عندي منتداي يشتغل قالي انا مسحت الموقع من السيرفر وبحاول اشوف نسخه ونفس النسخه نزلها .



تخيل بكل سهوله ينتهي منتداك تخيل تخسر تعبك تخيل تفقد الدروس والشروحات تخيل تفقد 23 الف عضو
المهم اتصلت في الاخوان في اثير داتا وبالاخ ناصر جزاه الله الف خير و اشكر الاخ المهندس عبدالله ولقيت منهم كل ترحيب وكنت فاقد عودت المنتدى ولكن الحمد الله تم اصلاح المنتدى من قبلهم وترقيته الى اخر اصدار وباقي الموقع كانت ملفات ناقصه وكان التعامل وياهم شئ عجيب والحمد الله بدا موقعي يرجع مثل ماكان واحسن

شكرا للاخ ناصر
شكرا للاخ عبدالله
وهمن مشكور اخوي خليفه

[adel007]

2/20/2005 10:30:36 PM webmaster@kuwaitmax.com
يعطيكم العافية
2/20/2005 10:30:51 PM الدعم الفني Kw10.Net لعدم الإحراج للعملاء فقط ادخل بطرح إستفسارك مباشرة التعارف والأمور الغير متعلقه بتخصصنا سوف يتم حذف الإضافه
حياك الله اتفضل
2/20/2005 10:31:01 PM webmaster@kuwaitmax.com
دام فضلك
2/20/2005 10:31:18 PM webmaster@kuwaitmax.com
بس حبيت اشكركم على السويته
2/20/2005 10:31:33 PM الدعم الفني Kw10.Net لعدم الإحراج للعملاء فقط ادخل بطرح إستفسارك مباشرة التعارف والأمور الغير متعلقه بتخصصنا سوف يتم حذف الإضافه
سامحنا يالغالي على القصور
2/20/2005 10:31:51 PM webmaster@kuwaitmax.com
والله يسامح الي كلمكم
2/20/2005 10:31:58 PM webmaster@kuwaitmax.com
انا شاك بواحد معانا بالمنتدى
2/20/2005 10:32:21 PM الدعم الفني Kw10.Net لعدم الإحراج للعملاء فقط ادخل بطرح إستفسارك مباشرة التعارف والأمور الغير متعلقه بتخصصنا سوف يتم حذف الإضافه
حصل خير اخوي
2/20/2005 10:32:49 PM webmaster@kuwaitmax.com
يالله ماتقصرون اخليك براحتك
2/20/2005 10:33:02 PM الدعم الفني Kw10.Net لعدم الإحراج للعملاء فقط ادخل بطرح إستفسارك مباشرة التعارف والأمور الغير متعلقه بتخصصنا سوف يتم حذف الإضافه
عزيز وغالي يهالا فيك

[محمد الشمالي]

اسئل الله ان يغفر لي و لوالدي وان يجمعني معهم بالجنة
adel007 الله يغفر لهم جميعا ويجمعك بهم بالجنه
الدعم الفني ماله شغل بالسالفه
السالفه مكتوبه فوق

[adel007]

الظاهر صاحبك ماعرف يركبها ومن تحدي انها كامله وانا الحين سويت ركفري للهارد يسك القديم واذا تبي اتشوفها كامله مر شوفها بعيونك !!!!

قبل لا اتبلي واتقول ناقصه


تحياتي

[kalifa]

محمد الشمالي
ياقلبي لما تكون الكلمة موحده بينك وبين أخوك (( شريكك بالموقع )) تقدر بعدها انك تعاتبنا

لان بالاول كلمني الأخ الصغير باني اعطيه نسخه ثانية جديده للملفات وهذا اللى سويته وبعدها بساعتين تقريبا اتصل علي الأخ الثاني وبلغني بالتلفون بالحرف الواحد ::

((( مشكور خليفه الحين كل شي تمام التمام بس باقي تعطيني الباسوورد الخاص بالدومين للنقل وهذا كل شي )))

وهذا يعني ان النسخه الاخيره التي ارسلتها لكم سليمه على حسب كلام الأخ الكبير وباقي نقل الدومين .... ليش اخلي النسخه عندي رحت ومسحتها من السيرفر نهائيا ومسحت الموقع لاني ليس لي حاجه فيه

بعدها اتصل علي الاخ الصغير يقولي (( وين النسخه الجديده خليفه :eek2: ))

رديت عليه قلتله مسحتها بناءا على كلام اخوك وهذا اللى صار كذا وكذا وروح أسأله

وبعدين انت تقول ان
((( تخيل بكل سهوله ينتهي منتداك تخيل تخسر تعبك تخيل تفقد الدروس والشروحات تخيل تفقد 23 الف عضو )))
وبعدين رجعت وقلت :
ولكن الحمد الله تم اصلاح المنتدى
طيب لو ان النسخه ناقصه اشلون تم اصلاحها ..؟؟
هل تم تجميع اعضاء وهميين وتركيبهم بالمنتدى ؟

-------------
وأخيرا اقولك ان باستطاعتي اني ارجع النسخه الاساسية للموقع من الهارديسك وراح تكون شغاله 100000% بالامية انشالله اذا حبيت قلب ما عندي اي مشكله
-------------

ونصيحه لك ولاي صاحب موقع يبي له الشهره
انك تخلي الإدارة لشخص واحد فقط
((( عمرك سمعت شركة فيها 10 مدراء .... أو سفينه فيها أكثر من قبطان أكيد راح تغرق باللى فيها )))


تحياتي لك