السلام عليكم ورحمة الله وبركاته
اخواني الكرام اليوم ودي اتكلم معكم بموضوع يعلم الله حز بنفسي ولا ما كنت تكلمت فيه
طبعا اعضاء سوالف كلهم من الخيره انشاء الله ومافيهم الا الاخوان
بالامس القريب تلقيت اضافة من خلال الماسنجر الخاص بالدعم الفني
تم قبول الاضافه وتم التقاء صاحب الاضافه بمقدمة غشام بغيت منك طلب وانا قريت لك موضوع بمنتدى ..... عن ....... وودي تساعدني في الشغله هذي
قلت له تامر اخوي وانشاء الله
بعد انتهاء الشغله تم الخروج بمحبه كما كان الدخول وافضل كأخوان
بعدها بعدة ايام اجد موضوع في نفس المنتدى لنفس الشخص يذم غشام ويصفه بصفات لله الحمد مافيه شي منها
__________________________________________________
بعدها وبعدة ايام اضافة جديده
غشام ودي بترقية من الجيل الثاني للثالث بتركيب كافة الهاكات واستايل (((( صاحب استضافه ))))
قلت له تم وتامر اخوي في اسعار للترقيه وهذا بحكم انها ما كانت شغلة اشكال على شخص لا كان شخص قد قبض حق الشغله مقدما
يا غشام انا ما عندي سيوله الان ولو تكون مقابل استضافه انا حاضر
قلت له تامر مافيه اي مشكله ترقيه وتركيب كل الهاكات مثل ما طلبت
بعد التركيب الوجه من الوجه ابيض
________________________________________________________
شخص يطلب منك تعديل الوان استايل خاص بالمنتدى الخاص فيه وتعديل بسيط على التصميم
ونقول له انشاء الله وتامر يومين ويكون جاهز كخدمه شخصيه
لتكتشف بالاخير ان الاستايل تم بيعه بمبلغ وقدره لشخص ما ولم يكن شخصي ولا يحزنون
_________________________________________________________
عدد من الاضافات ومنها اضافة متميزه (خمسة نجوم )
صاحبها والله العضيم رب العرش العضيم قمت احلم فيه بالنوم
ابسط الامور يطلبها طبعا كلنا بشر وكلنا لنا التزامات وبامكانه عملها ولمره من المرات قال وده يقفل المنتدى وطبعا الطريقه ابسط منها مافيه وقلت له الطريقه قال اعرفها بس ما ادري اخاف اضيع فيها
سبحان الله العضيم
__________________________________________________________
طبعا هذي بعض من الحالات الي تمر عليك بشكل يومي بالماسنجر ويعلم الله ما وضعت شي مبالغه وكل الي قلته فوق باثبات وبرهان للعلم
ولم اذكره الا لعدد من الأسئله اتمنى من الاخوان و اصحاب الشأن الاجابه عليها
__________________________________________________________
استغلال الشخص الى اي حد ممكن انه يوقف ؟ هل عند استغفاله ؟ ام تنفيره ؟ ام ماذا
هل جزاء الاحسان الا الاحسان وهل يجازى من وده عمل شي ينفع فيه شخص ما بالجحود او التجاهل ووالله انه يصل الى الشتم احيانا وكل شي صار ؟
اخيرا عيال الحلال كثير والمجاني اكثر فهل ايقاف كلمة مجاني بالنت كفيلة لإرجاع الاحترام الي المفروض يكون بين الاشخاص في اي تعامل ؟
يشهد الله علي في ما قلت ما قلت الا القشور وما خفي اعضم ومثل ما فيه هذي الحالات فيه من تحطه على الجرح ويبرى وفيه من يتشرف غشام وعشره من غشام انه يعرفه وانه عرفه يوم بالنت
ولكن كما ذكرت قبل شي يحز بالنفس ولابد ما الواحد يطرحه
دمتو بخير
رد مع اقتباس
