شروط عجيبه

[AlQubaiSat]

السلام عليكم

الصراحة وانا اتصفح احد المواقع شدني اعلان شركة استضافه وتصميم محطوط بموقع وقلت اطلع على الاسعار وجدت الاسعار يعني مناسبه فقلت اشوف الشروط

فلقيت اشياء عجيبه وحبيت اعرضها

قوانين أستأجار المساحة

1- في حالة التأكد من محاولة العميل للاضرار بأحد الخوادم او استهلاك موارد النظام مثل المعالج أو الذاكرة أو شبكة الاتصال باستخدامه لاحد السكربتات الضارة أو الممنوعة سيؤدي إلى إغلاق الموقع مباشرة بدون إعادة المبالغ المدفوعة مع تغريم العميل وإبلاغ الجهات المسؤولة .

5- يمنع منعاً باتا استخدام برامج التشات CHAT أو المحادثة الفورية بأنواعها، ما عدا برنامج الشات المجاني الذي ستحصل عليه عند التسجيل لدينا. (و يسمح باستخدام نوع الديجي تشات digichat الذي يكون مثبت على مزودات شركة digichat.com ويحصل العميل على كود يضيفه في موقعه لتشغيل التشات )

6-- لا يحق للعميل المطالبة باسترجاع اي مبالغ مدفوعة بسبب حدوث أي عطل او خلل امني أو فني في الاتصالات :funny:


شروط طلب التصميم

8- يكون التصميم ملكاً لصاحب الموقع، ولكن لا يحق له وضعه في أكثر من موقع إلا بعد موافقة فلانه للتصميم والإستضافة.

هالشرط عجيب :con2: :funny: :funny: :funny:

[KuwaitNET]

:app:
يعني اذا شريت سياره لازم تبلغ الوكاله كل مره تعبر الحدود و تسافر و تشوف يوافقون ولا لأ :funny:

جيد جيد

[alzaabi]

ايوه وممنوع تعبي بترول الا من محطه البترول حقتهم عشان مايكون بنزين خالي من الرصاص

والله شروط عجيبه

هذا شكله يحلم

الضاهر مغتر في نفسه وفرحان انه عنده سيرفر

تراه الحين الي ياخذ سيسرفر واحد يقول عن نفسه مستضيف كبير ورسمي ويمد له شنبات ويقول انا القوي

وانا المبرمج يالله شدوا هواه هههههههههه

الله يعينه بصراحه تلقاه كان عسكري ومتدرب وتعقد من التدريب وياي يطبق نظام الامر وبعدين راجع هههههههه


تحياتي

[s h e z o n]

والله انا عندي رأي مخالف لكم شباب

انا اشوف انه هذا سيرفره وهو حر يحط الشرط اللي يبي

وانت يالمستهلك او الزبون تشوف الشروط اذا عجبتك شيل واذا ما عجبتك خلها مالها داعي تخسر اجرك وتعطيه راعي المحل او التاجر فهو ربحان من جميع الجهات يا يربح منك فلوس بأشتراكك بعد الموافقه على شروطه والا انه يربح حسناتك في حشك وتقطيعك بظهره

تصدقون بديت احسده

[فنون هوست]

والله انا عندي رأي مخالف لكم شباب

انا اشوف انه هذا سيرفره وهو حر يحط الشرط اللي يبي

وانت يالمستهلك او الزبون تشوف الشروط اذا عجبتك شيل واذا ما عجبتك خلها مالها داعي تخسر اجرك وتعطيه راعي المحل او التاجر فهو ربحان من جميع الجهات يا يربح منك فلوس بأشتراكك بعد الموافقه على شروطه والا انه يربح حسناتك في حشك وتقطيعك بظهره

تصدقون بديت احسده

كلامك 100 %

بس لا تنسي انك في سوالف

كل شي في سوالف بالعكس ... والامور اللى الناس متعارفه عليها هنا تنكر

اغلب الموجودين الا من رحم الله ما يعرفون اصول التعامل التجاري