مطلوب اقتراحاتكم لموقع سيارات !!

[sa7d]

السلام


اريد عمب موقع مختص في السيارات

فأريد منكم ما يلي

1- اريد اعطائي افضل سكربت لعرض صور السيارة
والمقارنة بين السيارات

2- الذي يوجد لديه مجموعة من صور السيارات


للتفاهم وكيفية ارسال الصور

الرجاء الاضافة على
viper @99.fm

شكرا

[ابوظبي اليوم]

السلام عليكم
اخوي ما انصحك في مواقع السيارات
افتح موقع سيارات اذا بتجدد كل شهر تحط افلام سباقات يديده و تفحيط و شل تايريين و صور يديده .
و تكون الافلام و الصور خليجيه او محليه لانه الناس او الخليجيين معظمهم يشوفون الافلام المحليه و الخليجيه ما يشوفون الاجانب . و يكون احسن لو من تصويرك .
انا عندي موقع سيارات بس هملته بس الحين برجع و بنظم الموقع و برتبه و بدخل افلام من تصويري و كل شهر بدخل حوالي 100 فلم من تصويري من سباقات في الحلبه و سباقات الرمليه مثل تل مرعب و عوافي و تفحيط و شل تايريين و غيره . و اذا بتفتح موقع سيارات فيكون احسن لو تفتح منتدى و لازم تكون عارف في سوالف السيارات يعني كيف شغلت التوربو و الغاز و الكام و غيره و غيره يعني تشرح للاعضاء كيف تلغم الموتر .
اذا تقدر على هذا كله افتح موقعك اذا ما تقدر لا تفتح .

[sa7d]

مشكور على النصيحة


وهل عندك صور سيارات

[ابوظبي اليوم]

عندي بس بستعملهن لموقعي
و عندي افلام و بستعملهن حق الموقع


و فكر قبل ما تسوي موقع السيارات اول شي جمع الصور و الافلام بعدين افتح الموقع

[زائر..... بحر الشوق]

شوف
http://www.automotive.com/


هذا من اقوى المواقع الاجنبية سوف تجد تصنيف لكل انواع السيارات واخر موديلاتها
ولو عمل مشابة له نسخة عربية بعد حلو

سوف تجد حتا صور سيارات موديل 2009 توقع صور لي موديل ونوع من السيارات هنا :funny:

• Acura • Chrysler • Infiniti • Lexus • Nissan • Scion
• Audi • Dodge • Isuzu • Lincoln • Oldsmobile • Subaru
• BMW • Ford • Jaguar • Mazda • Pontiac • Suzuki
• Buick • GMC • Jeep • Mercedes-Benz • Porsche • Toyota
• Cadillac • Honda • Kia • Mercury • Saab • Volkswagen
• Chevrolet • Hyundai • Land Rover • Mitsubishi • Saturn • Volvo


بنسبة للافلام اذا انت في الرياض سوف تجد سيديات على 10الي 20 ريال كلها لقطات تفحيط واستعراض في اي محلات حراج الكمبيوتر او اي مجمع بيع اجهزة

نسيت اخوي ولا تكتب تفحيط عشان مايجونك يحجبون موقعك اكتب شاهد التهور والاحوادث الله يهديهم



موفق

[ANMNET]

الأخ الكريم ..
أول شي فكرة موقع سيارات متشعبة وكبيرة آنه بعطيك أفكاري و أتمنى إني أكون ساعدتك وما اكون عقدتها زيادة استحملني إذا مالكم خلق تقرون وايد حاط ملاحظة تختصر ردي كله آخر النص :

بالنسبة للموقع راح أعرض فكرتي التجارية والخدمية في نفس الوقت:

1. لازم يكون التصميم خفيف وإحترافي جداً بحيث إن التصميم ما يشد الإنتباه عن مكونات الموقع والمساحة والدومين هذي عاد لعبتك إنته وشلون تتوقع المردود من موقعك

2. محتويات الموقع لازم تكون جديدة وتحديثها مستمر مو نفس باجي المواقع الله يسامحهم اللي يجددون كل شهر مو أطلب المستحيل بس اللي يبي شي محترف يجدم عليه والحل إنك تركب برنامج ( CMS ( content managment system -- برنامج لتحرير المواقع حسب لغة البرمجة اللي ترتاح لها وآنه أرشح لك مودل إسمه مامبو MAMBO إهو نفس فكرة الدروبال DRUPAL طبعاً كلهم من شكلهم نفس مجلة نيوك بس هذول واااااااااااااااااااااايد أحسن. آنه شخصياً أفضل دروبال لأنه أقوى بس مامبو أسهل.

3. نوعية المعلومات التي تضعها لازم ما تكون مبنية على إشاعات إنذكرت في إحدى المجلات او المنتديات لازم البيانات تختارها عدل والمعلومات تكون في وقتها وموثقة ممكن إنك تتفق مع مواقع كبيرة أو مجلات ثقة من المواقع الكبيرة مثل ما تفضل الأخ automotive.com وعندك موقع تبادل تجاري mobile.de هذول بالنسبة حق فكرة الموديلات الجديدة والشركات اللي ممكن تتعامل معاها عشان توفر لك معلومات وبالنسبة للمجلات عندك caranddriver وعندك modified.com ولاتنسى مواقع الوكلاء

4. التخصص والإتساع هذا موضوع صراحة وايد يشغلني .. هل الأفضل إنه الواحد يتخصص ويبدع أو إنه يذكر كل شيء .. هذا شي راجع لك ولكن نصيحتي لك إنه تبدأ متخصص وبعدين تتوسع .. مثلاً تتكلم عن السيارات الستوك إلا ما عليها إضافات لمن ت>كرهم كلهم بده تضيف بس الموديلات اليدية وتنشئ لك منتدى يناقش فيه الأعضاء الموديلات اللي يحبونها حتى يصير مرجع حق اللي يبي يشتري سيارة تقسم المنتدى على حسب المصنعين وبعدين تتسع شوي شوي إنك مثلاً تتكلم عن السيارات المعدلة اليابانية فقط ولمه تحس إنك كيت ووفيت والكل رجع لك تبده تتكلم عن السيارات الأمريكية المعدلة على سبيل المثال سيارة يابانية معدلة سيفيك موديل 2000 بقوة 450 حصان على الإطارات الخلفية ومثال على السيارات المعدلة الأمريكية كالفيير بقوة 455 حصان طبعاً المصنعين اليابانيين يفيدونك بهالمعلومات يعني هوناد وتويوتا يقولون لك من المصنع المعتمد اللي يصنع لهم التيربو والشغلات هذي بس الشركات الأمريكية لأ عشان جذي أقترح تبلش الإتساع بالمصنعين اليابانيين


5. طبعاً الموقع لحد الآن خدمي ويوفر معلومات طريقة إنك تطلع فلوس كالآتي:

ا. إنك تبيع إيميلات هذا إذا إخترت لك إسم حلو ورنان وسهل وقصير

ب. تبيع إعلانات مع الأسف آنه ضد هالفكرة لأنه الإعلان ممكن يشوه لك الموقع وممكن يبعد بعض المستخدمين عنه اذا كانت إعلانات متخصصة أوكي!

ج. تبيع عضوية الحصول على آخر الأخبار يعني تنزل عن مستخدمين الفي آي بي بالأول وتشرط عليهم إنه المعلومات غير مصرحة للعرض وإنما ذكرت لهم فقط عاد إهمه و ذمتهم بس أول ما يؤمنون الزوار بالموقع صدقني راح يلتزمون وبعدين عقب إسبوعين أو إسبوع تعرض هذي المعلومات في الموقع للكل طبعاً لازم العضوية غالية لأنه مو حق أي أحد بس إللي يقدر عليها والمعلومات لازم إنته شخصياً تتعب عليها بهالطريقة عبداللطيف جميل والساير في الكويت راح يركضون وراك لأنه أثنينهم يدفعون فوق مليون ونص دولار سنوياً بس إعلانات لمه يصير عندك شريحة من زباين حدهم في آي بي .. طبعاً هذا هدف وجداً بعييييييد بس بالتميز توصل له بسرعة

د. الإنضمام للمنتدى بعد فترة ست أشهر مثلاً يكون مقابل سعر رمزي يا دوووووووب يغطي تكاليف الإستضافة إذا ما كان في إعلانات طبعاً بس إذا المعلنين وايد ما تحتاج هذي الخطوة

هـ. وهي أصعب شي إنه يكون الموقع لغتين! مو صعبة كثر ماهي كلفة الترجمة عشان جذي صعبة

و. وطبعاً الفكرة التي لاغنى كل موقع سيارات عنها وهو حراج السيارات ممكن تطلب مبلغ من البائع طبعاً عادية وما فيها شي وممكن تطلب من المشتري في حالة وحدة إنك تضمن صلاحية كل سيارة مع كفالتين وحده منك وحده من البائع بس ه>ي الفكرة يبيلها فريق عمل بروحه واللي آنه انشاءالله راح أشرف عليه نظرة مستقبلية ما عليه وبهالحالة بشوف شلون ما تطلع فلوس بس راح تصرف المعقول عشان تحصل على الكثير شركة ايباي ebay قاعدين يدرسون هالفكرة لأنه عنهدم قسم متخصص لبيع السيارات وجداً مكلفة هالعملية لاتخاف مو ملايين ولامئات الآلاف إهي وقت و ستاف وحوالي 40 ألف دولار بسسسسسسسسسسسسسسس والمخطط عندي وما راح أبيعه طبعاً آنه وايد متأمل إنه وحده من الهالشركات تعطيني المبلغ لمه يشوفون موقع شلون يكسر الصخر .. ممكن يكون أي واحد فيكم ممكن آنه

ز. إنك تختار بعناية الجهة اللي توفر لك معلومات أدري ذكرتها مرتين لأهميتها مصداقية الموقع أهم شييييي وعلى قولة الأخ في حراج الكمبيوتر ناس تبيع صور تفحيط وفيديو ولكن إذا كنت تطلب الإحترافية لا يكون هذا أساس موقعك بل خله يكون هذا الجزء الترفيهي منه يعني أغرب الحوادث والأكثر إثارة شغلات مجانية يعني تونس فيهم حبايبنا



وآخر شي إسمحلي على الإطالة يمكن هذا الموقع أحلم بتطويره ولكن حالياً ماعندي الوقت ولكن أتمنى أن حضرتك أو أي ينفذه ومستعد أساعده لوجه الله وما ينذكر فيه إسمي ولا إسم شركتي بس إذا آنه بلشت فيه لحد يقولي ليش غالي ! ويمكن يمكن ما اطلب من أحد مساعدة لأنه راح أوظف ناس يشغلونه

عموماً بالتوفيق يا أخوان وأتمنى أن أقرأ مشاركات مفيدة وأتمنى حضرتك تستفيد من كل المشاركات

وشكراً

مع تحيات
شبكة التسويق والإعلان دوت نت قريــــــباً انشاءالله

ملاحظة : بإختصار لغاية رقم أربعة ماهو إلا موقع خدمي ومن خمسة وطالع الله يعينكم علي وعلى فكرتي

[جوردن هوست]

أقول ANMNET

والله انك خطير

بس هل فعلا انك قادر ؟؟؟؟؟؟؟؟؟؟؟

[ANMNET]

إحنه لها طال عمرك متى ما صار لنا الوقت بس ناطر الوقت المناسب

[sa7d]

السلام

مشكورين على الردود

لكن بغيت اقتراحاتكم

ماذا استخدم في صفحة البداية ؟