ضغط غريب يحصل لموقع سوالف ............... همممم

[سوالف]

السلام عليكم والرحمة

نعتذر على التوقف المستمر لسيرفر موقع سوالف, حقيقة ضغط غريب نواجهة في أوقات مختلفة منذ إسبوع إلى اليوم.

كنت اليوم أريد أحدث برامج Mysql و PHP في السيرفر لكن أجلته لنهاية هذا الإسبوع.

الغريب في أمر الضغط على سيرفر الموقع إنه جاء مع وقت الحملة لصورة الشهيد الدرة ومشاركة الأعضاء في سوالف سوفت بفعالية في هذا المجال, لا أعلم إذا له علاقة بالموضوع ولكن الوقت هذا بالذات يبين إنه هنالك رابط في موضوع الترشيح.

كنت أريد أبين لكم أسباب التوقف المستمر وبدون إنذار سابق ونعتذر مرة أخرى.

والله لو فيه مجال أنقل السيرفر من أمريكا لبلادنا, كنت بحطه على طووول, لكن الخدمات تعيسه عندنا وغالية جدا بالنسبة للخطوط وإن شاء الله إيه اليوم إللي نحطه هني

[mabsoot]

قول يا ألله و حطه فى دبى أو راس الخيمة

سهلهههههههههههههههههههههههههههههههههههههههههههه

[سوالف]

والله فيه مجال في مدينة دبي للإنترنت لكن بعده الوضع عندهم غير مستقر, ترى سيرفرهم في أمريكا ولا يابوه دبي قوية والله

وين أحطه في راس الخيمة, خبرني

[طائر اليمام]

شفت هاااذييييييييك الزاوية الي علا يمينك ؟ شفتها ؟؟ .. طيب اسمع .. بتعرف المصنع الي في بالي .. حطه هناك

[عبد الله99]

أنا يأخي سوالف تم إغلاق موقع بسبب سالفة التصويت للدرة

[Admin5]

كل شي غير في دبي


ربي يوفقك

[mabsoot]

يا أخى دبى على راسى عينى 0000000 وأحبها وأرتاح فيها وسياحة وجمال وخضرة ورقى و و و و و و

بس راس الخيمة غالية 000والله لو تكتبلى بأسمى نص الخليج ما أتركها0

بعدين سوالف تعال بقلك 000000
أول سيرفر عربى على تشات الMIRC فى DALNET كان فى راس الخيمة 0
لا وبعد كان من أقى السيرفرات وكان يقبل 4000 مستخدم فى لحظة
واحدة أيام العز 0

ما أدرى اذا احد فيكم متذكر سيرفر عربى فى التشات من فترة ؟

DALNET ON MIRC


مبسوط

[فالها]

أخوي سوالف
نصيحة :
يا ليت تغير السيرفر حق موقعك الآن لأن السيرفر الحالي بطيئ جدا و أنصحك بسيرفر موقع الأخ عبدالله99 موقع برق لأني لم أجد أٍرع منه في المواقع العربية

[bu7maid]

i think the owner of fares.net is from RAK too..
and e7m e7m.. the owner of uaetoon is from RAK..<< lol thats me
Fedeeet RAK

[سوالف]

طائر اليمام ...

هيه قاعد أشووف الزاوريه, بس ما يصلح أخوي, فيه عنز ودجاج, ينفع ولا لا

-------

عبدالله99 ...

مبروك عودة الموقع أخوي والله يعني الجميع

-------
Admin5

يا هلا فيك, إنت لين ألحينه تستخدم إسم اليو بي بي

-------
mabsooot

والله صدقكم مبدعين, سمعت عن الشات إللي تقول عنه بس ما دخلته, مال منو وكيف مشغلينه, مستحيل عن طريق إتصالات

-------
فالها

والله ما اعتقد السيرفر بطيء لهاي الدرجة, مواصفاته جيدة وأصلا مخصص كسيرفر مب كمبيوتر مجمع, حقيقة شفت موقع الأخ عبدالله99 سريع ولكن أعتقد إنه ماخذ مساحه من عندهم مب سيرفر كامل, إللي في موقع سوالف سيرفر خاص يعني محد يقدر يصكر الموقع ويلغيه إلا أنا, فيه شيء جديد في السيرفر إن شاء الله

-------
bu7maid

صدقك, الأخ فارس صاحب موقع الساحة من راس الخيمة, وما يحتاي تخبرني عن موقعك إنه من راس الخيمة, شوف هال الموضوع وإنت تعرف

http://www.uaetoon.com/cgi-bin/ubb/c...c&f=2&t=000060

هال السوالف ما تظهر إلا عندكم

[bu7maid]

هاهاهاهاها..سوالف شو قصدك ..الجن في كل مكان مب بس في رأس الخيمة

والله انك سوالف يا رياااال

[الشارد]

حبيت اسلم عليك ياسوالف وان شاء الله نشوف شركة

سوالف في مدينة دبي للانترنت



تحياتي الشارد

[اى شئ]

اخ سوالف انصحك بتركيب برنامج لمراقبه حركة الترافيك بالموقع وحجمها ومنها تقدر تعرف بالضبط شنو قاعد يصير ويبين عندك إذا فيه هجووم ع السيرفر او من عدمه ، وما راح تحتار من شنو لآنه بيبن اذا كان من الشركه اللى مستضيفه سيرفرك او من مكان اخر ..
عموما اذا كان سيرفرك فى الجانب الغربى من الولايات المتحده فاعتقد انهم يواجهون مشاكل بالرووتنج للخطوط الرئيسيه وقاعدين يحدثونها حسب ما سمعت من مدير احدى الشركات فيها..
بس نصيحتى لك اتركب برنامج MRTG 2.9.10

وتقدر تحمله من http://ee-staff.ethz.ch/~oetiker/webtools/mrtg/

وإن شاء الله تكون المشكله مؤقته ويكون منتدانا مستقر .

سلامات يا سوالف دوت نت

[mabsoot]

السلام عليكم

الاخ سوالف

تعقيبا على تعقيبك

------------------------------------------------------------
mabsooot

والله صدقكم مبدعين, سمعت عن الشات إللي تقول عنه بس ما دخلته, مال منو وكيف مشغلينه, مستحيل عن طريق إتصالات

------------------------------------------------------------

هذا الشاب هو أنا

وكان السيرفر اسمه Crown Dalnet

عمل لمدة 3 شهور فى دالنت وأنا كنت مشغل السيرفر والمسئول عنه وأسمى المستعارmich7el
ومشغل من راس الخيمة ومن منزلى وشغال على ال freeBSD 2.8.1

ودمتم للخير

[_-*الفيصل*-_]

اوووه راس الخيمة والله وين ايام راس الخيمة تصدق يمكن من ثلاث سنوات ما سرت راس الخيمة...وبعدين تعال انتوا عندكم كهربا براس الخيمة علشان يركبون لكم تيلفونات وخطوط انترنت هههههههههه اكيد مشغلينه بالطاقة الترابية هههههههههه بس اقول السيرفر اللي تقول عنه انته لغيته اكيد صح ؟؟ ولا بعده موجود؟