السلام عليكم :

انى اوجهه كلامى هذا للذين مازال عندهم رهبة فى مجال الكومبيوتر والأنترنت او فى اى مجال

فيايريت تعرفوا انى مافيش حد اتولد وهو علامة او بيفهم فى كل حاجة .
لا بس بالأصرار والعمل والعزيمة تصل لما ترغب اليه
يا جماعة دا فيه ناس بقالها سنين فى مجال الكومبيوتر وانا والحمد لله تفوقت عليهم " كل شوية تحصلهم مشكلة يلجؤا الي , والحمد لله على هذا " مع انى ولا افهم حاجة دا انا بقالى سنة وشويه فى هذا المجال "فانا لسه فى بداية الطريق

ولكنى فكرت كثيرا ما سبب تفوقى عليهم مع انى مش زكى اوى وما فيش فرق بينى وبينهم .
ولكنى توصلت فى النهاية انها مدى الرغبة والطموح لدى الشخص ,
فانا مثلا عايز اعرف كل حاجة فى هذا المجال " وانا عارف انه مستحيل , ولكن لدى الطموح وطموحى ليس له نهاية "
فبحاول اعرف اى معلومة تصادفنى او من اى واحد ذا خبرة او حتى بدون خبرة " , ومن الأنترنت ومن المجلات . ولكنى طبعا لازم اهتم بمجال معين " صاحب بالين كداب "

انا فى الأول كنت بشعر برهبة شديدة من الكومبيوتر ولكنى كلما توغلت فيه افاجأ بانه من اسهل ما يمكن تعلمه .

واعلم انك لو شعرت في يوم ان خلاص كده انت بقيت علامة او 100 100 , فاعلم ان هذا بداية الغرور الذى نهايته تدميرك .

طبعا انتوا هاتقولوا " انت يا عم فرحان اوى بنفسك كده ليه .. دا شكلك انت اللى اتغرييت .

لا والف لا ..... انا بجد بجد نفسى انى نحن المسلمين ان نتقدم وان تكون بيدنا دفة التقدم وان نأخذ وضعنا كما يجب ان يكون .

ولن يتحقق هذا الا بنا نحن شباب المسلمين " عايزين نفوء من اللى احنا فيه "

" ويهذه المناسبة اشكر الأخ سوالف على هذا الموقع الجميل والذى لم شمل العرب والمسلمين " وان شاء الله يكتب فى ميزان حساناته"


وفى النهاية اسعى على ان تحدد هدفك , واجعل النية لله وان تخدم الأسلام به .
فاعلم انك لو توكلت على الله حق التوكل " حق التوكل " فان الله لن يخزيك ابدا

لأنى لا ارى حل للأسلام الا هذا فكفى مزلة وضياع وهوان .

فلنتوكل على الله جميعا ونضم ايدينا فى ايدى بعض

اكتفى بهذا اوتمنى ان تكونوا فهمتوا انا عايز اقول ايه

واعتذر ان كنت ضايقت حد بالكلام ده

والسلام عليكم ورحمه الله