ابحث عن افضل خدمة DSL في الكويت ..؟

[T7T GAMES]

السلام عليكم

اخواني اريد الاشتراك في خدمة DSL من الكويت

ولا اعرف الا شركة كوالتي نت وفاست تيلكو

واحتاج نصيحتكم بأفضل شركة تقدم خدمة DSL في الكويت

وايضاً يكون سعرها معتدل


والسرعة المطلوبة 128 Kbps
والسعر الموجود بكوالتي وفاست تيلكو 25 دينار بالشهر

هل اجد شركه ممتازه بخدماتها وقوتها وسعرها ارخص ؟ :1power:

في انتظاركم ....

[t7t7.com]

حبيبي مالك الا شوتايم

هذي انترنت فضائي افضل من dsl

السرعه 128 ب16.900 دينار ستت عشر وتسع مائة فلس

رقمهم تحصله عند بدالة 808080

تحياتي لك

[كويتي]

معلش اخوي ما انصحك ابدا بالشو نت ..

خذلك دي اس ال من فاست تلكو وارتاح .. صاحبي عنده شو نت زهق منه وبدله الى فاست تلكو من كثر الاذية كل شوي يفصل .

وعلى فكرة لايوجد شركات تقدم خدمة دي اس ال بالكويت غير كوالتي نت و فاست تلكو

تحياتي

[T7T GAMES]

الله يعطيك العافيه اخوي t7t7.com

قبل شوي دقيت عليهم ومنزلين خدمات جديده مثل 2 ميقا للداونلود فقط بــ 10 د.ك

وباقي خدماتهم ماعجبتني

وشكراً لك

=-=-=-=-=
اهلين اخوي كويتي

والله الظاهر مالي الا فاست تيلكو

وان شاءالله ماتكون فيها مشاكل

مع التحية

[Abachy]

اخوي t00p.com انصحك بفاستلكو ولا تفكر بغيرها صراحة بس نصيحة لا تاخذ منهم راوتر لأني ماخذ منهم واحد ومبتلش فيه وبالنسبة لعروضهم مسووين خصم 20% على كل السرعات اذا دفعت عن طريق الكي نت شهريا مثلا 128 Kbps سعره الحين شهريا ب25دينار اذا دفعت شهريا عن طريق الكي نت يصير بمبلغ 17دينار وسرعة 256 Kbps شهريا تكلف 40دينار اذا دفعت شهريا عن طريق الكي نت يصير بمبلغ 32دينار وسرعة 512 Kbps سعره الحين 70دينار اذا دفعت شهريا عن طريق الكي نت يصير بمبلغ 55دينار طبعا طريقة الدفع عن طريق الانترنت اضغط على الصور للمزيد من المعلومات :nice: والله انفع اشتغل عندهم موزع :funny:



وبالنسبة للشونت فحدث فلا حرج طلعو روحي من مشاكلهم كل شوي يفصل وياك من سبب او بدون سبب ومشاكله مع المطر واشياء وايد غير هذا ياريت على هذا السبب جان استحملتهم :anger1: سوو لمت على الداونلود قبل كان في مفتوح الداونلود الحين مخلينه فقط 3جيجا ما تشوف حاطين لك العرض الي يغري صراحة 2 ميقا للداونلود فقط بــ 10 د.ك اسألهم بيقولون لك الداونلود 3جيجا او 2جيجا شهريا فقط يعني تنطر لي الشهر الي وراه على ما يجددون لك انصحك خلك مرتاح واخذ الي قلت لك عليه (فاست تلكو) وبتدعي لي ولا بتدعي علي :1power: موفق ان شاء الله

[Dr.Rae3]

يالله يارب انك تهدي شركة الاتصالات ويجددون بقسياتهم البايخه

ماشاء الله تبارك الله خدمه حلوه 512 بــــ800 ريال والله شي من جد

عندنا في السعوديه خدمه اي كلام وايضا بطئ غير طبيعي

الله يوفقكم اخواني واسف اخوي صاحب الموضوع على المداخله

ولكن من القهر من الانترنت في السعوديه

[star4host]

السلام عليكم

أخوي مالك إلي فاست أنا أستخدم dsl من سنتين وكل شي تمام

مع العلم أن الخصم فقط للتجديد

لا أنصحك بالشونت إلا إذا عندك واصطه عندهم أقولك ليش الواصطه يكتبون بالفاتوره 512 و يحطولك 5 ميجا ما العلم أن ما يصير الشبكه عندهم بدون واصطه

وشكراً لكم

أخوكم حمد

[KuwaitNET]

لا يحوشك شو نت

بس بنظري كواليتي اسرع يعطونك شويت Ks مجانيه يعني تشترك 128 يعطونك 192 تشترك 256 يعطونك 320 انا مشترك 1 ميجا معطيني 1.2 ميجا يعني 256 بلاش و اذا اشتركت سنه على اي سرعه يعطونك الدبل مثلا 128 يصير 256 و 256 يصير 512 و 512 يصير 1024 !

[Abachy]

هلا اخوي بشار حياك الله وبالنسبة لموضوع شويت Ks مجانيه فنفس الشي للفاست تلكو يعني المفروض عندنا التحميل على اشتراك 256 يوصل 32 مسوينه 50 والله يديم النعمة :nice: ولا ينقصون السرعة خل يزيدونها وينقصون اسعارهم الي تكسر الظهر :anger2:

[انا كويتي]

حبيبي سعود انا اقولك عن تجربتي

شو نت

انا جربت خدمة شو نت من سنة 2001 - 2003 صج انها سريعه لدرجة ما تخلي برنامج ولا فلم وتنزله لو ما منه فايده <<=== تحلل السرعه

بس المشكله ان لهم حد معين بالدوان لود بالشهر يعني اذا استخدم الدوان لود اكثر من المحدد راح تقعد تكمل الشهر من غير اشتراك <<<==== نفس مشكله الباندوث بالمواقع :anger2:

وخدمة الدعم الفني فاشله حيل لدرجة تحس انك ما تتعامل مع شركة كبيرة ومحترمه تحس انهم شلت نصابين يحاولون يدفعونك بأي طريقة وكلهم هنود 90% الي بالشركة هنود وما تعرف تتعامل معاهم كل مواعيدهم جذب اذا حاشك هوى قوي او غبار او مطر وتحرك طبق الستلايت تقعد سبوع عشان يجيك الدعم الفني :anger2:

لا واذا جاك قالك ابي 5 دنانير خدمه عاد انت عاف الجو عندنا يعني جم مره راح يجيك ...؟

يعني ما انصحك فيه لان عندك موقع ومحتاج يكون اشتراكك شغال دايم اهو يصلح لواحد يستخدم كازا او اميش عشان الدوان لود وبس :funny:


كولتي نت

ياعيني على كولتي نت جربتها من 2003 الى اليوم ولي باجر ، خدمة الدعم الفني عجيبه عجيبه صج عجيبه الاشتراكات بالشهر :
128 بـ 25 دينار
256 بـ 40 دينار
اما الباجي غاليه ما ادري عنها

انا مشترك عندهم 256 لمدة 6 شهور بـ 105 دينار اذا دفعت مقدم ينزل السعر

واذا اشتركت بالفيزا يطلع اشتراكك سرعة 128 بـ 18 دينار

لا والحلو فيهم اذا انتهى اشتراكك تدق على الدعم الفني خدمة 24 ساعه تقولهم ابي يومين مجاني <<<==== مفلس عادي يشغلونه لك :funny:

واذا بغيت تدفع تدق عليهم تقولهم ابي المندوب يجيك البيت او الدوانية او اي مكان <<<=== حتى لو الشالية :funny: وخدمة التوصيل مجانية وسريعة

وبين فترة وفترة ينزلون عروض حلوه

صراحه انا جربتهم وارتحت وانت شوف عروض الاخوان وانشالله بتلقى شي يناسبك

[فيصل الدوسري]

لا يحوشك فاست تيكلوم

غير الكوالتي لا تدور بس لو يرخصون أشتراك 1 Mbps لأن سعره مو صاحي :anger1:

[Abachy]

مو صاحي وده مستشفى الميانين :nice: اخوي فيصل الدوسري اتغشمر وياك لا تاخذ بخاطرك علي بالنسبة للأسعار معاك حق الاسعار غالية جدا مقارنة بالدول الاجنبية خصوصا للسرعات العالية الله يعيننا عليهم وان شاء الله عن قريب نشوف الاسعار تصير اقل من هذا

[Creative Suite]

اشتراكي فاست تلكو 256 وماشي آخر حلاوة .. مالك غيرة..

[bman]

افضل شئ هي الكوالتي نت
خدمة 512 DSL تكلفتها 58 دينار كويتي بالشهر لو تم الدفع من خلال موقعهم myqstore.com

[T7T GAMES]

الله يعطيكم العافيه جميعاً "فرداً فرداً

والله اول شي انصدمت من عدد الردود توقعت محد راح يرد

جزاكم الله الف خير يا اهل بلادي


والله احترت بين فاست تيلكو وكوالتي


كل شركه لها مميزاتها والخدمه واضح ان ثنينهم ممتازه

والستلايت غسلت ايدي منه لأن الدانلود مشاكل

عندك فاست تيلكو ممتازه بالخصم والخدمه ومعى العرض 3 جيجا استضافة وبريد سعة كبيرة وغيرها من الخدمات


وكوالتي نت احلى مافيها ان عندهم نظام جديد وهو dsl وايرلس يعني تقدر تشبك من 50 جهاز بنفس مجال البيت

واخيراً اقنعني مندوبهم Abachy :P اباشي باشا

وبمشي على شورته وبدعيله ان شاءالله بكل خير

=-=-=-==-=-=-=-=-=-=-=-=-=
t7t7.com
كويتي
Abachy
Dr.Rae3 : والله يعينكم على بلواكم ومسموح يالغلا
aa25
KuwaitNET
انا كويتي
فيصل الدوسري
Creative Suite
bman
=-=-=-=-=-=-=-=-=-=-=-=-=-=
شكراً لكم جميعاً ردودكم استفدت منها

مع التحية : سعود