الاخ العزيز PHP expert،، تقدر تقول،، بس عشان اكون صادق اكثر،، واحد ارسل لي الموضوع من سنه تقريبا على ايميلي،، لكن حاولت اسجل ويبدو كان التسجيل معلق في الموقع،، فقعدت اقشر بصل،، وشاءت الاقدار قبل مده اتذكر الموضوع واحاولت اسجل وكان التسجيل متاح،،، لكن تأخر ماتفعل اشتراكي (شكلي منحوس) المهم جيت اجرب امس وطلبت اعادة ارسال الرقم السري " ووالله جاني!!".
عزيزي mostafa-962 ،،
انت ملاحظ انها طويله شوي؟؟؟ (شوي تحتها خطين).
بس انا فكرت وقلت احسن من اني ارد بعد عشر سنين واقوله اسف تاخرت عليك 10 سنين،، فطلعت 3 سنين شويه معي،، فرديت بكل سعة وجه
اخوي Hossam AL-Abdeh ،،،
الله يحيك،، وتسلم لي والله،، ويكفيني فخر ان فيه احد دور علي،، ومانسيتوني.
لا ياخوي تكفى تذكر ليش طرحت الموضوع،، شكل كان عندك شي ،،، لي سنه وانا متحمس بشوف وش القصة،، لا تحطمني،، حتى لو تنصب علي معليش
بالنسبه للتصميم انقطعت عنه،، لكن كل فترة وفترة ممكن اصمم فلاشات خاصة،، كهواية ليس الا،،، (عجبتني ليس الا)
بعدين عندي ملاحظة،، ترى فلاش يارفيق الصبى اللي في البروفايل حقك ماكول نصه،، فيه بحيرة وقارب ما تطلع معك
اخوي دنيا الجوال ،،
اقولك شي بس ماتعلم احد؟؟
اشوى اني عاقد شماغي عشان اذكر ادخل المنتدى و ارد،، والا كان يمكن ماذكرت الا السنه الجاية،،، عاد من جد تطلع فشيللله.
بالنسبه لموقع من مواقعي "الشخصية" حاليا ماعندي،، لكن في فكرة بانشاء ماجد بيج 2 (اخاف تعجبني السالفه واكمل الى الجزء الرابع "لوست على غفله")
الف شكر للجميع وتسلمون على اهتمامكم
رد مع اقتباس
