استفسار بسيط :)

[عبدالله الكواري]

السلام عليكم ورحمة الله وبركاته

شحالكم يالربع ,

بخصوص لوحة تحكم المشرفين ؟ modcp ؟ هل اقدر اضيف عليها خواص جديده ؟

لأن في المنتدى عندي 2 اداريين وما ابي اعطيهم صلاحيات admincp , هل اقدر اضيف على modcp اضافه مشرفين وازاله مشرفين

ادري السؤال معقد شوي . . بس ياليت القى حل

فناااان

[فاشل بجداره]

يالحبيب للان حنا ما استفدنا نهائياً من modcp ما ادري ليش ؟؟

ما لقيت شرح وافي بالضبط لها ,,

[BoYagoob]

تقدر تخليهم يدخلون للوحة التحكم admincp ..

( إذا كنت واثق فيهم 1000000% )

وتسمح لهم بالدخول لأقسام أنت تحددها لهم .. بحيث تسمح لهم بالتحكم بأمور معينة .. وتمنع عليهم التحكم بأمور أخرى ..

[bahrain-ca]

كلام بو يعقوب صحيح .. تقدر تفتح لهم أشياء معينة وتبند عليهم أشياء أخرى .. واعتقد ايضا تقدر تضيف الي تريده الى modcp .. اذا سويت نسخة من ملفات ( user.php ) و ( forum.php ) و ( moderator.php ) وحطيت رابط لهم في modcp/index.php اعتقد ممكن تقدر تضيف المشرفين وتلغيهم من لوحة تحكم المشرفين modcp ..


على كل حال اخوي الأفضل انك تسمح لهم بالدخول الى admincp مع فتح بعض الخيارات لهم ..



واذا احتجت مساعدة تراني حاضر

[عبدالله الكواري]

تسلمون حبايبي . .

انا داري ان ممكن اخليهم يدخلون الadmin cp واكيد واثق فيهم , لكن الموضوع ومافيه ان اخاف شي يخترب ولا شي عشان جذي ال modcp اضمن . .

اخوي بحرين تسلم يالغالي وشكل بحاول اعدل في ال index.php مال modcp واضيف خصائص واشوف اذا تشتغل ولا لأ

يعطيكم العافيه اخواني وجزاكم الله خير

فنان

[bahrain-ca]

على راحتك اخوي FaNNaN واذا محتاج انزل لك شرح كامل ابشر تراني حاااااااااااااااااااضر ...

بس ملاحظة بسيطة اخوي .. ضيف الخصائص تحت قائمة ( الإعلانات ) لأنها مفتوحة بالكامل للمشرفين بداخل modcp .. ولذلك أي شي تضيفه تحتها بيكون مفتوح لهم ايضا ..


اموفق ان شا الله

[فاشل بجداره]

اخوي bahrain-ca يعطيك العافيه واذا شفت فيه وقت فاضي فيه تكفي تشرحلنا الطريقة كامله وبالضبط ,,
لان نحتاج بس التعديل على الاهداءات وتفعيل الاعضاء وايقاف الاعضاء وبس هذه اغلب الاشياء المهمه ..

[bahrain-ca]

اخي الكريم ( فاشل بجدارة ) .. كل وقتي لكم وانا حاضر .. بس هذا مجرد تخيل للطريقة والى الآن ما جربتها .. انته حدد الأشياء الي ترغب انها تكون في لوحة modcp وانا بحاول اضبطها واجربها عندي على السيرفر المحلي قبل ما اطرحها لكم ..


بالنسبة لتفعيل الأعضاء وايقافهم اعتقد ان هذا ممكن وبجربه اليوم عندي بإذن الله وباطرح الطريقة .. وبالنسبة للتعديل على الاهداءات ما عندي فكرة عنه لأني ما ركبت هاك الاهداءات ولا جربته ابدا .. بس باركبه وبجربه وبشوف كيف ممكن انقله الى لوحة تحكم المشرفين modcp ..



ولي عودة أخرى للموضوع بإذن الله

[فاشل بجداره]

أخي bahrain-ca كل الشكر على ردك الجميل وعلى خدمتك التي لن ننساها ,,
يمكن من اهم الخيارات في modcp في رائي وخاصه في حكم وجود قوانين صارمه من الاداره

- توفر التعيدل على الاهداءات ..
(اظن انها ننسخ نفس الكود والملفات ونحطها في modcp واقصد بالاهداءات الاصدار الجديد المتقلب لفوق)

- توفر خاصيه تفعيل الاعضاء
(وحبذا يكون الاسم فقط دون الايميل ويكون الخيار اما الموافقه او التجاهل دون وجود الحذف)

- توفر خاصيه ايقاف الاعضاء
(وحبذا يكون عن طريق البحث عن الاسم وعند الدخول لا تخرج كامل المعلومات بريده وغيره وانا فقط نقل لاي مجموعه والتعديل على اسمه اذا كان اسم مخل بالاداب )

واتوقع هذه اهم الاشياء التي يجب ان يتحكم فيها نائب المشرف دون الدخول للوحه التحكم ..
صحيح تضمن المشرفين بس كمان الحرص واجب ,,

كل الشكر عزيزي واسف على الاطاله

[bahrain-ca]

اخوي تراني مش مبرمج ولا اعرف شي في البرمجة .. كل السالفة اني احاول انقل بعض الملفات الي تحتاجها من admincp الى modcp بحيث يصبح للمشرفين القدرة على القيام ببعض مهام المشرف العام ..


انا جربت كثير والحمدلله قدرت اضيف الى لوحة تحكم المشرفين modcp القدرة على التحكم على الأعضاء .. تغير اسمه وايميله وباسوورده وتغيره من مجموعة الأعضاء الى مجموعة المشرفين او الى مجموعة الأعضاء المطرودين والموقوفين ..


ملاحظة هاااامة جدا : الشخص الي بتسمح له يغير الأعضاء من مجموعة الى مجموعة لازم تكون واثق منه 10000000% .... لأنه يقدر يغيرك ايضا من مجموعة الى اخرى .. وانتبه لا تدخل ثاني يوم وتحصل عمرك عضو عادي ..


بس باختصار اخوي بدل ما تضيف هذي الخصائص الى لوحة تحكم المشرفين modcp ... تقدر تسمح للعضو يدخل لوحة تحكم المشرف العام admincp وتفتح له خصائص معينة فقط .. عن طريق اضافة رقم عضويتك الى ملف config.php والدخول الى لوحة التحكم >> مجموعات >> صلاحيات المشرف العام .


من هناك تقدر تسمح للعضو بالدخول الى admincp وتسمح له بالتحكم بأشياء معينة فقط .. انظر الى الصورة هذي كمثال على الأشياء الي ممكن تسمح له يتحكم بها :










واذا حبيت اني اضيفهم على modcp انا حاضر وباشرح لك الطريقة كاملة والخيار لك

[HAItHAM]

ادخل على تعديل المجموعات

ادخل على مجموعه

الsuper moderator

وعدل زى ما انت عايز على خاصياتهم