خبر رائع من مايكروسوفت العالم العربي

[زائر]

الخبر هو انه في 31 مايو سيتم اطلاق اوفيس 2002 النخسة العربية والانجيزية والجميل في الموضوع انه تم تعريب فرونت بيج 2002
وببلشر وبرنامج ثاني ناسي اسمه
الخبر هذا من جريدة الرياض عدد اليوم

[mubarmej]

الله يستر .. أقصد .. الله يبشرك بالخير

أخيرا عربوا الفرونت بيج

المشكلة راح تكون هي .. أن .. اللي يبي مايكروسوفت .. خل يبدأ يجهز فلوسه عهد البرامج المنسوخة راح ينتهي قريبا ونظام مايكروسوفت الجديد شكله ما راح يشتغل إلا على الإنترنت بعد تسجيل النسخة لكل مستخدم مختلف .. يعني حتى في البيت الواحد إذا في أكثر من جهاز لازم كل واحد يسجل ويدفع حق نسخته! .. والله يعيننا على الأسعار اللي ما تعودنا عليها ..

بس إن شاء الله التايوانيين ما راح يقصرون .. يشوفون لنا صرفة

تذكير : نظام Linux يستمر في إحراز تقدم في التعريب .. Mandrake 8 راح يكون البداية للتعريب الحقيقي لنظام لينكس إن شاء الله تعالى والله يعين على الأوفيس وغيره.

[البرواز]

فعلا انا برضه قريت الخبر اليوم ، وفعلا خطوة رائعة وأنا على إنتظار صدور تقنيات الـ .net من مايكروسوفت ، وكما يقولون انه راح تغير مفاهيم كثيرة في البرمجة والإنترنت

[زائر]

ههههههههههههه
ههههههههه
راح ينسخوه والله راح ينسخوه
تدري ليش
لان الدي في دي وهو بهالتقينة العالية نسخوه
وكثير اشياء قدروا ينسخوها
وبعدين مايكروسوفت راح تقدم الكود حق الاوفيس للجنة مراقبة
لتتاكد انه مافي تجسس يعني بالعربي راح ينسخ
اخوكم دارت
مبرمج ابي رايك بالسكربت الي سويته

[البرواز]

أكيد راح ينسخ لكن مايكروسوفت ما صارت تفرق معها كثير من هالمسألة لأنه اكبر سوق لها هو السوق الأمريكي وبعده السوق الأوروبي وكلا هالسوقين يستخدم برامج النسخ الأصلية بنسبة 85 بالمئة تقريبا ... والسوق الأسيوي مثل ما هو معروف اكبر سوق للبرامج المنسوخة ومايكروسوفت بدت تشوف شغلها على هالسوق بفرض قيود على الحكومات ( إنقلبت السالفة صارت الشركة تجبر الحكومة ) مثل ما هو موجود في الإمارات والسعودية ، يوم رفضت مايكروسوفت تفتح مكتب رئيسي لها الا بعد قيام حملات من وزارة الإعلام بالتفتيش والقضاء على البرامج المنسوخة ، يعني هالمسالة بدت تتقلص على الأقل بالنسبة لمايكروسوفت

والله يعينا على الأسعار !!!