عنود الفيصل ورد الشمال وسردال وكل من يعرف في السويش

[the 13th warrior]

مساء الخير اخواني انا الان احب اعرف فقط شي بسيط كيف الواحد يجعل الموسيقي في عرض الفلم مستمرة بدون ما يظهر انقطاع لها يعني تكون متكررة على طول هذا واحد الشي الثاني كيف ممكن اضع زر اعادة ارجوا الاهتمام يا خوان والرد عليه بأقرب وقت يا ياليت الفرعه معي شوي يا شباب تري اخوك في ورطة

[_-*الفيصل*-_]

هلا بك اخوي ...


بخصوص الصوت فإنت لازم تحط الصوت في أول فريم في السنس ... علشان يطلع اوكي ،،

وأما بخصوص زر الاعادة تقدر تكتب اي عبارة في نهاية العرض وتضع لها الاكشن play .. بينعاد العرض إلى البداية..


تحياتي..الفيصل

[عنود الصقر]

السلام عليكم ورحمة الله وبركاته

أخي المحارب الكريم
لابد اعرف اول عرضك باي برنامج سويته بالسويش والا الفلاش
لانه هناك اختلاف شوي بتركيب الصوت بينهما

فإذا كان بالفلاش مثلا قد تضع الصوت بفريم لحاله او قد تضعه
ضمن فريم ذو حركة

بالنسبة لتكراره تقدر تسوي اكشن play من القائمة الرئيسيه للاكشن حتى يعيد الصوت نفسه بصورة متكرره
امامن ناحية الانقطاع فهذا يعتمد على تسجل الصوت اولا اذا كان مسجل بشكل واضح وذو انخفاضها بالاخير او لا
وكذلك يمكنك من خلال الفلاش عمل edit للصوت عشان تقدر تخفضه بالاخير بحيث ان تكراره لاي يعمل فاصل ملحوظ بالعرض
هذا طبعا بالنسبة للفلاش

اما بالسويش فهي مسالة اخرى
اشرحها لك اذا وضحت لي باي برناج انت اشتغلت عرضك

اما بالنسبة لزر الاعادة كل ما عليك هو عمل كلمة replay
وعمل عليها اكشن go to frame وتضع رقم الفريم الذي تريد ان يعود له المشهد ويعيده وباي سكشن
يعني اذا كنت تريد الفيلم يعاد من بدايته
تقدر تضع (go to frame (1
وبذلك بيعود للاول فريم بالفيلم ويعيد الفيلم كامل
ولكن اذا كان فيلمك يحتوي كذا مشهد عليك تحدد اي مشهد بالضبط يعني لازم يكون الاول اذا تبيه يعيد من اول الفيلم

تحياتي أختك العنود

[_-*الفيصل*-_]

هلا والله اختي العنود ...


يالعنود المحارب يسأل عن السويش ..

"عنود الفيصل ورد الشمال وسردال وكل من يعرف في السويش "

تحياتي....الفيصل

[_-*الفيصل*-_]

طيب اخوي المحارب ..... شوف انا عن تقطع الصوت هاذي والله بصراحة ما اعرفها بالضبط بس اعتقد لو انك ما تترك ولا فريم فاضي بنهاية الصوت اعتقد ما يبين الانقطاع..وبعد اعتقد لازم يكون الصوت (الاغنية) ما يكون فيه فراغ بالنهاية والبداية..

تحياتي...الفيصل

[the 13th warrior]

هلا الفيصل مرحبا عنود

ياعنود انا اللي ابيه التالي لو سمحتي

المسالة اللي اسال عنها هي الان يوم اجي اسوي عمل بالسويش اضع الصوت تمام ولكن المشكلة انه ابي اعرف كيف اعمل له اعادة بدون ان يظهر وقت القطع بين في الاعادة الثانية هذا هو فقط لا غير وتكوني شاكرة لو اوضحتي لي


وتسلمين على المعلومات اللي قدمتيها لي

[عنود الصقر]

سلام اخوي الفيصل وانت اخوي المحارب

اخوي الفيصل شفيك علي ياخوي شوي وبتاكلني

ياخوي ما شفت العنوان عدل
الله يسامحك يا شيخ خذيتني بشراع وميداف

ونت اخوي المحارب اسفه على الاطالة لكن فعلا ما انتبهت للعنوان

بالنسبة لسويش دامك تركب الصوت تمام
بس العيب بحركة ا لانقطاع

فهذا عادة يكون يوم يكون الويف او الصوت عندك تسجيله فيه انقطاع واضح

حاول عمل مونتاج لصوت ببرنامج للصوت مثل ويف جولد WAV GOLD
وتسوي فداوت للصوت في نهايته بحيث يبان طبيعي وقت تكراره

هذا كل شئ والله يوفقك
واذا عندك اي استفسار ثاني اختك بالخدمة

عنود الصقر

[the 13th warrior]

هلا يا عنود اليوم اتعبت معي

ممتاز انا عندي برنامج سواند استديوا وفيه الخدمة اللي تقولي عليها الان وقعت في شي مره مخجل ما اعرف كيف اقوله

وهو التالي

الاصوات اللي استخدمها في المشروع جدا كثيرة وهي بامتداد mp3

وبعض من اصوات الويف حين قمت بالعمل ظهر لي ان الاصوات تدخل على بعض اي بمعني حركة ومعها صوت ثم حركة نص مكتوب ومعه صوت يدخل الصوت الاول مع حركة الصوت الثاني افيدينا يا عنود عارف انني معتب ولكن اصبري علي وتحياتي لك من الاعماق

[عنود الصقر]

ولا يهمك اخي المحارب

بس انا ما فهمت

هل تبيهم يتداخلوا
والا تبيهم كل واحد منفصل

فهمني ونا اجاوبك بالي اقدر عليه

[the 13th warrior]

سؤال جيد عنود انا عندي في التصميم كم صوت مثل ما ذكرت لك في البداية في صوت كبداية بعده على طول في صوت اخر كويس

بعده ايضا في صوت المشكلة انه الصوت الثالث فيه موسيقي في منتصفه يدخل الصوت الاول ثم الثاني ولا يزال الصوت الثالث ايضا في العرض لم ينتهي ...

فقط انا اريد منك يا عنود معرفه كيف ممكن اوقف الصوت الاول والثاني حتى لا تدخل في الصوت الثالث


كما انك لفتي بالي لشي كويس هل السويش ممكن يدخل صوتين في بعض في وقت واحد ارجوا انني تكون قد اوضحت لك الصورة يا عنود

وبارك الله فيك يا عنود

[وهم]

يا حليلج يا عنود

الله يكون في عونج على حبيبنا المحارب

[عنود الصقر]

شوف اخوي المحارب
عشان توقف صوت معين بفريم معين سوي عليه اكشن stop sound

بالنسبة لسؤالك عن السويش
ايه ممكن تتعامل معه مثل الفلاش من ناحية تداخل الاصوات والاكشن
بس طبعا الفلاش امكانياته اكبر بدبلجة الصوت

واذا فيه شي ثاني تبي تسال عليه
اسال ولا يهمك ما يردك الا لسانك
اختك العنود