الجد :
" لا يا وليدي ، أنا صحيح ما خشيت عنك شي لكن هذا السر كان لازم اخشه لمصلحتك ، أنا يا وليدي غني و عندي كنوز ، ورثتها عن ابوي الله يرحمه ، و ابوي كان يصرف علينا و عيشنا عيشة الملوك ، كنا نلعب بالبيزات لعب ، و لما توفىابوي صرت أنا الوصى على بيزاته ، خشيتها عن اخواني و قلت لهم ان ابوي كان غرقان ديون ، و لازم اسدد ديونه ، و عيشتهم بفقر و انتو من بعدهم ، عيشتكم عيشة الفقارة اللي مو لاقين غير خير الناس ، لكن الكنز ، كنز البقبق ، انا خاشنه بمكان ما يعرف احد غيري و انت بعد ما اخبرك" .
الحفيد :
" اذا تباني اطلعه خبرني عن مكانه و انا اييبه الحين ".
الجد :
" لا تستعيل يا ولدي ، الخير ياينك وانا ابوك ، خذ هالورقة و لا تفتحها الا بعد ما اموت ، ذيك الساعة افتح الورقة و سو اللي يريحك "
الحفيد :
" انشاء الله ، بسوي اللي تباه "مات الجد ، و صار الولد وحيد ، لا يعرف انيس و لا ونيس ، و البيت اللي كان ساكن فيه ويا يده ، اضطر انه يتركه لان صاحبه طالبه بيه ، و يوم طرده من البيت ، صاح فيه الولد ، " لو عندي بيزات كنت اشتريت بيتك ، و ما كنت طردتني جذي ".
ضحك عليه صاحب البيت و قال له :
" يالله يا قارون ، وين كنوزك ، جان عندك اشتر البيت و ريحني لأنه ما يفيدني بشي ".
ساعتها تذكر الولد ثروة جده ، و تذكر الرسالة ، قام ودور عليها و قبل ما يفتحها صلى ركعتين و دعا ربه ان يوفقه في دنيته و يحميه ،
فتح الرسالة و كان المكتوب فيها :
بسم الله الرحمن الرحيم
اقر انا الموقع ادناه باني كتبت وصيتي و انا بكامل قواي العقلية ، و كل ما هو مكتوب فيها صحيح و حقيقي ، و الله شاهد عليها ،،،
...................TO BE CONTINUED ................
