السلام عليكم ورحمة الله وبركاته
اخواني يشهد الله اني ترددت كثير قبل اطرح هالموضوع
لكن من زود قهري وبرودة صاحب موقع هديل ويب للتصميم
قبل ما ابدا بالله شوفوا اعلانهم :
نركز جهودنا دائماً على إيجاد و إبقاء الخدمة المميزة لجميع عملائنا ، و لتحقيق ذلك وفرنا لكم احدث السيرفرات لإستضافة مواقعكم عليها بمواصفات عديدة و أسعار مناسبة .
أما عن خدمات التصميم فنسعى لتقديم حلول التصميم المتقدمة ليحصل كل موقع على صورة محترفة تعطي إنطباعاً رائعاً له
والله ما عندكم ما عند جدي من ذوق او التزام بالمواعيد او صدق في المعامله
انا حولت عليهم 1000 ريال مقابل تصميم واجهه وستايل خاص لموقعي
واتفقنا على مدة 3 ايام ( ادري 3 ايام قليله لكن وش ذنبي اذا هو يقول كذا )
المهم اخذنا للان 16 يوم وكله كذب ومواعيد كذابه من صاحبه
مره يقول خويه مريض ومره يقول المصمم مزكم (( والله صرت اخصائي مصممين ))
ماباقي الا اعطيه الوصفه لمرضاه وانا شكو
انا بيني وبينك اتفاق التزم فيه او من باب الادب خلك متواصل معي واشرح الاسباب لي
مو تغيب واذا بينت تعطيني عذر ولا يبين الا اذا انا دورت عليه ؟؟ قبل كم يوم معي ماسنجر
ويومن سئلته متى يخلص برج ايفيل قال دقيقه اشوف وارد عليك وعلى وجهه قفل الماسنجر
وجاني بعد يومين عقب ما ارسلت له رساله وهو يضحك وقال ان شالله خلال اليومين هذي :funny:
الزبده
ركب الواجهه لي قبل كم يوم (( تصبيره )) وركبها بدون اي روابط (( طيح سوق عبداللطيف جميل ))
في التقسيط :funny:
قاعد يقسط علي شغلي بالمريح (( ما يهمه استلم فلوسه ابو الشباب :1power: ))
بنزل لكم صوره من العمل وبالله شوفوا الشغل الفنان بعد التاخير هذا كله وعلى فكره ابو ساره لاتقول لي انت عدلت وانت سبب التاخير (( ياخي خاف ربك كل الي عدلته كلمة وحده من انجليزي الى عربي ))
الي علمته باللون الاحمر هو التعديل الي طلبته ؟؟ بالله معقوله اسبوعين على التعديل هذا
والصور انا مجمعها له يعني بس قص ولصق ومسوي لي مربعات وقص في الواجهه مدري مسويه مستعجل ولا يبي يسكتني ومختار خط عادي والوان عاديه للايقونات يعني شغل زفت × زفت
ويومن اقوله ياخي خلاص رجع فلوسي ؟ قال لك شغل تستلمه :funny: عز الله مبدع ياولد
خطيررررر انت وين الناس عنك يا ذويق
اليوم حذفت الواجهه والستايل الي ركبه كل يوم قطعه :funny: يذكرني بالفسحه كل يوم ريالين
الله لايوفقكم يا هديل ويب لكن ما اقول الا حسبي الله ونعم الوكيل وخاف ربك يا ابو ساره تراها وسخ نفوس لو طلبتها سلف عطيتك
