السلام عليكم
بقول لكم قصه صارت معاي اليوم
أنا قديم في الأنترنت و مشترك من سنه 1997 و خلال هالفتره هذي في ناس إستغلت الأنترنت في عمل مواقع خاصه لها و مع إزدياد إقبال الناس على الأنترنت كبرت هذه المواقع و بعضها وصل سعرها بالملايين , و انا طول هالمده أقول بسوي موقع خاص بي لكن كل مره أأجل و لأسباب عديده منها الفكره المناسبه و منها التفرغ .. إلخ .
من فتره بسيطه طلعت في بالي الفكره الي شفتها مناسبه لي و لم يتم تنفيزها من قبل و شرعت في العمل عليها و إشتغلت على الموقع لمدة شهر بس عندي على الجهاز و خلاص كل شيء جاهز و حتى حجزت دومين اسمه مناسب لفكرة الموقع مع العلم بأنه من الصعب الحصول على إسم دومين له معنى في هذه الأيام , و لم يبقى سوى رفع الملفات على السيرفر .
لكن قبل ما أرفع الملفات قلت برتاح شوي و بدخل على البريد و أشوف إذا في شي جديد , و هنا كانت الصدمه :court: من ضمن الرسائل , وصلتني دعوه للإشتراك بموقع فكرته نفس فكرتي و لا المصيبه إن الشغل الي هم عاملينه إحسن من شغلي مليون مره , و انا اشوف الموقع و انا متحطم نفسياً و كرهت شيء اسمه تصميم موقع .
والحين محتار ما بين الحذف أو إني ارفع الملفات و انا متاكد من فشل الموقع !!
و هذي هي كل القصه و إن شاء الله محد يتعرض لمثل هالموقف لأنه فعلاً محطم للمعنويات
رد مع اقتباس
