السلام عليكم
اخواني المشرفين ياريت محد منكم يلغي الموضوع لان الموضوع في غاية الاهمية
وهي مشكلة حاصلة مع الكثير من اصحاب المواقع وأنا واحد منهم
من قبل عشر أيام أتفقت مع أحد اشهر المصممين في سوالف على تركيب استايل أنا مصممه والا والاتفاق كان على قص وتركيب ألاستايل مع عمل واجهة نفس الاستايل وأعطيته ملف التصميم على أنه يقصه ويركبه كأستايل ومن ثما يعدل فيه لكلي يتناسب ليكون واجهة للموقع
وأتفقنا على مدة العمل أنها تكون يومين فقط ودفعت مبلغ ( 1000) ريال عشان يخلص كل اللي أتفقنا عليه في يومين وهنا أركز على ( اليومين )
المهم مرت الحين سبع أيام وألاخ مطنش استعملت معه كل الوسائل المحترمه وسبع أيام وأنا أكلمه في الماسنجر وهو يطنش واذا رد يقولي بعد شوي بوريك الاكشن النهائي ومرة بعد ساعة ومرة باكر راح أخلص كل شي وانا على هالحالة حتى الحين ,اتصل فيه وما يرد وأكلمه في الماسنجر وما يرد وفي النهاية لما قلت له ما صارت اتفقنا على يومين والحين صارت سبع قال أنت ما عندك أسلوب في التفاهم وأنا أقدر أسوي اللي ما يرضيك ومن ثما وصلنا الى حل نهائي أنه اليوم يخلص الموقع وقالها بعظمة لسانه أوعدك أنك راح تشوف موقعك باكر المساء بنفس التوقيت يعني الساعة 8 بتوقيت مكة واليوم دشيت وما شفت شي كالعادة اتصلت فيه ما رد دزيت مسجات وما رد لما قلت له بكتب موضوع في سوالف رد وقال أني قمت من النوم الحين وبدخل الماسنجر
كلمت مستضيفي قال أعرف اخو الشخص هذا وأتصل فيه وقال أنه بيدخل الماسنجر ولا شفته قلت مابي أكبر السالفه والتفاهم زين واعطيتهم فرصة والظاهر الأخوان ما لهم في التفاهم
أخواني المشرفين وألاعضاء أنا ماني جاي أكتب الموضوع عشان الفلوس وأنا قلت له لو تبي الفلوس قول أبي الفلوس خذهن هدية بس لا تكذب علي وتخليني كذاب قدام أعضاء موقعي
أنا أوجه له نداء أخير أنه يحكم العقل وينفذ اللي أتفقنا عليه أو أنه يجبرني أنا اضع جميع المحادثات التي جرت بيننا وصورة من الحوالة البنكيه واسمه ,رقم تلفونه وماني خاسر شي ال 1000 ريال ياما ناس خسروا قبلي اكثر من كذا بس هو الخاسر لان سمعته بتكون في الحضيض وهو من أشهر المصممين ولهم سمعة طيبة وأنا شخصيا كنت من أكثر المعجبين ولاني كنت معجب به أوجه له نداء أخير قبل ما أنزل الموضوع الثاني
