لايفوتكم .. كل واحد يلحق على بالونته :)

[بويوسف]

[بويوسف]

هلا مرة ثانية ..

طبعا في البداية احب ان اوجه الشكر والتقدير لكل من سال عني ..
لكل اصدقائي القدامى او الجدد حتى هذا درس صغير واعتقد انه مفيد

اتمنه انه يعجبكم ويرضيكم ..

[الضرغام]

انا اخترت البالونة الحمراء
يعني حجزتها
المهم انت كيف حالك ! اتمنى بأنك بصحة وعافية يالغالي
ترااااااااك دايم في فكري ولانسيتك انت والأحبة هنا
-------------------
انتظر درسك ياأستاذ
صحيح انك مشوق !!!!!
-0-0-0-0-0-0-0-
الضرغام

[the 13th warrior]

صباح الخير يا عسل وينك يا بويوسف ياخي والله لك وحشه كبيرة وينك يابويوسف من زمان عندك

حلوة البلونات والوانها متناسقه شكلك تبي تسوي منطاد وتسفر فيه بس على وين

[روضة]

هلا وسهلا بو يوسف

نورت مكانك

اي وحدة اخذ ؟

[وهم]

انا اخترت الثلاث بالونات

باخذهن وبطيييير بطييييير

بروح لبعيييييد

بس لا تخافون باخذكم معاي

وبويوسف والله فرحت يوم شفت اسمك موجود في كتبة اخر المواضيع


والله شي حلو

[عسليه]

حق حمودي البلونات لا حد ياخذ هن بعدين بيحشرني بصايح

كيف سويتهن من فضلك اخوي بو يوسف ؟

وايد حلوات تسلم يدك

[بويوسف]

هلا وغلا

نورتو سوالف ياحلوين

في الحقيقة والواقع الموجود ثلاث بالونات يعني تصرفوا انتوا ..

لا لا امزح معاكم عندي بالونات وايد لاتتهاوشون

الضرغام
المحارب
روضة
وهم
عسلية

تستاهلون اكبر واحلى البالونات ..


يلا نبتدي الدرس

[بويوسف]

وعدتكم بعمل درس في كيفية صنع بالونة .. ومع ان الدرس غريب شوي ويمكن العنوان كان فانتازي وفيه مرح وفرفشة اكثر من ماهو درس الواحد يتعلم منه ..

ولكن دعونا نتسائل لماذا نحن هنا .. اليس لقضاء وقت للراحة والفرفشة ؟؟
وهذا لايمنع الاستفادة من وقتنا ..

ربما كان الغرض من هذا الدرس ليس صنع البالونة بل ان حرصي وتعبي لعمل هذا الدرس كان من منظور ان البالونة هي مشروع في حد ذاته .. وحتى نتعلم كيفية ادارة مشروع للتصميم والرسم بطريقة صحيحة يلزمنا ان نتعلم بعض الاساسيات والمراحل ..

وحتى لا اجعل من الحبة قبة كما يقولون فأن اساس عمل باللونة ببرنامج الادوبي فوتوشوب بسيط
ولكن ماهو مهم غير تمكننا من البرنامج ان نعي ان كل مشروع مهما كان معقدا وبه مراحل كثيرة فأن خلاصته وتحليله هو عبارة عن نقاط .. وخطوات

وقبل ان ادخل في تفاصيل البالونة احب ان اقول ان اهم من عمل البالونة هي ماتفكر به الان ..بأن تتسائل ان كنت تستطيع ان تعمل اي شئ موجود في حياتنا ، في تعاملنا اليومي .. التلفون مثلا .. الريموت كنترول . الالة الحاسبة .. السيارة . الخ

وهنا تبدأ الافكار ويبدأ خيالك يعمل .. وتلك النقطة هي بداية الابداع عندك .. بكيفية انتاج اشياء لم يسبقك اليها احد ..

تابعوني

[بويوسف]

[عسليه]

شكرا استاذ بو يوسف شوف طبقت الصفحة الاولى
بس الصفحة الثانيه ما ضبطت معاية ما اعرف ليش

تفضل

ومن فضلك تابعك دروسك فى الادوبي لاني اريد اتعلم ولك كل التحية والتقدير

[عنود الصقر]

ماشاء الله عليك يا خوي بو يوسف
مبدع ومعلم وترد لنا بدروس ماشالله حولك
يعني صج سكتنا

لك كل الود والتقدير منا
وتابع نحن معك

حتى انا بعد ابي اتعلم الادوبي منك
تدري بي ما اعرف له
يلا اختي عسلية بدت تطبق باقي نحن

تحياتي لك اختك العنود

[وهم]

في البدايه اشكرك يا بويوسف على هذي الهديه الحلوه الي عوضت شوي من غيابك عنا

والحين يا شباب كل واحد يحبني على راسي تعرفون ليش
رجعت الكم كنز كان ضايع عن سوالف

صراحه ما عليك كلام بويوسف
عيني عليك بارده

[بويوسف]

شاطرة ياعسلية

بس اشوي التدرج يبتدي من اليسار مب من الوسط مثل ما مسويه انتي ..

بعدين اش المكشلة في الخيط ؟ ارسمي خط عادي وبعدين اختاري الفلتر ديستورت ..
في طريقة ثانية لعمل الخط عن طريق الباث بعد ..

6 من 10 عسلية

نجحتي بالغصب تراني مااجامل ولا اغشش ..

عنود .. ياهلا فيج اختي العزيزة وفعلا موقعج الحلو كان يستاهل كل هالغيبة .. تدرين ماكان في شي يبرر او يعطي العذر لغيابج .. بالنسبة لي ماكنت بسامحج ابدا .. لكن دام الغياب على شي يستاهل معليه سماح

اخوي وهم فعلا حبيبي انه رجعت عشان كلماتك الحلوة واللي طالعة من قلبك ..

وهم بقول لك سر انه هالدرس نزلته في موقع ثاني غير سوالف .. بيني وبينك بس ذاك الموقع الناس فيه حبوبين مثل سوالف ..

انتظر مزيد من التطبيقات والاراء

[ياقوت]

السلام عليكم و رحمة الله و بركاته

أستاذي يا " بو يوسف "...... شو رأيك بهذه المحاوله؟؟؟



تحياتي للجميع
<embed width="300" height="150" src="http://mypage.ayna.com/al_raed/yaqoot-swift.swf" quality=best wmode=transparent type="application/x-shockwave-flash">