السلام عليكم ورحمة الله وبركاته ..
اخواني الغالين ..
خلونا نتكلم بجديه شوي بخصوص الشبكات اللي
صارت اكثر من الهم على القلب .. لا احنا اللي اجتمعنا
في مكان واحد ولا احنا باللي قدمنا شيء للعرب ..
وشف العروض اللي تقدم من هذي الشبكات :
- تعريب - ترقيه - استايلات - تطوير مواقع
- تطوير منتديات - شرح خواص النسخ - تعريب هاكات - تمبلتات
والسالفه وما فيها كلها [ نسخ + لصق ]
بمعنى انه مافيه اي جديد ولا فيه شيء يقدم اصلاً ( للمستخدم العربي ) ..
نبي نحللها اكثر ..
نجي لسالفة ال تعريب ..
هذا التعريب تزوع بالغلط من ايام النسخه الجديدة ال [vb3.0.0]
وكل واحد قال هذا تعريبي وكل واحد صار ينزل تعريب
واول من عرب النسخ كان ايام النسخه ال vb2.0.0 هو ابو منار الله يجزاه خير
والنسخة اللي نزلت مجانا هي نسخة عرب 2.0.7 الزرقاء مع تعريب ابو منار..
بعدين تبعه في النسخه ال[vb3.0.0] الأستاذ الكبير : ألم الإمارات الله يجزاه خير ..
ايام كان عضو والدعم الفني في نادي الكهف ( vBulletinclub ) وانتشر وتوزع تعريبه عن طريق
الكهف وعن طريق شخص معين .. طبعاً كل التعاريب تجد فيها vBulletinclub.com
هذي بالنسبة للتعاريب ..
وبالنسبه للترقيه وحل المشاكل انواع النسخ والصق مالله به عليم ..
وكل واحد يبي يصير ( مبرمج + مصمم + دعم فني ) على ظهر كل مستخدم عربي
مسكين مايعرف شلون يحل مشاكل موقعه ولا هذا ..
يركب له استايل مجاني بـ 100 ريال او يحل مشكله بـ 100 ريال للساعة ..
او الترقية تلقى نص ترقيته مشاكل بقواعد البينات وكلها next step عشان مايقع
بالمحظور ويتورط مع الرجال او صاحب الموقع والمنتدى ..
شرح خواص هذي تفنن فيها ناس كثير ..
يجي الاخ وياخذ الشرح بالحرف الواحد من منتديات معروفه امثال منتديات الم الامارات
جزاه الله خير .. ويمسح الاسم او بدون اسم يضيف لهااسمه وطلع تطويري خطير
الهاكات - تمبلتات وتعريبها ..
يجي الاخ ينزل المرفق من اي موقع ثاني ..
يمسح كل الحقوق اللي داخل الملف ويرفقها مره ثانيه وهذي حقوقي ..
وتروني خطيير شوفوني مبرمج الهاك أو انا اللي عربته لكم ..
وباقي الاخوان الله يجزاهم خير انواع التصفيق له .. ولا طلع عمره 12 سنة
يعني اتحدى قد خش اول ثانوي ويقول اني صرت ابرمج هاكات ..
كانت ايام المنتديات وبدايتها هي سوالف سوفت وجاي بعدها
كم منتدى منها قلعة العرب ومنها دار العرب ومنها الهاكات لأبو خليفه
ومنها موقع اخوي عدام جزاه الله خير وفيه كثير بس ناسيها ..
ثم افتتح اخونا الكهف النادي وكان فيه من المبرمجين العرب والمطورين
الكثير والكثير اللي من جد لو استمروا عليه كان والله انتجوا منتدى عربي متكامل
من تعريبه الى ترقيته الى هاكاته الى كل مايريده المستخدم ..
بس لبعض من المشاكل اللي مانبي نذكرها واولها على قولة اخونا عمناد توزيع الحقوق
تم تصيفة كبار المبرمجين .. ودعونا لا نخوض في هذا الموضوع .. كثيراً .
جاك بعدها منتدى الم الامارات
يحتوي قسم تطوير المنتديات والمواقع
وكان ماشاء الله عليه استفاد منه ناس كثيره وتعلموا على يده ناس كثيره ..
وتم الاتفاق بيني وبين الاخ الم الامارات والاخ المشهور وضيف المهاجر
انه يكون عندنا موقع نسميه Data Center للـ vBulletin
وطلعنا بمنتديات الوافي التطويرية وكانت بدايه على انه يتم تغيير المسمى
الى نحوله الى تجمع عربي يفيد هذا البرنامج بالمجان ..
ولكن ما استمرينا مع بعض وغاب عنا احد الشباب اللي هو الاخ ( المشهور )
رجعنا نبي نقفله ولكن قلنا مايصلح بعد ماجمع كل هالناس نقفله
حاولت اني اساعد الناس او اني اوفر لهم الحلول او النسخ او الهاكات والاستايلات
في مكان واحد بدل ماكل موضوع بديرة .. ولكنلا يوجد تعاون يذكر زي ماتشوفون الحين ..
طلعنا بفكره جديدة وتم اخذ الموافقه اننا بنفتح موقع
تطويري اخر وكان مسماه [UAE PHP] مفتوح للجميع وبالمجان جميع الشروحات والهاكات والتمبلتات ولكن من يرغب بالدعم هذي فقط برمز مادي قليل .. لكي نطور منتدياته ومواقعه وصار ان بعض الاعضاء ومن الفريق انسحبوا ولم يكمل المشروع ..
طبعاً بعدها وش صار جاك الطوفان :
المواقع والمنتديات التطويرية << نشدد على كلمة تطويرية ..
جتك كل هذي المسميات :
( عرب , سنتر , في بي عرب , club vb , وياليل مطولك ... الخ )
وكل هذي نسخ + لصق + مشاكل + عدم تحديد ما يتطلبه المستخدم العربي
هل سمعت ان فيه نادي صح عمل :
- تعريب مجاني وصحيح 100 % وتم توزيعه وظمنه
- استايل ممتاز وبتقنيه عاليه وتوزيعه مجاناً
- هاكات وتمبلتات معتمده من فريق عربي لللتعريب والبرمجه
انا اقول لكم ..
ان منتديات الم الامارات خرجت عباقرة في المنتديات ..
وانتجت الى ان كل شخص فتح له منتدى وقال انا مبرمج او مصمم
او صاحب منتديات وتطوير ..
والسبب الرئيسي عشان اني اشرح لكم حرف
لازم اجي اركب لكم بــ 200 ريال او ارقي لكم بــ 1000 ريال ولا يجيك واحد ويقول احل مشكلتك بـــ 500 ريال ويجلس لي 10 ايام معرف يحلها ..
ولا يجيك واحد ويقول بصمم لك استايل احترافي بهاكاته بــ 3000 الاف ريال
وشو بالله عليكم مصنوع من ذهب ولا الايقونات ذهب وفضه
ولا بعد تركيبه بــ ذيك القيمة وش بتعبك يالاخو لو ركبته بلاش هذا انت
اخذت 3000 الاف ريال او استايل مجاني بتركبه مجان كلها
upload
للملف + upload عن طريق ال ftp الصور وصلى الله وبارك وقال اني تعتب لك
واني ركبت لك استايل جديد ..
اوشف انا اخوي الم الامارات سوى شيء مستحيل يسويه :
خدمات لأصحاب المواقع
ولم يفكر بكم يربح ولا بكم ياخذ من ظهور الناس ..
ليش كل هذا الجشع التجاري والمادي ..
خافوا الله في اخوانكم المسلمين احنا الان مقبلين على رمضان
تعاونوا على الخير تعانوا على فعل الخير وان لا حد يهضم حق اخوه المسلم ..
بالغش والجشع والتفكير المادي البحت ..
انا اقول .. ليش مانحدد لنا موقع عربي نتجه له كلنا ويكون بالمجان
تعريب و شروحات و هاكات و تمبلتات و ترقيه
ونشكل فريق راائع لن يهزم ونوحد صفوفنا بدل من البعثر ةا اللي صايرة هذي الايام
اخر الفضايح واحد متعلم له حرفين
جاي ينشر عندي بالوافي التطويري بالله وش رايكم :
مطـــلوب مشرفين على أقسام النادي قبل الحملة الاعلانية الكبيرة : ادخل و أقراءكل الناس صارت تبي تصير تطويريه وكل الناس تبي تصير في بيإدرة نــادي الفي بي التطويري
وتحسب ان الناس فلوسهم مع الطفرة والـ 15 % انهم جاهزين للدفع .. :nice:
والله فيه ناس يبون يدفعون بس والله مافيه ذاك اللي يقدر او يحترم او يخاف الله
والله يافيه ناس منتدياتهم زي ماقلت اول خرابه يمكن مالقوا مايصلحونها فيه
فيهم المنتديات الاسلاميه والمعاقين وذوي الحاجه ولو جيت لأحد تقول تكفى
خلنا نتساعد في مساعدة الموقع الفلاني .. عطاك ظهره وراح مايبي يخسر وقته
في تجميع الفلوس من هذا وهذا .. يوقدم شيء لوجه الله ..
انا اخوكم الوافي ..
مستعد بأسمي .. اني اقفل المنتدى الوافي التطويري اذا اخترتوا
موقع عربي معروف في تطوير المنتديات نتجه له كلنا .. ويجتمع فيه
كل المصممين والمبرمجين والتعاريب والهاكات والتمبلتات بدل مالزوبعة اللي
حاصلة الان ..
دمتم واعتذر على الاطالة
ولا تبخلوا علينا بردودكم ..
اخوكم الوافي
رد مع اقتباس
المشاركة الأصلية كتبت بواسطة الوافي
