النتائج 1 إلى 8 من 8

الموضوع: يوميات طالبة جامعية ( الحلقة الاولى)

  1. #1



    بدات اليوم الأربعاء 2/5/2001 بالانترنت من الساعة الثامنة صباحا و عندي الساعة 9 محاضرة بس ما ودي احضر.

    المهم دخلت المحاضرة متاخرة 5 دقائق و هزبني الدكتور ، و انا فيني رقااااااد لا يقاوم .

    بدى يشرح الدرس و في نص المحاضرة انتبهت انه يشرح صفحة 227 و انا فاتحة 277. و الغريب اني كنت اتبع معاه . كيف ما ادري.

    ابي اتثاوب بس الكتور جدامي ما عارفة ارقد .

    بعد 25 دقيقة ما حسيت و اللا الكرسي يرد على ورا و بغيت اطيح و من لحظتها و الدكتور عينه علي .

    و لما قربت المحاضرة على النهاية التهيت ارمس ربيعتي و لحظتها ظنيت إنا خلصنا فخذت الشنطة و وقفت بطلع من القاعة ....

    ثوان من الصمت و الدكتور يبحلق فيني . لحظتها اكتشفت ان المحاضرة ما خلصت ....


    و بعدها كانت القاعة كلها تضحك علي ..





    __________________
    آه لذلةأمة ضحكت لغفلتها أمم
    فيافي غير متواجد حالياً


  2. #2
    عضو سوبر نشيط
    تاريخ التسجيل
    Mar 2000
    المشاركات
    988


    هيهيهيهيه
    هذا حال كل طالب جامعي ..
    احلى شي لما تكون محاظرة مساق ادبي يعني ما يحتاي امسك الورقة و القلم و ايلس اسجل كل كلمة يقولها الدكتور .. اسير انخش في آخر الكلاس و انخمد أو افتح لي اي كتاب و اقعد ادرس فيه ..و اذا على التثاؤب .. حدث ولا حرج .. عيوني تحمر تقولون هندية لكن طبعاً مش في ويه الدكتور ... احياناً امسك ورقة وقلم ويالله انا و ربيعتي نلعب اكس او أو نرمس في اي سالفة ...و احياناً نتفاعل مع السالفة و يعلى صوتنا ساعتها ايي دور الدكتور يدق على الطاولة ..
    لكن اذا مساق تخصص .. يما لازم اكون يالسة أول شي و مفتحة عيوني و اذوني عدل ...

    حلو يا فيافي .. مرة ثانية لا تيلسين اول شي .. و اذا تبين الراحة حطي الشيلة على ويهج و ارقدي .. و احلام سعيدة...










    __________________
    لا أعد سقوطي في أي مجال سقوطاً أبدياً.. إنما هو مجرد انحناءة كتلك التي تسبق القفز الى أعلى ...
    سهام الحب غير متواجد حالياً

  3. #3


    على فكرة بغيت احطي الشيلة على ويهي بس الدكتور بيتخرع من شكلي

    و هذا مساق علم نفس تربوي يعني مال رقاد و مساقات التخصص انا ما اسرح او ارقد فيها






    __________________
    آه لذلةأمة ضحكت لغفلتها أمم
    فيافي غير متواجد حالياً

  4. #4




    والله انك ذكرتيني بأيام الجامعه ، نفس الشي يا سبحان الله

    التأخر ، وعدم الرغبه في حضور المحاضره ،، والمتابعه ولو اني فاتح صفحه ثانيه

    غريب ، خمس سنوات في الجامعه مي هينه ، كل الاحتمالات موجوده

    حتى اصبعي اللي امسك فيه القلم وجعني ، والحين بديت ارتاح





    __________________
    قـــ قوس ـــلم الحـــ الحب ـــب
    قوس الحب غير متواجد حالياً

  5. #5
    عضو فعال
    تاريخ التسجيل
    Apr 2000
    المشاركات
    1,368






    مره واح من الشباب الله يستر علية ...

    في محاضر اجليزي المهم الدكتور يشرح عن الأختبار ...

    ويوضح انه رح يكون اختيارات ...

    وفجاءه اخونا بالله ينط ويسأل الدكتور

    Do we have to write conculion ???

    حسباله الأختبار كتابة موضوع ( اكيد كان نايم )

    المهم الطلاب كلهم ماااااتواااا من الضحك

    موقف الله لا يوريكم





    هايل غير متواجد حالياً

  6. #6
    عضو سوبر نشيط
    تاريخ التسجيل
    Apr 2001
    المشاركات
    903


    لووووووووول
    حرام عليكم
    انا توني بخلص الثانوية لا تقول هل سوالف
    قولوا سوالف حلوى عن الجامعة علشان ادشلها بحماس :P






    __________________
    يا جـــــــــ مايهزك ــبــ ريح ــــــل

    al_hwaa غير متواجد حالياً

  7. #7



    اوكي الهوى هذي سالفه حلوه

    مره واحد من زمايلنا كان جالس يذاكر في الغرفه العامه

    مسكين كان الوقت متأخر والدنيا كلها ضلام ، ومافيه احد رايح ولا جاي والضوى الوحيد من الغرفه اللي هو فيها

    كان جالس في وسط الغرفه العامه ، وفجئه سمع صوت الباب ينفتح

    قال اكيد الحين احد بيدخل لان الباب وراه وفيه باب ثاني على يساره

    بنتظر احد يدخل ، ينتظر وينتظر ما احد دخل

    طالع وراه شاف الباب مفتوح وموقف يعني ما رجع وتسكر

    طالع ناحية الباب الثاني طلع نفس الشي مفتوح بس ما سمع صوت احد يفتحه !!

    والمكان بره ضلمه ،، صارت ليلة رعب بدل المذاكره ،

    لو تشوفه لما رد الغرفه .. عيونه حمره ، وباقي شويه وشعر راسه

    يوقف ،،، وما ذاكر شي المسكين ، وفاضل شويه على الامتحان ولساته ما نام ، جا وانا لسه صاحي من النوم


    كان مقلب مين اللي سواه فيه ،، الله اعلم انس او جن


    هذي صارت سالفه تخوف هيهيهيهيه


    القصه مي على لساني ، بس اتصور نفسي انا رفيقه اللي معاه في الغرفه





    __________________
    قـــ قوس ـــلم الحـــ الحب ـــب
    قوس الحب غير متواجد حالياً

  8. #8

    .....



    على طاري الجامعه في مره تعرضت لموقف محرج بس الحمدلله محد شافني لووووول.. كنت أركب الدرج وفجأه طحت بس أي طيحه.. لووووول الصراحه اتعوريت واااايد





    __________________
    كلام الملوك لا يعاد
    MahaALabdullah غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض