السلام عليكم ورحمه الله وبركاته
عيدكم مبارك وتقبل الله طاعتكم وكل عام وانتم بخير
اول شي اسف على طرحي هالموضوع بهالمنتدى لكن للاسف ماعتقد في احد يقدر يساعدني غيركم يا اهل سوالف.
في البدايه اتفقت مع صاحب موقع 6arab.com على انه ياخذ فتحه من موقعي لموقع kelma1.com وقلنا مومشكله وحطيت الفتحه لمدة يومين وقلتله وين الفلوس قالي خلني اجرب وشوف عدد الزوار بعدها بعطيك لاتخاف
قلنا مومشكله ومر اسبوع ثاني وقالي ابي اعلان 468 بأعلى الموقع وبكره الفلوس بحسابك قلنا مومشكله ، بعدها قال ابي الاعلان لموقع xccx أو شغله جذي المهم دليل مواقع وقلنا مومشكله اعلان وفتحه وصار اكثر من ثلاث اسابيع ماشفت ولا فلس.
بعدها صاحب موقع طرب ماقام يشبك وضافني ايميل arab20@gmail.com وقالي انا صاحب موقع xccx وابيك ترسلي رساله لأعضائك عن موقعي قلتله مومشكله بس ادفع اول شي قالي بكره الفلوس بحسابك وانتظرت...
ويا اليوم الثاني وقال البنوك مصكره خلها بكره وانتظرت وبعدها قالي ارسلتلك الفلوس ، دخلت على حسابي ومالقيت الفلوس وكلمته اليوم الثاني قالي ارسلتلك الفلوس صدقني الخ الخ قلتله طيب ورني الوصل قال السكنر خربان في البيت لي رحت الدوام برسله قلت مومشكله ، انتظرت اليوم الثاني وما أرسل شي وقالي انه حول الفلوس لحساب ثاني بالغلط !! يعني معقوله تصير انه يحول فلوس لحساب غلط ؟ ممكن انه يغلط بالاسم لكن معقوله يغلط بالاسم ورقم الحساب ويكونون متطابقين ؟!! قال بحولك الفلوس مره ثانيه مومشكله وانتظرنا وصار على هالموضوع تقريبا شهر ونص.
مع العلم ان سعر الفتحه المتفق عليها 80 دينار والاعلان 40 وماشفت ولا حتى دينار
مع اني كنت محتاج الفلوس ضروري ولكن للاسف ... ماقول الا الله كريم
تنصبون على اخوكم الي وثق فيكم بشهر رمضان .. لا والاخ arab20@gmail.com كاتب اسمه بالمسنجر مصمم ومبرمج php شكله قاعد ينصب على ناس ثانين فأحذركم منه.
اتمنى هالرساله توصل لـ6arab.com ومشكورين.
