سؤال الى الاخوة المقيمين او الطلبة في بريطانيا

[Aljazeera]

اخوي انا بروح 6 أشهر
وبخليها النصف الثاني من العام الدراسي الحالي لأني معيد ثالث ثانوي وادرس ليلي
وبحول النصف الثاني منازل او انتساب وناوي اختبر نهاية العالم ببريطانيا كيف وضع المدارس السعودية؟؟
كذلك كم تتوقع الميزانية الشهرية انا الحمد لله غير مدخن ومو حق اكل وعزابي وعارف حياة العزابية ....
انتظرك

[زائرMr.Ali]

تقريبا كلفتني شهر كل حاجه لين رجعت لبيتنا 17 الف
اي اسئله بالخدمة
ابو فهد

آسف على الإزعاج 17 ألف ريال أو باوند شهريا؟؟؟؟؟

[Aljazeera]

يرفع للأهمية....

[SHAGY4HOST]

شوف اخوي انا انصحك بمنطقه oxford

المنطقه بشكل عام ليست متحيزه للعرب لان 70 بالميه من سكان المنطقه من دول اخرى

جاين للتعلم ,, لان المنطقه بها الكثير من الجامعات المحترمه والتي بهل مكانه عاليه عندهم

من ناحيه العايله مجرد ما نك تتفق مع المدرسه راح يوفرون لك الاتفاق مع الاسرع حسب طلبك

يعني انت تختار نوع العائله مثل اجنبيه - ما عندهم بنات - يكونو مسلمين او ما يدخنون او ما يشربون

من ناحيه الجامعات الي انصح فيها في هذا المنطقه هم ثنتين oxford languge center & abacus coller

ثنتيناتهم جامعات محترمات وجيدين ,, ويوم بالاسفل من كل جامعه فيهم اول ما تطلع من الباب مطعم حلال

راح تحصل في نفس المنطقه شارع تروح له بالباص يكون معظمه للعرب يعني فيه محلات عربيه بقالات عربيه

ومن ناحيه العائله شوف لازم يكون نظامهم هيلب يور سيلف يعني هم ما يسون لك غير حقك مثل الغسيل الاكل وبس

لازم ما تتساهل وايد مع العائله عشان ما يمصخونها ويزودونها معاه يعني خل علاقتك فيهم عاديه سوالف وبس

شوف يوم تروح حاول تودي معاك اشياء بسيطه مثل المكسرات وكذا تحطهم بالغرفه يوم تمل تاكلهم ولو كنت انت

مدخن ود الزقاير معاك (( الله يشفيك من الزقاير )) بس لان كل شي هناك غالي المارابورا الي 5 ريالات هو ب

30 ريال تقريبا هناك ,, والمكسرات او الكافي يكون هناك ب 7 ريال مع انه ب 1 واحد عندنا يعني ود الي تباه

شوف لا تودي معاك وزن زايد لان راح ينحسب عليك غالي جدا جدا كل كيلو زياده ممكن يكون ب 500 ريال

احسن لك ود شويه اشياء وبس خل يكون عندك وزن 5 كيلو زياده لان ممكن تشتري اشياء لو رحت هناك

اهم شي حاول تبعد عن المحرمات والدسكوات ترا ما راح تفيدك بس دراستك الي راح تتم معاك يالغالي

ولو احتجت اي حاجه انا حاضر يالغالي اتمنى اني افدتك واسف اني طولت اخوك وصديقك عبدالله من قطر

[bader_ppc]

نعم oxford كما قال أخونا SHAGY4HOST

أنا لم أذهب إليها لأتعلم اللغة ، ولكن لي كثير من الأصدقاء ذهبوا و تعلموا بمعاهد و مدارس اللغة هناك

هذه بعض المعاهد و المدارس الخاصة بتعليم اللغة بأكسفوورد

British Study Centres

http://www.british-study.com/

Homelingua

http://www.homelingua.com/

St Clares, Oxford

http://www.stclares.ac.uk/

Oxford Professional English

http://www.oxfordprofessionalenglish.com/

Oxford House School of English

http://www.oxfordhouseschool.co.uk/

Lake School of English, Oxford

http://www.englishinoxford.com/

Oxford Intensive School of English

http://www.oise.co.uk/

و الله يحفظك ويرعاك

[Pepsi]

سؤال:
كم التكلفة الشهرية (سكن - مواصلات - رسوم - مصروف - كل شيء) ؟

في احد راح لكندا لدراسة اللغة ؟

[الريس]

آسف على الإزعاج 17 ألف ريال أو باوند شهريا؟؟؟؟؟

17 الف ريال خيوو


_____________________

اخوي Pepsi ابسال عن كندا ونيوزلاند مع تذاكرهم ان شاء الله اليومين الجايات ...


ناوي اروح لوحده منهم شهر الصيف الجاي كان عطونا اجازه