اسماء النطاقات , و التخلف في الاختيار..

[هوست دبي]

هذا الكلام الصحيح أخي العزيز 200ma ، لأن الواحد أحياناً يخونه تعبيره في بعض المواقف ..

و بالتوفيج لك عزيزي

[آرا سيرف]

خلاص انسى كلمة "غبيه" , خلينا نقول "غير مناسبه"

باركـ الله بكـ و نقطة تحسب لك

و بالفعل المفروض مثل ما قلت ان يدل الاسم على المحتوى و ان كان الاسم طويلا...

الدومينات التي تحصد المبالغ الكبيرة في سوق الدومينات هي التي تكون لها معنى و ان كبرت بل إن الدومينات القصيرة لا تحصد مثل الدومين المقروء بشكل سليم..

http://www.dnjournal.com/domainsales.htm

تحياتي للجميع

[مشعل نت]

مشكووور على طرحك للموضوع

وانا ما امدح النطاقات هذي لاني ابيعها او شي من هذا الكلام لا

من الاسباب اللي خلتها منتشره ومميزه لان الشعب العربي وخاطة الشعب السعودي الاغلبيه منهم ما يعرفون انلقيزي

مثلا موقع اسمه صديقي لو يبي يخلي دومينه بالانقلزي راح يطلع كذا ww.9deqe (الاسبلنق لك عليه )
يبي يصير الدومين صعب لكن لو يصير كذا f55f راح يصير اسهل واكثر انتشار وحفظ

وهذا راي الشخصي


مع تحياتي مشعل

[az0z]

هالدومينات اللي مو عاجبتك يجيها زوار يكتبونها كتابة بالمتصفح وهي مقفلة

دوميني n22n.com يجي عليه زيارات وهو كان مقفل سنتين

بس سؤال : اسمك وش موقعه من الإعراب ؟

[KuwaitNET]

الشاذي بعين امه غزال

لولا تعدد الأذواق لبارت السلع

كلّن ينام على الجنب اللي يريحه


بعد شنو اكو امثله ؟

و على فكره كل عالم لهم نوع من النطاقات مثل الصينيين نطاقاتهم كلها أرقام و من أكبر المواقع

[elamaken]

ياشباب أغلب اللي دوميناتهم مثل هذي لهم دومين ثاني يدل على اسم ومحتوى الموقع
لكن يحط هذا الدومين كإختصار فقط ....

وخاصة مواقع المنتديات هم اللي يسوون هذي الحركة

يعني أنا أدخل مثلاً على أحد هذي المواقع .. حلو .. واسمه مثلاً من ثمانية أو تسعة أحرف ولهم اختصار من اربع أحرف ايش راح اكتب ؟؟؟

أبو ثمانية أحرف ولا الإختصار اللي من أربعة أحرف ؟؟؟؟

فكر فيها شوي قبل لاتكتب الموضوع ......

[2600ma]

مشعل نت, الاسباب اللي ذكرتها صحيحه, ممكن تكون اسهل , لكن بنفس الوقت مالها قيمه. و بعدين ممكن تختار اسم له معنى و يكون سهل بنفس الوقت مثل www.tadawul.com , ما راح تحط جمله كامله بالاسم, كلها كلمه او كلمتين خاصه ان الاسامي العربيه اللي تكتب بحروف انجليزيه متوفره بشكل كبير.

az0z , روح اقرا الردود كلها اول شي بعدين تعال اسالني

elamaken, هذي فكره حلوه في حالة ان الاسم اللي له معنى يكون هو اسم الموقع الاساسي و الاسم القصير اللي ماله معنى يحول الزوار على الموقع الرئيسي. و من ناحيتي بحفظ الاسم اللي له معنى حتى او اطول لانه هو اللي بيرسخ بمخي.

الاسم يا جماعة الخير ماله دخل بمحتوى الموقع, انا منب اقول ان الاسم لا صار زي كذا بيصير الموقع تعبان, انا اقول لكم عن الاسم نفسه بغض النظر عن الموقع, الاسم بيكون تافه وماله قيمه الا لصاحب الموقع نفسه. يعني حتى لو حطيت اسم موقع بين اسامي مواقع ثانيه بيضيع بينهم لانه ما يوحي بشي ولا له معنى و حتى ما يجذب.