اليوم قدمت على Dsl والموظف يقول لي بعد 5 أيام التركيب ..!!

[جمال2]

بصراحة صدقته
من مبدأ اللحق الكذاب

أستفسار عن أفضل شركة , يقولون ( جيل ) لما بحثت في المنتدى .
والمودم ( سبيد تش ) أظن اسمه كذا

وهل فيه نصايح عند التركيب , او أي ملاحظات علشان ما يطوف علي شي << حريص

سلام :con2:

[|| ابو نواف ||]

لايكون ياجمال يقولون بعد 5 اشهر وانت على بالك 5 ايام :nice:
ان شاءالله يصدقون معك وعلى البركة مقدما

[أزدي]

أول نت الأفضل و سعودي نت
و أفضل مودم من ناحية العملية zoom

سبيد توتش جلس مع شهرين واحترق :anger2:


انا ركبت الدي اس ال في 8 أيام بس :nice:

[ابونوره]

مبروك مقدما
في حال ان ما فيه ضغط على الـ db بيوصلك باقل من 5 ايام
اما اذا زحمه ردد " يالييييييييييل .. تعرف الباقي "

حد علمي انك من سكان الشرقيه
خطوط الشرقيه من بعد رمضان فيها شويه مشاكل
الافضل من بين الشركات جيل من واقع تجربه
جربت اول نت + صحارى + جيل+ ألو
وجيل افضلهم دعم فني وسرعه
ونصيحه محب انحش من اول نت لان زمانهم ولى

من ناحيه الموديم جربت سبيد تتش من شركه الكاتيل
ممتاز بنا تعنيه الكلمه ( اختلف مع اخوي تروي)
فيه نوع موديله 510 هذا اربع منافذ
وفيه 580 اربع منافذ + لاسلكي
يعني تقدر تشغل الواي فاي وتستمع وانت تحت البطانيه بالاب توب
او جوالات مثل الاي ميت
والفرق بينهم بسيط بالسعر
شريت انا 580 ب 530 ريال
الاتصالات يوصلون الاشاره الى البوكسيه الباقي عليك انت
اذا كان الجهاز الموديم بعيد عن البوكسيه باكثر من 25-30 متر
انصحك تاخذ لك سلك خارجي دايركت على الموديم
وفيه نوعيه امريكي اسود ممتاز يعني لا تعتمد على توصيلات البيت القديمه
فيه قطعه صغيره اسمها مقسم (سبلتر ) هذي يكون التسلسل كذا
السلك الجاي من البوكسيه >> سبلتر
وفيه مخرجين واحد للتلفونات والثاني للموديم
لانك ما راح تقدر تكلم من التلفون الموديم شغال بيكون تشويش
او انك تركب قطعه صغيره مع كل تلفون اسمها فلتر والسبلتر افضل بنضري
ونصيحه لا تشتري شيء قبل يتصلون عليك الاتصالات ويقولون الاشاره وااصله
واي سؤال حاضرين

[أزدي]

ونصيحه محب انحش من اول نت لان زمانهم ولى

من ناحيه الموديم جربت سبيد تتش من شركه الكاتيل
ممتاز بنا تعنيه الكلمه ( اختلف مع اخوي تروي)

بالنسبة لجيل أحد الأصدقاء عنده إشتراك جيل يتصل و يشتكي لي على خدمتهم !
يقول لازم كل يومين على الأقل ينقطع 3 ساعات :anger2:

انا في أول نت من يوم أشتركت لهالحين ما انقطع إلا مرتين ولمدة ساعة فقط :nice:

أما المودم فمن واقع تجربة و بنصيحة بعض المهندسين
لا تفكر تاخذ سبيد توتش اذا قدرت على زووم
أول شيء أنا مثلك خذيته وعجبني والله مع إن المهندس قال لي بتندم والله ما يطول معك
و صدق المهندس جلس شهرين واحترق :anger2:

و زوم ما شاء الله داعس معي طول هالمدة و 24 ساعة اتصال بالنت :nice:

و بالنسبة للسبلتر والله العظيم تعبت الين ضبط
جلست فيه يوم كامل مع خبير حتى ضبط :shy:

تحياتي

[مهاجر]

انا والله من تجربه خاصه مو من كلام احد ولاشئ

جيل اشترك بـ 400 ريال 256 سرعه

اول اسبوع والله يفصل كل نص ساعه

واكلم دعن فني واسلوبهم بايخ الى ان رحت لهم

وقالو يايشتغل مزبوط يا نعوضك وجلست مراجعات

اسبوع اخر ئ قلت 400 ريال ماتسوى بنزيم رايح جاي

والان اليوم مشترك تجديد لأول نت 256 ريال


لي ثلاث شهور متعامل معهم حلوووه والله

[أحمدVIP]

أنا مشترك في جيل والحمدلله ماشي معاي زين والمودم سبييد تش , وركبولي الــ dsl يمكن في خلال 10 أيام.

[جمال2]

تسلموون كلكم و سلامي الخاص لبو نورة بسبب التوضيح والتفصيل .
وأي استفسار برجع لكم هنا ..

[Domain]

خذ مودم الكاتل سبيد تتش لأنه هو الأفضل والمفضل عند غالبية مستخدمي الانترنت وكذلك الدعم الفني بالشركات يعرفون يحلون مشاكله بسرعه وهذا عن تجربه
وهو يجي نوعين .. 510 توصيل بأسلاك و 580 لاسلكي
وكذلك افضل شركة اتصال اشوف انها سعودي نت ... باستثناء الشهر والنص الأخيرين لأن فيهم مشاكل كثيره بسعودي نت وغيرها من ناحية ضغط وبطئ وانقطاعات
شوف حالة الخطوط: http://cgi.isu.net.sa/isputil/arabic/
ولاتنسى تسيّر على بوابة الانترنت الرقميه لأن فيها كل جديد بأخبار التقنية والاتصالات بالمملكه

وبالتوفيق

[BitSurFer]

جمال ترا الدعوه حظوظ
اتوقع الموقع له دور

[البراك]

خمس ايام مريخية

جمال انصحك تنتظرهم عند الباب

--------------------------

ومن ناحية المودم والله يمدحون سبيد تووتش من الكاتيل وعلى ما اعتقد فيه انواع منه واذا بغيت تعرف المزيد عن افضل انواع المودمات ومزودي الخدمة تفضل على الموقع - اتوقع تعرفه - www.adslgate.com

[aliali]

بالنسبة لي من آخر رمضان مقدم للحين مافيه رجى

[زائر|عبدالمجيد|]

خمس ايام مين والناس نايمين

ماشفت المقطع اللي معلق المودم في المروحه هههههههههههه

تراك تبي تصير مثله :nice: .

لاتشتريه لين يقولون وين المودم

[Mohammad Ali]

يمكن يفيدك :

http://www.swalif.net/softs/showthread.php?t=142259

وهذي تجربتي الشخصية

ومثل ماقال مشرفنا الغالي هي حظوظ ، والموقع له دور

بس القوي دايم قوي

فمان الله

[جمال2]

والله مشكورين .
هذا كلام الموظف , وحفظت أسمه ( ما تطوف علي ) علشان إذا بدأت المشادات أعرف من كلمني وواعدني وعلى الآقل أحصل تقدير وأهتمام .

لأني من النوع اللي يحب المواعيد وإي لخبطة أوصل المشكلة أو الموضوع إلى الجهات العليا ..

نقول أن شاء الله ونتفائل بالخير ..
ومن ناحية الحظوظ أن حظي شوية ( لك عليه )

تسلمون الجميع مشرفنا للإعلانات والبراك ( الغايب ) الحاضر . والبقية ولا يهونون على العين والرأس