صفحة 1 من 2 12 الأخيرةالأخيرة
النتائج 1 إلى 15 من 26

الموضوع: مطاردة ثعبان ضخم وقتله بالصور ..... حصرياً

  1. #1
    فضلاً اكتب اسمك الحقيقي هنا
    زائرنويصر

    مطاردة ثعبان ضخم وقتله بالصور ..... حصرياً



    السلام عليكم ....



    إليكم صور مطاردة ثعبان وقتله <<< صار ذبانه ماهو ثعبان ...

    طبعا لك صورة حديث عنها ... وراح اخبركم عن الثعبان ....


    كنا نتجول انا وثلاثة من الشباب في منطقة الصمان بالسعودية (منطقة بر مشهورة بالسعودية )طبعا على رجلينا - كان المخيم قريب -
    اثناء تجولنا بالقرب من المخيم مرينا على كشعه (أشلون اترجمها اللحين :con2: --نبته ارضيه كثيفه) طبعاً واحد من الملقف من الشباب ضرب الكشعه بعصى ......


    طلع الكشعه فيها ثعبان ضخم ... طبعا اخوكم مسك نعوله وعرط في ثوبه وركض وركض والشباب معي .... الخوف يعلب دور وربي قلبي طاح ....
    طبعا الثعبان انبعص :anger2: تحلف فينا لأننا صحيناه من النوم على ما اعتقد ... والله لا يوريكم قالها ورانا ورانا ...

    طبعا تعرفون لحظة الخوف لابد من اصوات تطلع قصدي ياويلي ويلااااااااااااااه هلب مي (بالإنجليزي تكفون الفزعة ) آه يا أمي امبييييييييييييييييية وين طلع لنا هذا الوحش .... إلخ
    مرت سيارة جنبنا نيسان غمارتين عليها شخص سوادني ....

    جانا مسرع عرف ان ورانا مصيبه او شيء طبعا وقف بوجهنا وحنا من الخوف ركبنا كلنا في حوض السياره لوووووووووووووووووووووول خايفين .... وهو يصيح وش فيكم ...
    السوداني نزل بايعها الزول .... قلت له من الخوف ددددددد ...دددد اب ...(يعني ثعبان ) يالله طلعت قال وينه قلت كان ورانا ...

    قال نبي نذبحه قلت معك ... طبعا انا كلام بس التفت على اصدقاي وإلا منطرمين الخوف يلعب دور

    المهم رجعنا لمطاردة الثعبان بعد ما لقيناها تحت كشعه وذكرت ان معي كاميرا برقبتي بس نسيتها من الخوف جلست اصور .... 18 صورة من اول ما وجدناه إلي أن تم قتله ... الله يرحمه

    لكن نقيت لكم افضل الصور الواضحة ... واللي فيها زبدة


    رجعنا ولقيناه نايم الأخ وكنه ما سوا شيء

    بعد الصياح واقناع الزول اني بصوره وافق وخلينا الثعبان يبدأ بالهرب ....

    هرب سريع مره .... الكاميرا ما قدرت تلحق عليه .... وكان يبي يهرب منا بس الزول ولد ابوه رجال ...


    تهور الزول ودعس عليه <<< وقتها اضحك



    50 مره نتوطاه ولا مات يتحرك

    طبعا حنا الشباب جمعنا حصى وصرنا نرجمه وما مات ... والله نمسكه ونقبصه وبعد ما مات

    الزول تهور وجلس يفحط على الثعبان

    عن قرب .... من الداخل

    اتوقع طوله مترين إلا .....

    طبعا انا ما يهون علي ان اخليه مرمي فقلت للشباب خلونا نحفر قبر وندفنه ....

    حطينا ضريح لشهيد ..... والله يرحمه




    جميع حقوق الصور محفوظة ... اتمنى ذكر المصدر ....

    تحياتي لكم إلي مطارة أخرى

    كان معكم ...


    اخوكم
    ناصر







  2. #2
    عضو فعال جدا
    تاريخ التسجيل
    Feb 2000
    المشاركات
    3,248


    مشاء الله عليكم
    زين انكم قتلتوه بس ودي انكم سميتم اول






  3. #3
    Banned
    تاريخ التسجيل
    Sep 2005
    المشاركات
    214


    يؤ مجرمين

    قعطتوها .. بس الدوده الكبيره هذي شكلها يخوف

    انا لو شفتها كان مانمت اسبوع او اسبوعين :funny:

    حمداً لله على سلامتك






  4. #4
    عضو شرف
    تاريخ التسجيل
    Jun 2005
    المشاركات
    2,348


    ههههههه
    رووعه
    مشكوور أخوي على الموضوع وبالتوفيق ..





    __________________
    القوانين وضوابط الكتابة

    ill always owe you, swalif.

  5. #5
    عضو فعال جدا
    تاريخ التسجيل
    Oct 2005
    المشاركات
    3,330




    يا وحش

    طيب مو لو هبدتوا رأسه بفهر ( حجر :nice: ) مرة وحدة كان مات ؟
    ليش التعذيب :anger2:

    طيب سميتوا :deal:

    بس الضريح كلام :nice:
    هالحين تلقون يطوف حول هالضريح بعض الي خبري خبرك








  6. #6
    فضلاً اكتب اسمك الحقيقي هنا
    زائرنويصر


    شكرا ياشباب على مروركم .........


    هههههههههههههههههههههه troy الله يرج عدوك لوووووووووووووووووول


    بخصوص سمينا لا للآسف لا ... ينفع اقول اللحين باسم الله أوله وأخره ....


    اتمنى التفاعل مع الموضوع .....

    تحياتي لكم ...






  7. #7
    عضو نشيط
    تاريخ التسجيل
    Apr 2004
    المشاركات
    199


    ما شاء الله عليكم
    بس وش مطلعهن بالبرد اخبرهن ببيات شتوي من شهور





    __________________
    حسبنا الله ونعم الوكيل
    ahm_151 hotmail

  8. #8
    عضو نشيط جدا
    تاريخ التسجيل
    Aug 2004
    المشاركات
    532


    سنايده





    __________________
    كن كالنخل عن الأحقاد مرتفعا....بالطوب يرمى فيرمي اطيب الثمر

  9. #9
    عضو فعال
    تاريخ التسجيل
    Aug 2005
    المشاركات
    1,588



    لهالدرجه يخوف ؟
    أو شكله كان قريب منكم ولا أنتبهتوا له

    ماشاء الله عليكم
    كم طوله

    وبعدين الله يرجكم حلوة حركة القبر هذي
    تسلم على الموضوع ..





    __________________
    ..:: متـ_ـ_ـ_ـ_ـ_ـ_ـابـ_ـ_ـ_ـ_ـ_ــع ::..

    http://mkn.arabform.com

  10. #10
    فضلاً اكتب اسمك الحقيقي هنا
    زائرMr.Ali


    عقبال ما تطاردون اليهود كذا... :nice:






  11. #11
    فضلاً اكتب اسمك الحقيقي هنا
    زائرنويصر


    اقتباس المشاركة الأصلية كتبت بواسطة Aljazeera
    ما شاء الله عليكم
    بس وش مطلعهن بالبرد اخبرهن ببيات شتوي من شهور

    الماء والسيول طلعتهم ....

    بريدة حياك وشكراُ لمرورك



    متابع ............... عساه ما يحلقك قل آمين ؟؟؟؟

    مستر علي .... طموحك فوق .... لا ياخوك اليهود ماحنا قدهم .....


    ثعبان ويخب عليناااااااااااااااااااااااااااا .....

    اليهود هم اللي يطاردونا .......................


    تدري ليش


    لأننا عرب .....


    تحياتي لك ....


    وجميع اللي شاركوا في الموضوع ...






  12. #12

    تاريخ التسجيل
    Feb 2003
    المشاركات
    3,094


    الحمد لله على السلامة ..
    يوم قلت أنه لحقكم تذكرت أني دايم أحلم بأن شي يلحقني


    نفس اللي صار لي العيد اللي فات ولكن كان ( عقرب ) كنت نايم والعقرب على بعد ربع متر مني .
    وتم القضاء عليه ,, شوي الإ الشباب لقوا عقربين جمبي على طول وأنا نايم

    ولكن مع المعوذات أن شاء الله الواحد ما يصير له شي ..


    سلم لي على السوداني






  13. #13
    عضو نشيط
    تاريخ التسجيل
    Jul 2003
    المشاركات
    240


    انا اشهد!! كفو يا الزووووووووووووووول خخخخخخخخخخخخخخ

    وماعليكم زود انت و الربع.... القط ثوبك بحلجك و وينك يالدرب! طيييييييييير ههههههه


    بس والله الزول قوي مافي قلبه رحمه !!! ههههههههه





    __________________
    بوجبر

    http://www.ba7reny.com
    بحريني دوت كوم (موقع صديق)

  14. #14
    عضو نشيط جدا
    تاريخ التسجيل
    Feb 2003
    المشاركات
    502


    ايه اذكر قبل سنتين ذبحنا واحد مثله وتوقعنا انه اكبر واحد

    لكن انصدمنا يوم شفنا واحد اكبر منه في المحطه الي قبل الصمام نسيت اسمها

    ناس ذابيحن لهم واحد وحاطينه هناك


    وسبحان الله هذا وقته يطلع يتشمس

    للحين مادخل السبات

    بس تصدق احس انه مو سام احس انه يابلع

    بس حلووووووووووه الـ Help me





    __________________
    ---[ كلمتان خفيفتان على اللسان ]---
    ---[ ثقيلتان في الميزان ]---
    ---[ حبيبتان الى الرحمن ]---
    ---[ سبحان الله وبحمده سبحان الله العظيم ]---

  15. #15
    عضو فعال
    تاريخ التسجيل
    Jul 2003
    المشاركات
    1,576


    ههههههههههههههههههههههههههههه

    مغامرات نويصر مع الثعبان اللي مايرحم

    وعلى طول كده من أول ثعبان تقابلوه .. تطيروا وتسيبوا مخيمكم ورائكم << أهم شيء نفسي





    __________________
    SWF Thumbnail - tweet me





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض