تعيريني بالخيالي
يعني أنتِ الواقعية؟!
تعالي آنا أثبت لك
أنك خيالية
وأكبر خيالية
أعرفك ..
إذا حدتك اشواقك
تصيري رومانسية
تجيني تمشين
شوية .. شوية
تناظريني بعيون
ولهانة عليّه
نفسك تقولي أحبك
هذي أمنيّه
بس تنطريني أقول
أحبك يعينيّ
احبك يوم الشفتك
مع أمك الحجية*
ولكني - لو تدرين- بعيد
عن بحر حبك .. بعيـد
كثر بعد الصحاري
عن الأراضي الندية
وتقولين آنا خيالي؟!
صحيح أنك خيالية
تبيني فارس أحلامك
نبيني أمتطي حصان
اطير لعندك وأهمس
ياأغلى انسان
يا أحلى نعمة من الباري
العاطي المنان
تعالي لي يا روحي تراني
مشتاق وولهان
ولكني - لو تدرين- بعيد
عن بحر حبك .. بعيـد
بكثر طول المسافة ما بين
بلوتو* وإيران
وتقولين آنا خيالي
عرفتي أنك خياليه؟
يوم أنك تشوفين اللي في عيوني
شوق وعتاب
وأني من طول حبل الجفا
عايش في عذاب
لأني مو فاهم لبعدك عني
يا خيالية أسباب
ويا ريتك تعرفين إن اللي في عيوني
مهو شوقٍ للحباب
اللي هم أنتِ ولكن
آنا أعطف على حالك
لأنك تحبيني
وما ني بكذاب
يوم أني أقول
أني - لو تدرين- بعيد
عن بحر حبك .. بعيـد
ولو تعيشين كثر عمر النبي نوح
ما تزوجتك ولا أنتِ
واصله إليّ
لأنك وبكل بساطه
اكبر خياليه ..
=======
الحجية = لقب يطلق على الحاجة.
بلوتو = أحد كواكب المجموعة الشمسية.
