هلا بك اخوي سلمان
عزيزي انا صبرت على جيل هوست 3 اشهر
ليه لانه كان يرد علي ولمن اسئله عن تصميم الموقع
يقولي مشغول بمواقع ثانيه وابشر راح اخلصه لك
عادي اقوله خذ وقتك ومافي اشكاليه
انا اللي زعلني انه قالي الموقع جاهز خلاص ويومين ويركب
وبعدها تقفل الشات وصارت مشاكل مالها اول ولا آخر
واسبوعين احاول اتصل فيه بتشى الطرق مافي فايده
حتى والله اتصلت على اصحاب المواقع الثانيه اللي ماخذين منه شات
عشان اوصل له لكن بدون فائده
لو جاني وقالي انا عندي ظروف كان قلت له عادي
بس كونه مايعبر احد وحتى لو عنده ظروف يبلغني او يحط احد
مكانه لانه صاحب سيرفر شات واكيد راح نحتاجه هذا التصرف الصحيح
اما يروح كذا ويقول عنده ظروف ونا اشتري لي شات جديد واخسر
اعتقد الشي هذا مايرضيك ولا يرضي احد عاقل :nice:
وبخصوص قولك ان كل سيرفر شات تصير فيه مشاكل انا معاك بكلامك
لكن لازم يتواجد دعم فني نتصل عليه نبلغه بالمشكله مو تجلس المشاكل
اسبوع وسبوعين ومانلاقي احد يرد علينا او يعبرنا وبالاخير اروح اشتري شات
جديد :con2:
عموما عزيزي
انا اضفتك عندي بالماسنجر ومنتظرك عشان افهم وش صاير بالضبط
والموضوع هذا ماراح اقفله الا لمن استلم تصميم الموقع كامل
والاقي دعم فني للشات مثل الشركات الثانيه
واعتقد هذا من ابسط حقوقي زي
واسف على الآطاله
رد مع اقتباس
