اريد شراء سياره ومحتار بين سيارتين (ارجوا تقديم النصيحه)

[زائرQ5Q5.NET]

اريد شراء سياره ومحتار بين سيارتين (ارجوا تقديم النصيحه)

بسم الله الرحمن الرحيم

زد 2006 - z350














*********************************************



موستنج (وما هو افضل نوع من انواع موستنج) mustang - 2006















واريد كذلك

ان اعرف من وكيل فورد ونيسان في هذه الدول

المملكة العربية السعودية

والكويت

والامارات

وكم سعر الموستنج او الزد بالضبط

طبعاً اريد فل اوبشن (كامل المواصفات)

وان تكون (كشف) و (جناح)

وجير (عادي)

[mad921]

اخوي الموستنج عيبها اذا انت بتبيع بعد فتره تنزل سعرها


zd200 عيبها نيسان وتتفكك بسرعه

لكن اخوي كذالك تختلف من شخص الى اخر

مثل واحد شباب او واحد عنده عائله و ظروف مكان

والله يوفقك

[SecurityWay]

السلام عليكم

عزيزي ,

بالبدايه بقول لك رأيي في السيارتين وبقترح عليك بالنهايه اقتراح يمكن يكون على حسب قدرتك ويعجبك ..


1) النسيان z350 عند اخوي , ركبتها كذا مره السياره بصراحه حلوة , ولكن الامان-السيفتي - فيها لا يقارن بالالماني ...

مشيت فيها على الجميرا 200 وهو معاي والله بين السيارات يمين يسار كان بيصيح هههه , سواقتها متعه ولكن احسها مو ثابته على الطريق بشكل جيد , وبيني وبينك انا ما احب الياباني نهائيا عليه اكس احمر كبير واي دفع امامي نفس الشيء .

* الدفع الخلفي افضل كثير , مع ان لي مواقف كثير وخصوصا على اللفات واليوتيرن اعطي ريس زياده احصل السياره تروح يمين ويسار معاي بس كبرنا على ها الاشياء خلاص ههه .

2 ) الموستينج كنت أعشقه وانا في ثانويه عامه كان عندي موستينج كشف soft top ولكن اذا يخرب مني كان يدخل الكراج اسبوع ... اعطاله وتصليحه غالي ومشاكله كثير خصوصا اذا كنت تترايس فيه وتعطيه ريس كثير ..

* افضل نوع اسمه كوبرا , وفيه سيلين (مسمي واحد من سيرفرات سيكيوريتي واي كوبرا احتفاظا بذكرى الموستينج )

وكنصيحة اصرف نظر عن السيارتين وخصوصا الموستينج , لانه خطير , سيارة مالها امان فعلا , الموستينج في نظري افضل من الزد ولكنه خطير وخصوصا اذا كنت مسرع على منحنة تحصله يلف معاك يخمس لوحده وانت وحظك والله يستر ..

3 ) نصيحتي اذا تدور شي سبور ورسمي وحلو , فكر بالBMW فيه موديلات وفئات كثيره بتعجبك صدقني مثل Z4 (ارايس فيها جمس انفوي , تتحدى ؟

او M3 , واذا كنت تقدر ماديا عليك بال M5 !!! طبعا لا تسأل عن القوة والاداء والشكل والفخامه والسبور والامان وفيه كشف Soft / Hard top حسب رغبتك , انا من عشاق ال BMW كل شي تدورة من فخامة وتكنولوجيا بتحصله فيها ان شاء الله .


والنصيحه الاخيره , إبعد عن الريس وها الاشياء , صدقني ما تستفيد منها شي , احن قبلك ما استفدنا شي غير مشاكل ونركض على تصليحات وتأمينات وبلاوي


سلم تسلم يعني .


تحياتي وبالتوفيق .

[bsaten.com]

السلام عليكم

اولا اتمنى تتوفقك في الاختيار
وثانيا الله يعطيك خيرها ويكفيك شرها - بعد الشراء الشراء

بخصوص النصيحه

ولله انا اشوف السيارتيين كلهم مو مرغوبين عندنا بصراحه بالكويت
لكن عندكم ماادري اذا مرغوبه او لا

بخصوص الزد الجديد لما نزل عندنا كان مفاجأه لكن بالاخير محد اشتراه
ولا رغبوه الشباب فقط البنات قامو يشترونه وصارت سيارة بنات عندنا
من عقب الشباب
مع العلم انه اكثر دوله تستورد الزد هي الكويت

وبخصوص الموستنغ الجديد فكذلك مش مرغوب عندنا فقط القديم مرغوب
من 2002 وتحت لان شكل القديم احلا من الجديد من ناحية المظهر والسبورت
علي العموم هيا سياره مزعجه بأعطالها وحساسه مع انها سبورت
وقطع غيارها نار

وبخصوص سؤالك عن الوكلاء للشركات اللي ذكرتها
بالكويت
فورد = وكيلها شركة المجموعه - وليست للشخص او شخصين
نيسان - وكيلها البابطين - وكذلك (الشواف) يملك وكالة او موزع معتمد للسيارات نسيان لكن موديلات محدوده


بالاخير اذا كنت ناوي وملزم علي هالنوعين وبنفس الموديلات
انصحك بالزد لان شكله سبورت وكذلك احلا من الموستنغ الجديد
واسمحلي علي الاطاله


www.bsaten.com

[ابونوره]

الحقيقة الزد افضل والاخوان فوق ما قصروا من ناحية المقارنة

واذا مخربها مره مره خذ M5 او M3

[غير البشر]

الزد مجربها عند خويي والموستنج عند اخوي ..

بالنسبه لـ سعر الزد ما اقدر افتي لك فيها ..

بس بصراحه سيارهـ .. بس مثل ماذكرو عيبها عدم الثبات ماهي راسيه ..

بالنسبه للموستنج سعرها 2006 جير عادي فل اوبشن بس ماهي كشف 118 الف

وهاذي صورة موستنج أخوي :
http://9q9q.com/March/1141998651.jpg



بالنسبه للوكلاء بالسعودية .. z350/عندكـ الحمراني
Mustang/توكيلات الجزيرهـ وفي شركه ثانيه ناسي اسمها

بالنسبه لـ أفضل انواع الموستج الكوبرا ..

طبعاً في شركة إسمها سالين ماخذهـ نفس هيكل الموستنج بتعديلات بسيطه خارجياً ..

أما من ناحية الماكينه فـ عالم ثاني قوهـ ماشاء الله تبارك الله

شوف لو كان عندكـ إمكانية تدفع فـ انصحك بالموستنج بس بتتعب كل شوي موديها الوكاله ..
والـ Z350 لو كنت عاقل يعني مانك خبل سواقه توكل على الله وخذها

أمتنى إني أفتدتكـ .. ولكـ تحياتي

[غير البشر]

صح وفوق كذا الـ Z350 راكبين بس

[زائرQ5Q5.NET]

اولاً: اشكر الجميع
لكن هل z350 دفع امامي ام خلفي

واريد المزيد لمن لدية المعرفة

[ALARBIA.COM]

اقول وش رايك تبطل من السيارتين وتشتري هذا لووول
http://www.starlimos.de/new/hummerH2.htm

[bsaten.com]

طبعا خلفي

[زائرQ5Q5.NET]

واريد المزيد لمن لدية المعرفة

[مملكة شهد]

أقول خذ لك AZERA من هونداي لا تفوتك والله كذا :nice: