لي متى ؟؟؟ و الله عيب خافوا ربكم .......

[M. Al-Dhafeeri]

السلام عليكم ورحمة الله و بركاته

والله من القهر و ربي و الله عيب


يا اصحاب المواقع المخله بالآداب و المخله بالمبادئ الاسلاميه عيب والله حرام اللي تسوونه


حتى لو اصحاب المنتديات العاديه ديروا بالكم على منتدياتكم


راقبوها لانكم محاسبون عليها يوم القيامه


شوفوا شنو صار معاي بالمسنجر


اول شي نبذه عن مسنجري

تقريبا يوجد فيه اكثر من 200 شخص

منوع بين جميع الاعمار

طبعا مو كلهم ربعي اكثرهم يبوني اعلمهم على بعض الشغلات سواء بالتصميم او بالسكريبتات


و البعض يبون برامج وانا البي طلباتهم والله


عاد امس تفاجأت وحده عندي بالمسنجر يمكن عمرها 13 سنه ؟؟؟!!!


قالتلي محمد عندي مقطع ما يشتغل شنو البرنامج اللي استخدمه قلتلها اوكي دزيه وانا اشوف شنو نوع البرنامج اللي يحتاجه


اهيا اول ما دزت المقطع قلتلها من وين حملتيه ؟؟ قالتلي من منتدى ...........


من اسمه شكله المنتدى عادي


بس طلع ينزل افلام من تحت لي تحت افلام ؟..................


والله حرام هذي الصغيره لو شافت هالمقطع ؟؟؟

يعني مو عيب


ما تخافون من الله ؟؟؟؟


والله صج انقهرت حتى من امس قاعده تقولي كان اسم الموضوع لقطه غريبه

وانا احب اللقطات الغريبه و النادره <<<< مسكينه على نياتها


ماقول الا الله يفكنا منكم و يجعل حيلكم بينكم


انتبهوا لمنتدياتكم تخيل .................


تخيل يا صاحب المنتدى انت اليوم صارلك حادث او ما قعدت من النوم انقبضت روحك و طبعا منتداك شغال


على هالسوالف ؟؟ شنو راح يكون موقفك و السيئات تتراكم عليك ببلاش !!!!!


مادري ليش الواحد يجيب حق نفسه الدعاوي وو التلعن


ارجوكم انتبهوا لمنتدياتكم


واذا تبون اسم المنتدى والله راح اقول اسمه علشان ينبته لنفسه



ومع الشكر

[مملكة شهد]

الله يجزاك خير و بالفعل هذا الي لازم يصير
بس فيه ناس ربي عماهم ينشرون هالمقاطع
أنا عندي مركز تحميل الملفات من اول يوم بدأو ناس يرفعون ملفات من هالنوع
بس الحمدلله إن أغلب وقت متصل بالنت على طول حذف من الـ FTP

[M. Al-Dhafeeri]

ربي يجزاك خير


بس و الله اني منقهر حدي لانه هذي الصغيره شنو ذنبها تشوف هالسوالف ؟؟؟؟؟


سبحان الله اللي يبي الخراب يحصله بسهوله


شكرا لمرورك اخوي الكريم

[أبولينة]

جزاك الله خير الجزاء
والله يسلط على من هذا فعله
الله يخلصنا من المفسدين في الارض
الله لايوفقهم ولايوفق الى يسعادهم في استضافة او تصميم او دعم فني
والله لو اني هكر لركز شغلي على المواقع الفاسدة العربية خاصة لانها افسد من الاجنبية
تفسد بثوب عربي
ولا حول ولاقوة الابالله

[M. Al-Dhafeeri]

الله يجزاك الف خير


ربي يحفظنا وياكم من شرهم

[Ps4Arab.com]

جزاك الله الف خير اخي شاعر_الظلام.
وبالفعل ظهرت الكثير من المواقع الأباحية وللأسف عربيه
أذكر لكم قصة اتمنى انكم تستفيدون منها
==========================
في احد من الشباب يملك قروب كبير جداااا جدااا, وطبعا القروب مختص في الرسائل الجنسية فقط, قدر الله وصار للأخ حادث سيارة وعلى أثره توفى الشاب.
بعد أيام, رأت امه في المنام كلاب تبوول على قبره, فأتصلت على أم احد اصدقائه تريد ان تبحث على مفسر أحلام, فلما سمع صديقه الخبر قال لاداعي للبحث عن مفسر أحلام, فهذه معاصية وذنوبه التي لازالت تتراسل بين اعضاء القروب.
هذه القصة كتبتها بأختصار.
==========================
تتوقعون ايش امنيت الشاب الميت؟
انه يرجع يكمل مشواره في القروب؟ ام يرجع يصلي ولو ركعه؟
تخيل نفسك محل الشاب ايش راح تختار؟
أترك لكم الجواب.

=========================
هذه قصة ثانية:
رسالة من عاشق للصور الجنسية إلى موقع صيد الفوائد

[M. Al-Dhafeeri]

والله رائع القصه محزنه و مؤثره جدا


ياليت الناس تتعض و تترك هالشغلات اللي مالها داعي


على شنو الواحد يسوي جذي ؟؟؟ علشان جم زائر ؟؟؟ ولا علشان الفلوس ؟؟



الله يهدي الجميع و يحفظنا بحفظه


الف الف شكر لك اخوي العزيز على المرور و الرد و على القصه

[UAE]

جزاكم الله خيراً
وان شاء الله دائماً يتم ملاحظة المشاركات الجديدة

[M. Al-Dhafeeri]

ياليت و الله


ربي يوفق الجميع و يبعد يهالنا عن الخراب و عن هالمنتديات


ارجوكم راقبوا منتدياتكم اخواني ولكم جزيل الشكر

[الرفيع]

انا اشوف اننا بحاجه الى ميثاق شرف بين المستضيفين العرب

يتفقون فيما بينهم على الا يستضيفوا مواقع تنشر الرذيل تحت اي مسمى ( بلوتوث - صور فنانات - الخ )

والحل الان اصبح بيد المستضيفين ...

وايضا ميثاق شرف بين المواقع المشهوره بألا يقبلوا اعلانات لمواقع تنشر الرذيله .

بعدها راح تموت الكثير من هذه المواقع ... ولكن يبقى القليل ومن السهل التحكم به .

[Volenweb]

بجد والله انت استاذ شاعر_الظلام دة فعلا كل واحد المفروض ياخد بالو فعلا ياشباب حتى احنا المفروض اللى بنصمم المنتدى وبنعملهوم لهم استضافة لازم ناخد بالنا من كل حاجة ياباشا

تحياتى لك

[M. Al-Dhafeeri]

الف شكر لكم على المرور و التعليق ربي يحفظنا و يحفظكم

[أمير الهنوف]

شوف كلمة بقولها وبكل صراحة وجرئة

جميع أصحاب مواقع الأغاني والبلوتوث والمقاطع اللي مالها داعي
رقص وفضايح وغيرها

فاشلين !! لأنهم ماعرفوا طريق للنجاح إلا من هالطريق ( التافه )



وشكرا لك

[M. Al-Dhafeeri]

شكرا لك اخوي العزيز امير الهنوف على التعقيب و الرد






وربي يهدي الجميع و يحفظنا بحفظه