هل أقول وداعاً موقع قوافي ؟؟

[بو مبارك]

بسم الله الرحمن الرحيم

السلام عليكم ورحمة الله وبركاته

مساء الخير جميعاً ... بصراحة ماني عارف كيف ابدأ لكن من يضغط على العنوان التالي راح يعرف نصف القصة
http://www.gwafi.com


تفاجأت قبل يومين بهذه الصفحة عند الدخول الى موقعي ... وياليت المكتوب صيانة كان أفضل من تحت الانشاء

راسلت المستضيف وقال ان موقعي يسبب لود على السيرفر لذلك تم ايقافه .. طيب يسبب لود ماقلنا شي لكن اقفال الموقع بدون علمي وبدون أي رسالة تنبيه هنا المصيبة .. ولما راسلتهم واتصلت فيهم بالتلفون يقولون انهم من 3 شهور يدورون على ايميلي أو اي وسيلة اتصال فيني

ويقولون ان سبب اللود العاب الفلاش .. لو قالوا لي كان حذفت السكربت بكبره ولا أعطل موقعي علشان قسم واحد من بين حوالي 25 قسم

هههههههههههه والله ضحكت من كل قلبي على العذر .. لأني بتاريخ 13/3/2006 وبالضبط يوم الاثنين راسلتهم لأن الزند لايعمل على الموقع وردوا علي وشغلوه .. ويقولون من 3 شهور ندور وسيلة اتصال

المهم انا عرفت القصد من يوم قال لي على الجوال لازم تآخذ ريسلر بـ 4500 ريال بالسنة أو الموقع ماراح يشتغل :con2:

يعني معقولة من بداية سنة 2003 وانا مستضيف عندهم وأدفع لهم أول بأول يسوون فيني كذا ؟؟ على الأقل فيه شي اسمه تحذير وتنبيه واعطاء مهلة علشان اضبط أموري لأني بصراحة تفاجأت وأموري المادية هالايام تعبانه والراتب باقي عليه كم يوم

والمشكلة الأكبر عندي معلنين واعلاناتهم شغاله وبعظهم اعلانه ماله كم يوم .. ولا ادري وين اودي وجهي منهم .. وهذا غير الزوار الي راح افقدهم وشوفوا ترتيب الموقع في اليكسا كيف تراجع
http://www.alexa.com/data/details/tr...&url=gwafi.com

والقهر شوفوا ترتيبهم كيف ارتفع بعد ماحولوا الدومين على موقعهم
http://www.alexa.com/data/details/tr...&url=glob2.com


انا ماكتبت الموضوع الا علشان تعزوني وتواسوني لين يرد على الأخ بشار العبدالهادي لأني افكر بالانتقال عنده وراسلته وانتظره يرد علي

ولا اقول الا لاحول ولا قوة الا بالله

[Abu Mshari]

السلام عليكم ورحمة الله وبركاته
هلا ومرحبا اخوي خالد
كان ودنا نشوفك بظروف افضل من كذا
والله يالغالي تخيلت ان هالشي صار بموقعي .. من جد غبنه وقهر

عموما يا بعدهم انا عندي سيرفر مشترك ( ريسلر ) من سعودي بروفايدر
وما عليه الأمور ماشيه تمام عندي
ان بغيت ننقل موقعك عليه لين ما تزين الأمور وتشوف مستضيف مناسب وتحل المشاكل
انا ما عندي مشكلة الريسلر اللي عندي مكفيني وزيادة
وبكون سعيد لو ساعدتك بهالمسألة والله .. بإنتظار ردك حبوبي
وان شاء الله ما تطول مشكلة الموقع عندك

اخوك ابو مشاري
abu-mshari@hotmail.com

[moslem_tk]

الله يعينك يا اخى وان شاء الله تنحل المشكلة ويعود الموقع للعمل من جديد بأقرب وقت

لاحول ولا قوة الا بالله

[YE4SOFT]

خالد هلا بالعزيز
ترى والله الامور ملخبطه عندي وعندك نفس الحاله بالضبط
موقعي كل يوم يتوقف فيه سكربت وبعض الايام يتوقف كله
بتهمة اللود
عاد انت خبروك وش مسبب اللود
انا مافي اي اخبار عن اللود من وين طلع من اي سكربت
اسأل يقولون مايدرون من اي سكربت المهم موقعي متهم في داخل السيرفر بانه هو الي يسبب اللود وما ندري ايش من سكربت
لو يطلع عندي اي قسم في موقعي باوقفه ماهي مشكلة لمن احل مشكلة اللود

لكن كذا حرام

وربي يعينك ويعيني والعزاء واحد حبيبي

[بو مبارك]

السلام عليكم

ابو مشاري
مشكور ياغالي على البادرة الطيبة والله يجزاك خير وعلى العموم انا اضفتك والقاك بالـmsn

moslem_tk
الله يجزاك خير ياغالي وشكراً لكلماتك الطيبة والله يسمع منك ويوفقك

YE4SOFT
الله يعينك على مشكلتك وان شاءالله تنحل ... وهذا حكم القوي على الضعيف .. والمشكلة اني شفت وسمعت عن ناس كثير مجرد يتضايق منه مستضيفه يبدأ يحاصره بالطلبات ولو مانفذ يستولي على موقعه ... وطبعاً هذا الشي يحدث من ضعاف النفوس لأن فيه مستضيفين كثير فيهم الخير والبركة والكل يشهد لهم


وشكراً للجميع

[أحمد خلف]

الله يعينك صراحة الاستضافه ماهي لعبه او مساحه فقط الاستضافة خبره انا متردد الخوض فيها خوفاً من ظلم الناس

والله يعينك يا غالي

[زائرتامر التركي]

الله يعنيك ويصبرك وان شاء الله اخونا بشار بيكون سند لك ومعك بإذن الله تعالي

[T7T GAMES]

آمنا بالله ان الالعاب او الفور ايمج اللود منه
طيب ليه التقفيل !
اخوي وقف القسم بس واكتب القسم تحت التطوير وخلهم يشغلون موقعك
والقسم الي رافع اللود متوقف ما اعتقد في عذر لتوقيف الموقع حالياً
ومتى ماتعدلت امورك انقل موقعك
وموفق ان شاء لله

[ابونوره]

حقيقة قهر
وانا متاكد ام حكايه اللود كذبة ابريل

لان مستضيف ولا يعرف من وين اللود هذي مصيبة
السكربتات حتى السي بنل يبين له استهلاك الباند بكل صفحه بالسيرفر

الله يعينك اخوي لبنان وياليت تحول دومينك على اي موقع لاصحابك حط فيه صفحه الموقع بيرجع قريبا
حتى تستقر الامور وحتى ما يستفيدوا من الحركة البايخة هذي

[شبكة الملكة]

خبرنااا عن استضافة الأخ بشااار

انا ودي انقل عنده من فترة ولكن .. لا اعلم عن الوضع ..

لأن الوضع ما يطمن .. عندي الموقع دايم كل شي أب ...

[t7t7.com]

الف الف الف الف الف مبرووووووووووووووووووووووووووووووووووووووووووووووو ووووووووووووووووووووووووك



























على افتتاح الموقع مره أخرى وان شاء الله يعوضك بالي راح منك وموقعك شغال معي والحمدلله

والف مبروك


انتظر هديتي لهالخبر يالربع

[yam90]

lebanon شرايك تشدد الرقابة على http://www.gwafi.com/gl او قسم صدام حسين؟ قالبينه سب علني وحتى حكام الكويت سبوهم؟ انا اقول امسح كل التعليقات و وقف التعليقات او شدد الرقابة وحطلك فلتر حق الكلمات اللي تنقال

[fayz]

lebanon شرايك تشدد الرقابة على http://www.gwafi.com/gl او قسم صدام حسين؟ قالبينه سب علني وحتى حكام الكويت سبوهم؟ انا اقول امسح كل التعليقات و وقف التعليقات او شدد الرقابة وحطلك فلتر حق الكلمات اللي تنقال

أخي تبي رايي

شل القسم كله لأنه في ازعاج لبعض مشاعر الناس

وهذا مجرد رأي فقط خاص بي


ومبروك عمل الموقع

[yam90]

أخي تبي رايي

شل القسم كله لأنه في ازعاج لبعض مشاعر الناس

وهذا مجرد رأي فقط خاص بي


ومبروك عمل الموقع

معاك حق والله, لو شخص ببلغ اقل شي ينحجب الموقع بسبب الكلام الذي يقال

[فاقد امل]

يا اخواني حد يعرف اسم الشركه المستضيفه لموقع الأخ lebanon??

ضروووري