السلام عليكم و رحمة الله و بركاته,,
حبيت اقعد لكم مقارنه بسيطه و فعاله بين بطاقتي "Cashu" من مكتوب و "WebSurfer Card" من ارامكس للشراء من الانترنت.
انشاء الحساب:
---------
كاشيو
---------
55 ريال مقابل فتح الحساب بدون اي رصيد. و يبدو من الان و رايح ما راح يقدر يستعمل بطاقة الفيزا تبعهم الا اللي يرسل لهم شي يثبت هويته.
---------
ارامكس
---------
لازم تشترك عندهم اول بخدمة البريد (يعطونك فيها بريد في امريكا على اساس تشتري من هناك) و هي تكلف 132 مره وحده بس. بعدين 19$ فتح حساب (71 ريال تقريبا) و قيمة ايداع $100 (375 ريال) كحد ادنى للمره الاولى فقط.
الفائز:
كاشيو لانها اوفر.
طريقة الايداع و تكلفته:
--------
كاشيو
--------
تشتري بطاقات شحن عن طريق المحلات اللي تبيع كاشيو (مثل مكتبة جرير). ما تقدر تودع الا باستخدام الفئات المتوفره اللي هي 10$, 30$, 50$, 100$ و 300$, يعني ما تقدر تودع 5 دولار او 27 دولار مثلا. كل بطاقة شحن عليها نسبة ربح. يعني بطاقة الـ10 دولار مثلا تكلف 45 ريال, يعني ياخذون نسبة 8 ريال تقريبا. و نفس الشي على باقي الفئات. ميزتها ان المبالغ تدخل بشكل فوري لحسابك (بعد ما يخصمون 2% منها).
---------
ارامكس
---------
تروح لارامكس و تعطيهم بيانات حسابك و المبلغ اللي تبي تدخله برصيدك. ياخذون 1 سنت على كل دولار تودعه بس. يعني لو تودع 100$ (375 ريال) بياخذون عليها عموله 3.75 ريال بس. عيبه ان المبلغ ياخذ من يومين الى ثلاث ايام عشان يدخل رصيدك, لكن على المدى البعيد بطاقة ارامكس بتوفر عليك مبالغ كبيره.
الفائز:
ارامكس.
الأمان:
--------
كاشيو
--------
تتميز كاشيو بانها تعطيك رصيدين, رصيد كاشيو و رصيد فيزا. هالشي يسمح لك انك ما تدخل الا المبالغ اللي تبي تصرفها بالفيزا, و هالشي يزيد الحمايه من السرقه عندك لانك ممكن ما تدخل مبلغ بالفيزا الا اذا بغيت تشتري شي معين.
---------
ارامكس
---------
آمنه ايضا لكن ما تقدر تدخل الفلوس للبطاقه فورا قبل ما تشتري, الايداع ياخذ من يوم الى يومين مثل ما ذكرت.
الفائز:
كاشيو
التوفر:
--------
كاشيو
--------
ما تقدر تشحن حساب كاشيو حقك الا عن طريق بطاقات الشحن, و هالبطاقات مرات ما تلقاها بالسوق و تظطر تنتظر لاكثر من اسبوع او اسبوعين عشان تجي المحلات.
---------
ارامكس
---------
طول ما الفرع موجود طول ما انت تقدر تشحن رصيدك باي وقت تبيه.
الفائز:
ارامكس
قبول مواقع الانترنت لها:
-----------
كاشيو
----------
كاشيو تستعمل الفيزا (بعد ما كانوا يستعملون الماستر كارد) لانهم يقولون ان فيه مواقع ما تقبل الماستر كارد, لكن هالشي ما حصل لي الى الان.
----------
ارامكس
----------
اي موقع يقبل بطاقات international mastercard (بطاقات ماستركارد العالميه) بيقبل بطاقة ارامكس (مثل موقع امازون مثلا). و الى الان ما واجهتني اي مشاكل فيها في الشراء عبر الانترنت.
الفائز:
تعادل
النظام و الدعم الفني:
--------
كاشيو
--------
في خلال فترة اشتراكي معهم (سنه و شوي), وقفوا بطاقتي مرتين, مره عشان يحولونها لفيزا و اخذت حوالي اسبوع او اكثر, و المره الثانيه حاليا عشان ما يعطون حسابات الا بعد ما ترسل لهم بياناتك, و الى الان معطله بطاقتي و ما علمونا شلون نرسل بياناتنا و الدعم الفني ميت له شهر ما رد على اي ايميل.
----------
ارامكس
----------
ما صار اي مشكله من الاساس عشان اكلمهم.
الفائز:
ارامكس
مثل ما شفتوا, كل بطاقه لها مميزات و عيوب. بالنسبه لي املك الثنتين, و نصيحتي ببساطه هي:
1. اذا ما تهمك الفلوس كثير و تبي سرعه في الايداع و نسبة امان اكثر اشتري كاشيو
2. اذا تبي توفر مبالغ كبيره و تبي نظام دفع تضمن انه متواجد دايم, اشتري بطاقة ارامكس.
و انشالله هالموضوع ينفعكم
تحياتي,
رد مع اقتباس
المشاركة الأصلية كتبت بواسطة aljreed.com
