انترنت فضائي ثنائي الاتجاه من شو تايم ... تعال شوف اسعارهم وعطنا رايك بعد

[NEWSHOPING.NET]

السلام عليكم


انا قبل شوي اتصلت على شوتايم وسالت عن خدمه الانترنت الفضائي اللي يقدمونه

وحولوني على شخص لبناني وقالي انه تدفع اولا 11 الف ريال (نسيت قالي حق ايش ) وتحصل على 3 شهور مجاني وبعدها يكون الاشتراك 750 ريال شهريا

الداون لود 512 والابلود 128


ياليت اللي مشترك عندهم يقولي عن جوده الخدمه وهل فيه مقارنه بينها وبين اوربت من ناحيه الجوده والسعر

مع العلم انه السعر ما يهم عندي (حق التاسيس بس لاحد يقولي الولد مطنوخ وولد نعمه)

انتظر ردودكم


وسؤال اخر لو تكرمتم

انا عندي اشتراك انترنت ارامكو هل اقدر اخذ انترنت احادي الاتجاه ويكون الارسال من انترنت ارامكو والاستقبال عن طريق القمر ؟

[غنام]

اوربت افضل سعر بالف مررره


5000 ريال تدفعه اول مره ل ست شهور على ما اذكر

وكل شهر 600 ريال السعره نفس العرض الي انت كاتبه

وبالنسبه لسؤالك اعتقد 99 بالميه تقدررر

[NEWSHOPING.NET]

بس اوربت لقيت عليها مشاكل كثيره وشكاوي لما سويت عنها بحث بسوالف

[Dr k7le]

وعليكم السلام

على حسب معلوماتي ان الاوربت افضل من الشوتايم

والدليل ان الاوربت تقدم الحين وتمسك سرى

بالنسبه للمبلغ الي تدفعه في التأسيس الي هو 11 الف هذا ثمن الهاردوير

من ناحية السعر انا اشوفه غالي جداً وفيه شخص كتب موضوع قبل فتره في سوالف

يعرض فيه هاردوير اوربت بمبلغ 6 الاف تقدر تسوي بحث عنه

بالنسبه لسؤالك الاخير ايه اخوي تقدر واذا عندك اشتراك ارامكو يفضل

انك تشتري كرت ستلايت داون لود فقط قيمته ( 280 ريال ) وتشوف لك شركة

من الي يقدمون خدمة الانترنت الفضائي وسعر الاشتراك ما راح يتجاوز الـ 600 ريال



تحياتي ،،، كحلي

[NEWSHOPING.NET]

الفلوس موجوده ومو مهم القيمه <<<< لا يا شيخ ؟ !!


انا ابي الجوده


والظاهر الشركتين رايحات فيها

هل فيه مجال اني اشترك مع شركات بدول الخليج تقدم خدمه الانترنت الفضائي ثنائي الاتجاه ؟ وهل رايح يعمل في السعوديه ؟ لاني رايح ادفع حق الاشتراك سنه او سنتين قدام <<<< ما قلت لكم الولد طنخه



طيب لو اخذت اعلى عرض عند اوربت هل التصفح رايح يكون ثقيل او بطيء مثل ما كانو يقولون ؟

[محمد بن عبدالعزيز بن سيف]

حبيبي

اوربت موجوده

ولد عمي اسبوع

بس يبون اللي يدفع

وبالنسبة لـ اوربت تقدر تاخذها بطريقه حلوه

فيزة انترنت من البنك الاهلي

ويطلع عليك رسم التأسيس 2500 ريال مع شهر

وبعد كذا يسحبون من الفيزه

ههههههههههههههههههههههههههه

افضل من الشو تايم الف مره

وبعدين الشو تايم انا سالت كثير هنا

ياخي مهي مجوده الا في الرياض

ليش مدري

حتى البحرين مو موجوده فيها ولا الامارات

[دركوش]

رح لأوربت ولا تشاور
اذا معك فيزا تخلص امورك بسرعه
او تبي الافضل
اطلع البحرين اشتر من مركزهم الرئيسي هناك القطع حقت الجهاز
واسبوع وهو شغال عندك الاشتراك

اما شوتايم مافيه خير ابعد عنه

[3jaeb]

مرحبا اخي العزيز


الاوربت تأسيس بـ 2600 ريال مع اشتراك شهر مع باقى قنوات الميجا

الصراحه عرضهم جميل وخدمتهم كويسه

[الكواسر]

يا اخوان هل هذي الخدمة موجودة بالبحرين وكم سعرها.؟

[3jaeb]

يا اخوان هل هذي الخدمة موجودة بالبحرين وكم سعرها.؟

نعم موجوده

[Mohammad Ali]

DSL 512k from Saudi Telecom Company and just!!!

[NEWSHOPING.NET]

يا جماعه الخير انا ما معاي فيزا

وكل شي بدفعه كاش حتى قيمه الاشتراك بدفعها كاش لمده سنه او سنتين على حسب الميزانيه


بالنسبه للاخوان اللي قالو من البحرين ياليت لو تعطونا عنوانهم هناك او حتى رقمهم هناك (الاحد بالكثير وهو محضر عندهم )

وكيف طريقه التركيب ؟ ومنهو اللي يقدر يركبها لي ؟ هل فيه شركه معينه او اتصل على اوربت نفسهم ؟


وياليت با اخوان تقولون لي وشي القطع اللي رايح يعطوني ووضيفتها وقيمتها (علشان ما يضحكون علي )

لاني اسمع سمع عن الفضائي وحياتي كلها كانت دايل اب والدي اس ال مو متوفر عندنا

[NEWSHOPING.NET]

وانا سمعت انه البشريه للحين انتظار ؟ عند اوربت


برايكم لو اعطي الموظف 1000 ريال او 2000 ريال يمشيني بسرعه ؟



ولا اشتري واحد مستعمل من احد الاخوان ؟؟؟

[Alhawe Graphic]

شوف لك شركات اجنبية ..
وراسلهم ... أفضل .. بكثير ..
اوربت عيوبه ..
يتأثر بالهواء بشكل غير طبيعي ..
ممنوع تشغل أكثر من جهازين على نفس الاشتراك ..
ممنوع تستخدم برامج المشاركة نهائيا ً ..
ممكن تتغير اتفاقية العمل في أي لحظة بدون اي خبر لك مسبق ..
اشترك 512 من اي شركة في السعودية افضل ..
إذا تبي سرعة أب لود وداون لود ...
اشترك 512 على خطين في البيت .. وجيب مودم سيسكو ( خاص بدمج الخطوط ) بيصير عندك السرعه 1024.. بيصير عندك أقوى من الستالايت واسرع ...وثابت طوال الوقت ...

[NEWSHOPING.NET]

شوف لك شركات اجنبية ..
وراسلهم ... أفضل .. بكثير ..
اوربت عيوبه ..
يتأثر بالهواء بشكل غير طبيعي ..
ممنوع تشغل أكثر من جهازين على نفس الاشتراك ..
ممنوع تستخدم برامج المشاركة نهائيا ً ..
ممكن تتغير اتفاقية العمل في أي لحظة بدون اي خبر لك مسبق ..
اشترك 512 من اي شركة في السعودية افضل ..
إذا تبي سرعة أب لود وداون لود ...
اشترك 512 على خطين في البيت .. وجيب مودم سيسكو ( خاص بدمج الخطوط ) بيصير عندك السرعه 1024.. بيصير عندك أقوى من الستالايت واسرع ...وثابت طوال الوقت ...

مثل ايش الشركات الاجنبيه وكيف رايح ادفعلهم اذا ما عندي فيزا ؟ هل يقبلون بالدفع السنوي ؟

ولو صارت عندي اي مشكله وشلون يسوون لي الدعم الفني مع العلم اني برحه بالانجليزي


وبالنسبه لكلامك اشتراك 512 انا اللي عندي دايل اب الدي اس ال ما وصل المقسم للحين والفاتوره ذبحتني والتحميل فيه غثيث