السلام عليكم ورحمة الله وبركاته
يا اخوان الصراحه انا كم مره اتشجع اتعلم الـphp ولكن اتراجع لقة الدروس واحيانا تجد من يثبط عزيمتك ويحطمك ....
بالعربي يقفلها معاك لاتحاول تفكر الphp صعبه واكواد وشغلات مالك فيها وما ادري اشلون ...
المهم بعد ثلاثة شهور كل مره اتعلم شي رحت للasp ولكن الكثير لا ينصحني فيها وخصوصا قلة الخبره في الوسط العربي عامة ً
سلمتى امري الى الله وبديت على خطوات ودروس ... ولأول مره احس ان هذي اللغة في ابداع فعلاً وتفكير ... تحتاج الى الكثير من الوقت لكن الناتج يرضيك دائما ً بإذن الله ...
انا طولت في الكلام الى ماله سنع على قولهم .
الحين يا شباب ابي نصايحكم وش اخذ كمبتدأ ووش اخلي ... انا اخذت دروس نزلها احد الاخوان جزاه الله الف خير للأسف ما اذكر اسمه ... ما قصر
عبارة عن عشرين ملف اكثر من رائعه الصراحه توني بديت وصلت الملف الرابع اخذت اكثر من 6 او 7 دروس ...
انا كنت افكر وش اكثر شي تحتاجه المواقع ودائماً بمقابل ... مثل ماتعرفون اخونا ماستر الله يوفقه ..
منزل المنتدى العربي ومجاني ...
انا ما ابي منكم الا النصايح يعني وش المشاكل الي ممكن تواجهني مستقبلا ً ومشهوره نوعا ً ما ..
وانا اتبعت طريقه في التعلم ما ادري هي زينه ولا لا ...
1- احاول اراجع الي طبقته اليوم الي قبله .. ولو بالمرور عليه فقط
2-او ما احس اني طفشت من هاللغة ... على طول اقفل الشاشة واقوم من على الجهاز لمدة ربع الى نص ساعه وارجع متحمس اكثر.
3- ما حبيت اتسرع يعني كل يوم ثلاثة الى اربع دروس ..
عاد الحين بتقولون مسوي زحمه وانت توك تتعلم ... :shy: اجل اذا تعلمت وش بتسوي ..
ماراح اسوي الا كل خير ان شاء الله ..
يا شباب النصايح تكفوووووووون الله الله بالنصايح ...
والى عنده تجربه ولا شي لا ينسانا ... ترانا نحن نستفيد منكم ... الناس للناس... ومافيه احد يولد عالم ... ولكن يتعلم زيه زي الناس..
اعذروني على طول الموضوع ..
اخوكم ADV