صفحة 1 من 3 123 الأخيرةالأخيرة
النتائج 1 إلى 15 من 35

الموضوع: معقوله هالشي يصير في بلاد الحرمين !!! والله أشبه بحرب العصابات

  1. #1

    معقوله هالشي يصير في بلاد الحرمين !!! والله أشبه بحرب العصابات



    السلام عليكم ورحمة الله وبركاته

    لو سمعنا عن سرقات تصير في دول برا الخليج وبالتحديد خارج السعوديه

    مانستغرب هالشي ..

    مانستغرب ان الواحد برا مايقدر يمشي بالشارع إلا ومعه سلاحه

    مانستغرب ان الواحد مايمشي بالشارع إلاوجيبه فاضي مافيه شي خوف من السرقه

    مانستغرب لما نقول ان الواحد رجل بسيارته ومعه زوجته واطفاله ويطب عليه واحد ويطعنه ويآخذ منه محفظته وجواله ..

    مانستغرب اي سرقه تصير بهالشكل في الخارج

    لكن لما نسمع ان واحد انسرق بالشارع قدام الناس في السعوديه !! بعضنا مايصدق

    والله ياخوان هذا اللي حاصل الآن بالسعوديه في العاصمه في مدينة الرياض

    قبل فترة انسرقت انا شخصيا تحت تهديد بالسـلاح

    وقبلها انسرق ولد عمي بنفس الطريقه وهو رجل إمام مسجد

    والآن أنسرق زميل لي بنفس الطريقه

    فيه احد احياء الرياض

    كان في محطه بنزين

    والمحطه فيها فوق 15 شخص موجود

    فتح االكبوت يبي يغير الزيت


    اول مافتحه ودنق راسه ( دنق = نزل )

    جوا عنده اثنين عبيد

    واحد واقف وراه وناغز السكين بظهره

    والثاني واقف جنبه

    ممداه يرفع راسه بيشوف اللي وراه إلا العبد الثاني دخل ايده في جيبه واخذ كل اللي معه

    طعنه بالسكين طعنه لكن مب قويه مره

    وهجوا

    ركبوا دباب ( ابوكفرين الصغير حق توصيل الطلبات للبقالات )

    وراحوا عاكسوا الشارع

    طبعا عاكسوا الشارع عشان لو فكرت انت تلحقهم بسيارتك ماتقدر

    راح خوينا لأقرب إشاره وحصل عندها عسكري واقف بدبابه

    قاله السالفه كيت وكيت .. قاله العسكري وهو يكلمه بطرف خشم وش أسـوي لك

    الف علامة استفهام عند جواب العسكري

    انت في قمة القهر مسروق ومضروب وتروح للعسكري اللي يبي يحفظ أمن البلد بعد الله سبحانه

    ويقولك بكل برود وش أسـوي لك

    (الحمدلله اني منب انا اللي طحت بهالعسكري ولا كان علم ثاني )

    والله ياخوان الارهاب موجود بيننا

    هذا هو بداية الارهاب

    قبل فترة

    رجل قدام ابنائه وزوجته يسرق .. .

    طعنوه وسرقوه

    قدام ابنائه

    والله الابناء والزوجه بعد هالموقف مستحيل يحسون بالأمان حتى لو كان الأب بينهم

    وين الأمان ياناس اللي نسمع به بس مانشوفه

    هالقصص صارت تحصل بكثره في مدينة الرياض بالتحديد

    هذي مهب اول قصه اسمعها ولا آخر قصه مدام وزارة الداخليه ماسوت شي حيال هالموضوع

    قبل فترة مؤذن المسجد في الحاره وهو طالع الفجر للمسجد يبي يأذن تعرضوا له شباب واسرقوه

    مؤذن رايح يأذن بالمسجد ويسرق لا حول ولا قوة إلا بالله

    الحين اغلب اللي اعرفهم والله رجعوا للجوالات القديمه

    اللي كان معه n70 والفارس ومن هالجولات الجديده راح باعه

    ورجع للعنيد والرهيب والمسكت وهالطقه


    حتى الباندا ابو 900 ريال مايشترونه

    محفظته مايشيل فيها غير 100 ريال اذا كثرت

    هذي نسميها الحين حرب عصابات ولا ارهاب ولا وش نسميها

    الارهاب موجود بيننـا . . . وهذا هـو أول الإرهـاب

    بدال مايحطون ملاايين للي يلقى ارهابيين ومدري وش يشووفوون هذولا

    والله انهم الارهاب بعييينه

    واذا هي بداية الموضوع طعنه وسرقه

    شف الى وين بيوصل الموضوع

    بعد ماكان الواحد يمشي الساعه 3 الفجر وهو حاط جواله وحاط كل فلوسه بجيبه والحمدلله يمشي بالشارع وماعليه اي خوف

    الحين الواحد بالنهار والله يخاف يمشي ومعه جوال او محفظه

    والله المشكله لازم تتعالج

    الموضوع بيتطور

    واذا ماوقفوا هذولا عند حدهم .. بتصيـر بـلاوي بهالـبلد

    والله اني اكتب الموضوع واحس نار بداخلي تغلي

    من القهر .. هالشي يصير في بلاد الحرمين !!!!!!!!!!!!!!!!!!!!!!!!!!!!!!!!!!!!!!!!!!!!!!!!

    نصيحه لكل واحد ساكن بالرياض

    لاتطلع من بيتك وانت حاط جوالك او محفظتك في جيبك







  2. #2


    يا خوي أذكر الله ..

    المتخلفين الآن هم المسيطرون ..

    قبل فتره كـان منتشر في جده مجموعه من الأفارقة يقومون بالسـطو على المنازل ..

    طبعاً لياقة عاليه و قوة رهيبه و فوق هذا يعمل الآتي :

    يتدهن بالزيت و يلبس فنيله كـت و بسم الله و اسرق ما تسرق ..

    و قابلني لو مسكته

    نسأل الله أن يحفظ بلادنا من شر الأشرار و كيد الفجار و الكفار .





    __________________
    UQUNI.COM

    منتديات طلاب و طالبات جامعة أم القرى

  3. #3


    اقتباس المشاركة الأصلية كتبت بواسطة صقور العز
    يا خوي أذكر الله ..

    المتخلفين الآن هم المسيطرون ..

    قبل فتره كـان منتشر في جده مجموعه من الأفارقة يقومون بالسـطو على المنازل ..

    طبعاً لياقة عاليه و قوة رهيبه و فوق هذا يعمل الآتي :

    يتدهن بالزيت و يلبس فنيله كـت و بسم الله و اسرق ما تسرق ..

    و قابلني لو مسكته

    نسأل الله أن يحفظ بلادنا من شر الأشرار و كيد الفجار و الكفار .
    السطوا على المنازل بكل ديره موجود

    لكن السعوديه كان فيها أمان والله ماتشوفه بأي ديره ثانيه

    والحين فجأه الواحد بالشارع يمشي وبعز النهار وقدام الخلق يطعن ويسرق !!

    ياخي انا جايني تهديد بمسدس فرد ورب العزه عشان جوال ومحفظه .. :anger2:

    انا مستغرب كون هالشي يصير في بلد مثل المملكة العربيه السعوديه

    الله يالدنيا . قبل والله ادخل البيت احيانا بالليل وانسى المفتاح على الباب

    اطلع اصلي الفجر القى المفتاح واتذكره

    قبل باب البيت اذا صارت الساعه 10 وهو مفتوح اي واحد يمر يرن الباب رنه ويقفل الباب
    والحين شف وش صرنا عليه !! الله يستر من الجاي

    الظاهر ان هاللي يصير عقوبه من رب العالمين








  4. #4
    عضو فعال
    تاريخ التسجيل
    Feb 2004
    المشاركات
    1,318


    من أمن العقوبة اساء الادب .. ما فيه غيرها بنظري





    __________________
    سبحان الله وبحمده سبحان الله العظيم

    منتديات ترنيمة

  5. #5
    عضو نشيط
    تاريخ التسجيل
    Sep 2004
    المشاركات
    189


    هذا في الرياض انا من الشرقية وﻻ يوجد عندنا هذا الكلام






  6. #6
    عضو سوبر نشيط
    تاريخ التسجيل
    Mar 2003
    المشاركات
    756


    أقولكم يارجال من يخبري مسدس ربع طبعاُ لحماية شخصي الكريمة



    الله يكفينا شر هالأشكال بس لاتلوم رجل المرور لأن الخوف عليه :nice:






    تحياتي لك






  7. #7
    Banned
    تاريخ التسجيل
    Nov 2003
    المشاركات
    1,257


    اقتباس المشاركة الأصلية كتبت بواسطة الشبكة
    أقولكم يارجال من يخبري مسدس ربع طبعاُ لحماية شخصي الكريمة
    أنزل شرورة وخذ لك صواريخ لو تبي







  8. #8
    عضو سوبر نشيط
    تاريخ التسجيل
    Mar 2003
    المشاركات
    756


    اقتباس المشاركة الأصلية كتبت بواسطة cxcxc
    هذا في الرياض انا من الشرقية وﻻ يوجد عندنا هذا الكلام

    لاتستعجلون على رزقكم ياهل الشرقية ابد من الغربية للوسطى للشرقة ومن ثم سينتشر في جميع مناطق المملكة .








  9. السلام عليكم
    هذي مسؤولية الأمن في السعودية وواجبهم توسيع الحمله على هذي العصابات لانها لو توسعت راح النتائج لا يحمل عقباها .

    الله يعينكم في الرياض تصير كثير وعندي اهل هناك يشكون من هذا الامر حتى انهم بجد وصل فيهم الامر لشراء اسلحه خفيفه مثل الفرد الصغير لحماية انفسهم .





    __________________
    أنشئ البوم لصورك وشاركها في موقعك صور TNT


    expertsniper - Fast سابقاً

  10. #10
    عضو نشيط جدا
    تاريخ التسجيل
    Jan 2005
    المشاركات
    508


    اقتباس المشاركة الأصلية كتبت بواسطة الشبكة
    لاتستعجلون على رزقكم ياهل الشرقية ابد من الغربية للوسطى للشرقة ومن ثم سينتشر في جميع مناطق المملكة .


    الله يحمي جميع بلاد المسلمين

    الله يزيل الغمة عنكم





    __________________
    www.d6b.net

  11. #11
    عضو سوبر نشيط
    تاريخ التسجيل
    Feb 2005
    المشاركات
    995


    ههههههههه

    صار معي هالسالفه

    وانا طالع للدوام الا ويجونك ثلاثه بددسن والددسن مسروق بعد

    الاول حاط الساطوره على كتفي يقول جب بوكك وجوالك

    انا رحت للسياره على بالي بجيب اللي معي واطلع ابو محاله من تحت المرتبه واطلق طلقتين

    بالهوا و والجهاز معي بلغت فيه .. عطو كلهم وخافوا وبدت المطارده الين قفطت واحد منهم

    وديته للقسم وسويت فيه احلى فلم اكشن :nice: وجاب اخوياه معه ...

    ====

    بالنسبه يا جماعه اللي بالرياض

    الان بالرياض الوضع ما يطمن ابد ابد بالوقت الحالي علما انه يمسكون من هالاشكال بالعشرات والله

    لكن لا يزال الوضع ما يطمن .. وسالفة العسكري يا نايف هو موب مكلف باللي صار لأنه شعبة سير

    واقف يرتب الحركه لكن موب معصوم من الخطأ .. اما اذا كان 999 قلي اي اشاره شفته فيه

    وكلمني بالمسنجر هو وينه





    __________________
    عضو سوالف

  12. #12
    عضو فعال
    تاريخ التسجيل
    Jun 2003
    المشاركات
    1,782


    الله يعين.
    من فترة قريبة انسرقت سيارة خالي جدام البيت ساعة 3:30 الظهر بس اشوه السيارة مالت الدوام عموما هذا حصل بالكويت






  13. #13
    عضو فعال جدا
    تاريخ التسجيل
    Sep 2004
    المشاركات
    2,272


    يؤ يؤ يؤ الله يستر عليكم ان شاء الله

    في جده من سنه وكان فيها هالامر يوم تنزل الحواري الشعبيه خاصة الحواري الاجرامية مثل الكرنتينه والوزيريه والكيلو من كيلو 2 وانت طالع لكيلو 14 وصولا لبحرة
    انواع الدمار فيها وماتسمع في الليل غير طلق رصاص
    بس مدري حاليا لو تغير الوضع
    بس سبب المشكلة ان الحكومه جمعت مجموعه من هذولي على اساس الترحيل لبلدهم تقريبا هم تشاديين ونيجيررين
    بس مارضت الحكومة التشادية استقبالهم وردوهم مكانهم وفلتوهم
    يارجال نزلت على ابحر الجنوبيه يوم وعلى الطريق تلقاهم مسووين خيام وينامون في الشارع ... هذولي الحريم والاطفال والرجال والشباب شغالين سرقة ونهب
    والعسكري يوم تكلمة يقول لك سوي بلاغ يوم تجينا تعليمات نتحرك





    __________________
    Ding Dong ;)

  14. #14
    عضو سوبر نشيط
    تاريخ التسجيل
    Mar 2003
    المشاركات
    756


    اقتباس المشاركة الأصلية كتبت بواسطة مملكة شهد


    أنزل شرورة وخذ لك صواريخ لو تبي

    تبي تجيب فينا العيد :anger2:

    شكلي بأنسحب من شراء المسدس وأخذ لي نبيطة :nice:






  15. #15
    عضو فعال
    تاريخ التسجيل
    Aug 2004
    المشاركات
    1,424


    عزيزي هالمشاكل موجود بكل ديرة وبكل زمان
    وتختلف قلتها من كثرتها بحسب الحاله الامنية

    كثرة العطالة وعدم وجود وضائف وكصير من المشاكل الاجتماعية

    هي الى ترفع مستوى الجريمة كان سرقة او غيرها

    واحد فاضي لا شغله ولا مشغلة ولا عنده اكل يومه

    وشهادتة ما تدخله شقة عزابية مو وضيفة

    من وين ياكل ؟
    بذكر لك شيء وقارنة بالحاصل

    قبل سنتين تقريبا كان الاغلبيه او طبقة كبيرة من المجتمع مشغولة بالارهاب

    سعد السفية وقناة الاصلاح و الاصلاح الداخلي و و والخ

    بعدها من كم شهر اشغلوا العالم بالاسهم والبورصة

    وصار الي ما يعرف طريق البنك الحين يحلل ويشرح لك شارت يومي واسبوعي
    ويطلع على القنوات بعد
    معاد تسمع سالفه الارهاب او سعد الفقيه او الاصلاح
    خلاص شيء طمس لان العالم مشغولة بشي اهم بنضرها

    نفس النضرية على هالفئة
    فئه مرتزقة لا شغله ولا مشغله وش عنده غير انه يسرق
    يمكن بعضهم متمكن ماديا وعنده الي يسد جوعة بس خلاص صار
    مرض بدمة ..ولا يعني هذا انه مستوى الامن انخفض

    بالعكس اول تتمشى بالشارع والسياره فيها شوزن والدرج رصاص
    لحين لو تمشي ومعاك عجرا رحت فيها

    تحياتي





    __________________
    Under Construction
    No 4 Spam
    للمراسلة
    http://allawi.baridy.com





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض