ابحث عن اي معلومة لفورد كراون فكتوريا !

[صُهيب]

السلام عليكم

اخواني ودي اشتري كراون فكتوريا مستعمل او جديد اذا سعره جيد
ولكن مالقيت موقع يروي عطشي بهالموضوع
الي عنده صور ومعلومات تفصيليه او موقع يعرض فيه كل شي عن هالسيارة
ياليت يدلني وجزاكم الله خير

[NaIeF]

انشهد انك عرفت تختار

والله من جد موتر راحه ورساوه وقوه بما تعنيه الكلمه

لكن اذا كنت راعي مشاوير دوامك بعيد او انك من النوع اللي مشاوير ماتخلص


فالله يعينك على بنزينها


قعب بنزين ( قعب = تشفط )

[صُهيب]

هلا والله اخوي
ايه انا منذو مبطي خرمان على هالسيارة ومانب قادر ارتاح .. ابيها
بس وودي اسوي مقارنة بالمميزات والاسعار من موديل 2000 الى 2006
وقلبت جوجل مالقيت شي يذكر
اظن اخرتها بروح للشركة نفسها
بس مااخبر انه فيه بمكه الظاهر بضطر اروح جده .. اذا احد عنده معلومه

[ALARBIA.COM]

سيارة ممتازة ومريحة واقتصادية وعملية

انا سيارتي قراند ماركيز 2000
والحمد لله مافي مشاكل ولا تعب منها

بالتوفيق

[ALARBIA.COM]

في مكة في توكيلات الجزيرة

في العمرة اتوقع

لكن مو للماركيز هذيك وكالة الفورد

[mad921]

فورد كراون فكتوريا سياره قويه و راعيه تحمل وتناسب للعائله وحتى للشباب

واذا على البنزيم ماتصرف واجد ووالله ماتبعد عن الكابرس والومينا

و فيها رساوتها حلوه و لاتفرق واجد بين مديل 2002 الى 2005

لنها نفس الشكل وكذالك ماتفرق في السعر يعني بتحصل شئ نضيف موديل

2002 يفرق عن الجديد في 2005 حوالي عشرين الى الثلاثين الف

وكذالك فيه عندة انواع سيديات تجي بدون فتحه ولا مراتب جلد و مريات وخلفيه السياره فيها اسود

وفيه نوع ثاني s يجي فيه مثبت سرعه وجنوط 17 و كم ميزه اخرى << افضل نوع

وفيه فل كامل مراتب جلد وفتحه < مراتب الجلد مافيه الى في الفول كامل

واذا في خاطرك صور لها اصبر يطلع نور وطق طق لك كم صوره

[mad_4u]

السلام عليكم

اخواني ودي اشتري كراون فكتوريا مستعمل او جديد اذا سعره جيد
ولكن مالقيت موقع يروي عطشي بهالموضوع
الي عنده صور ومعلومات تفصيليه او موقع يعرض فيه كل شي عن هالسيارة
ياليت يدلني وجزاكم الله خير

<--- من هواة التجربة

اخدتها موديل 2003 اسبوع كتجربة
ومن ثم 2005 اسبوع كتجربة وبعدها اخر موديل
سيارة يوم تجلس في مقعدها تحس انك شخصية وتسوق سيارة محترمة
والشنطة تبعها يكفي عيال الحارة :nice:
توكل على الله السيارة تستاهل وسعرها مايطيح ومرغوبه

[mad921]

<--- من هواة التجربة

اخدتها موديل 2003 اسبوع كتجربة
ومن ثم 2005 اسبوع كتجربة وبعدها اخر موديل
سيارة يوم تجلس في مقعدها تحس انك شخصية وتسوق سيارة محترمة
والشنطة تبعها يكفي عيال الحارة :nice:
توكل على الله السيارة تستاهل وسعرها مايطيح ومرغوبه

على طاري الشنطه ترى فيه يرا انها عيب وبعض يرى ميزه

لنها جايه كانها حفره

[أبـو خــــالــــد]

كان معي فورد ميركوري جراند ماركيس 2001 وبعته لأنه ذبحني البنزين

وشريت كامري 2004 فل اوبشن قير تماتيك
سيارة قمة وخفيفة نفس- خصوصا لما تكون اتماتيك فل كامل

واذا تبي نصيحتي انتظر مديل 2007 وانت تدوخ


وماسكة السعر عند البيع


هذي كامري 2007 الرياضية فل اوبشن
http://www.assayyarat.com/forums/sho...%E3%D1%ED+2007