السلام عليكم ورحمة الله وبركاتة
الاخوه الكرام , رعاكم الله.
انا احد المستضيفين عند استظافه امواج ولكن للاسف سيرفرهم و موقعهم وكل خدماتهم مغلقه
الموقع الان من يوم الاربعاء قبل الماضي يعني الان لنا 10 ايام والموقع مغلق!
المشكله اتصلت عليهم بمصر وصاحب الاستظافه امواج لا يرد بل جواله على المشغول على طول رغم اني دقيت عليه مره وقفل الخط ودقيت على مره ثانيه ما رد ودقيت ثالثه ليقته محول الخط على المشغووووول على طول بعدها!
دقيت على شريكه قبل فتره رد على وكانت اعذاره ان الاغلاق كان بسبب اسبام من احد المواقع على السيرفر وكان هذا من قبل 10 ايام وهو مغلق بسبب الاسبام قلتهم طيب والحل؟ قال سددنا الغرامه ! طيب واذا سددتوا ليش ما يفتحوا السيرفر؟ قال انهم يقولون ان السيرفر فيه مشكله تعطل احد القطع ولم يذكر لي ايش هذي القطعه! طيب بالعقل يعني اذا كان السيرفر فيه قطعه خربانه كيف يكون موصول بالانترنت ويقولي ان الموقع معلق؟ من الاصل من المفترض ان السيرفر لا يعمل ويظهر لي ان السيرفر غير موجود على الشبكه ! لكن ان يعمل وهو فيه قطعه خربانه هذي حاجه عجيبه ولم اشاهدها بحياتي!!!!!!!!!
الان اتصل لا احد يرد ارسل لهم رسائل على الجوالاتهم ولا عندك احد! اشغل المسنجر من فتره لاخرى ولا اجد احد! الا في اول ايام ظهور المشكله كان امواج الذي يكتب بالمنتدى كلمني مره واحده وعليها ما شفته! وجلس يعطيني من الوعود بعوده الموقع والسيرفر وانه ليس له ذنب بما حصل وان مستاء اشد (الاستياء) وبعدها ما شفنا شئ ولا رجع الموقع ولا يحزنون
يعني ما ادري ايش العمل معاهم!
طيب اقدر اكلم نفس الداتا سنتر واطلب منهم نسخة من موقعي؟ كيف اقدر لاني صراحة ما ادري عن اجرائاتهم وهذا يعتبر حق من حقوقي ان اطلب بيانات موقعي!
اتمنى من الاخوه الذين سبق ولهم تعامل مع الشركات المالكه الداتا سنتر ان يرشدوني لطريقه التعامل مع الشركة مع العلم ان الشركة هي
www.layeredtech.com والمستأجر للسيرفر هو
http://www.2moag.org
واسمه بالمنتدى
NoDy
صراحة انا طفشت من الموضوع هذا والي مخليني ما ارتاح اني ادق عليهم ولا فيه أجابه! يعني انا ما قلتهم دقوا علي انا داق عليهم وحذرتهم اكثر من مره من تجاهلي وعدم الرد علي ولكن ما هم شيفين احد بعينهم وضاربين بكلامي بعرض الجدار وكانهم يقولوا الي براسك سويه اذا كان فيك خير!
الله يصبرنا بس المشكله اني توي بادي بموقعي وتعبت بالمواضيع والمقالات المطروحه وصار بالمنتدى عدد لا باس فيه من المشاركين مقارنه بعمر الموقع وكل هذا راح على بلمحه بصر ولا انا حاس
لا حول ولا قوه إلا بالله ...
المعذره للاداره ولكن لاهميه الموضوع ولاني لن اجد صاحب الاستظافه الي بالمكان الذي عرفته به كتبت الموضوع عندكم , واذا لم اجد حل ولم يتجاوب معي امري لله اذهب الي الويب العربي وسوالف ...
المشاركة الأصلية كتبت بواسطة مملكة شهد
الله يسمحك
