[مشكلة] الوقت ينتهي قبل اكتمال عملية الـ backup على السيرفر

[Onimusha]

السلام عليكم ورحمة الله

اخواني احاول اعمل بعض التعديلات بالمنتدى
وقبل ما اقوم بأي شي آخذ نسخة احتياطية سريعة
على السيرفر (داخل ملفات المنتدى)

ولكن المشكلة ان العملية لا تكتمل

كل ما يوصل لجدول معين يطلع معاي الخطأ التالي:

Fatal error: Maximum execution time of 30 seconds exceeded in /home/######/public_html/vb/includes/adminfunctions_backup.php on line 60

هذي كل المشكلة :nice: .. الوقت كالسيف وابي اقطعه قبل ما يطعني

فهل من منقذ :eek3:

وشكرا مقدما

[OKYESNO]

كلم المستضيف وخليه يغير لك القيمة هذي

30 seconds

30 ثانية

الى أعلى من كذا


تحياتي

[Onimusha]

كلم المستضيف وخليه يغير لك القيمة هذي

30 seconds

30 ثانية

الى أعلى من كذا


تحياتي

يعني هالوقت المستضيف يتحكم فيه؟؟
ما اقدر اغيره من ملفات المنتدى؟

والله ورطه

عموما شكرا اخوي على الرد السريع

[سفر]

قم بأخذ باك اب عن طريق السي بانل لآن السيرفر عندك يمنع السكربت من العمل لمدة أكثر من 30 ثانيه

أو كلم المستضيف يزيد التايم اوت << ومااعتقد انه بيزيده بس يعتبر حل

[Onimusha]

قم بأخذ باك اب عن طريق السي بانل لآن السيرفر عندك يمنع السكربت من العمل لمدة أكثر من 30 ثانيه

أو كلم المستضيف يزيد التايم اوت << ومااعتقد انه بيزيده بس يعتبر حل

اخوي عن طريق السي بنل مافي طريقة احفظ الباك أب في السيرفر
بيكون لازم علي احفظه على جهازي
وهالشي صعب وياخذ فترة
وانا احاول آخذ باك اب سريع .. للضمان لا اكثر .. وبحذفه بعدها ع طول

[البرق1]

هذا السيف مود الله لا يبارك فيهم
والله اني مثلك من انتقلت عند دووك ما عملت باك أب على السيرفر
نفس الرسالة تطلع عندي والمشكلة اني كل برامج الباك تعلمت عليها لكن بدون فايدة فشل والعملية لا تكتمل.


ان شاء الله الاخوان يدبرونا بحل

[المشاري]

مالك إلا phpMyBackupPro

هذا سكربت رهيب ومحترف لعمل نسخة إحتياطية لقواعد البيانات

وأنا جربته بنفسي وبصراحة كان مره رهيب :1power:

وفي ميزة أنه ينقل الـbackup إلى أي سيرفر ftp بعيد

وميزة ضغط القاعدة

http://www.phpmybackuppro.net

جرب منت خسران شيء

[البرق1]

تسلم والله اخي AL-MSHARY
البرنامج باين عليه انه قوي مثل ما قلت لكن ما شرحت لنا يابعد الناس كلهم
كيف نشغله والملفات خاصة البرنامج نضعها وين والكونفج أيضا يبغى توضيح على الأقل رؤوس أقلام .

وشكرا لك على الفزعة وهل السيف مود عندك مفعل
عاد تصدقون ياشباب انه طرى لي مثل عربي وهو:
الصيف ضيعت اللبن
السيف مود ضيع الباك أب

منتظرين التعليمات لعل وعسى

[المشاري]

طريقة تركيب السكربت كالتالي :

1 - أرفع مجلد phpMyBackupPro كاملاً بجميع الملفات والمجلدات الفرعية.

2- قم بتصريح المجلد export بـ 777

3 - قم بتصريح الملف global_conf.php بـ 777

3 - إذهب إلى الرابط التالي http://www.site.com/phpMyBackupPro/config.php

وقم بإدخال البيانات المطلوبة ... وبدأ بعد ذلك بأخذ نسخة إحتياطية

سيتم وضع النسخة الإحتياطية داخل مجلد export

إن شاء الله تكون الطريقة واضحة

[Onimusha]

مشكور اخوي البرق1 على المتابعة في الموضوع

والشكر موصول إيضاً للأخ AL-MSHARY على السكربت
وبنزله الحين وبشوف النتيجة

تسلم اخوي والله يوفقك دنيا وآخرة يارب

[اول ثاني]

السلام عليكم
تم تجربة السكربت على السيرفر المحلي وكانت النتيجة الخطأالتالي
Fatal error: Maximum execution time of 60 seconds exceeded in c:\appserv\www\phpmybackuppro\functions.inc.php on line 514

[سفر]

فيه حل

وهو عمل الباك اب عن طريق الـ cronjop وحط الوقت بعد خمس دقائق مثلاً وانتهى الموضوع

وستجد الباك أب كامل

موجوده الطريقه بالمنتدى ان ماخاب ظني وهي سهله مايحتاج لها شرح