صفحة 1 من 2 12 الأخيرةالأخيرة
النتائج 1 إلى 15 من 20

الموضوع: DSL ................وتستمر المعآنآة

  1. #1

    DSL ................وتستمر المعآنآة



    السلام عليكم ورحمة الله وبركاته


    حلمي حلم اي مواطن سعودي


    يحـلم بشـي اسمـه DSL ( نسمع به ومانشوفه)

    الناس وصلت للقمر وحنا شيل وحـط مع هالـDSL

    مواطن سعودي اسمه نايف

    من سنتين قـدم على DSL

    وجلسـنـا ننـتـظر

    شهر .. شهرين .. ثلاث أشهر .. سنه .. درينـا أن السالفه مطولـه

    رجعنـا لخويـنا الدايل أب ..

    بـعد معاناة سنتين .. وباللعنـة وأخـته .. جاء الـDSL

    وأنا اللي أطير بالعجه

    وأروح أشتـرك مع أول نـت وآخذ مـودم

    من بكره قمنا نشبك ونركب ونربط .. وأبلشنا حمـد معنا جزاه الله خير

    بعد التركيب والتظبيـط ..

    صارت اشارة الدي اس ال تروح وتجي ومافي تصفح

    كلمنا الهاتف قالوا كلمتهم المعهوده 24 ساعه والفني جايك .. عاد وش هالفني فلبيني يدربيه مايدري وين الله حاطه

    طبعا انتظرنا 24 ساعه و48 ساعه و72 ساعه واسبوع واسبوعين .. بعـدها صـرت قلـيل حيـاء مع الموظفيـن وجـانا الفني من بكـره

    سبحان الله قل أدبـك تآخذ حقـك

    جاء الفني وشاف الوضع وقالنا راجع التوصيلات الداخليه

    التوصيلات جديده يابوالشباب مالها يوم !!!!!! قال تأكد

    وااروح اشتري أسلاك غير وأمد سلك مباشره من البوكسيـة

    ونفس المشكله !! كأنك يابو زيد ماغزيـت


    واكلم المشرفين قالوا مشكله بين مدينة الملك عبدالعزيز ومزود الخدمه 24 ساعه وتنحـل

    قلنـا خير ان شاء الله

    من بكره كلمت المشرف قلت له وش صار بمشكلتنا قال أنحلـت

    رحنا جربنـا نفس الشي .. ماتغير شي !!!

    كلمنـا المشرف قالنا طلعت المشكله من المقسـم !! اصبر لين تنحل المشكله

    المشرفين ومايعرفون المشكله وين .. الحمـدلله !!

    انتظرنـا اسبوع وكلمنـا قالـوا انحلت المشكله .. جربنـا مانحلـت


    رجعنا قلنا لهم قالنا المشرف من قالك ان المشكله انحلت !!!!!!

    اصبر شهر ثان وتنحل المشكله

    <<< من كثر مايدق حفظ أسماء المشرفين والموظفين عندهـم

    جلست يومين ودقيت وطلع لي موظف سنايدي ماقصـر والله اسمه ( عبدالرحمن النـاصـر ) الله يوفقه دنيا وآخره

    قام يساعد ويحل المشكله معاي .. لكن المشكله من الهاتف والشكوى لله

    كلمنا بعدها الشكاوي والاقتراحات 800 .. وعطيناهم المشكله وتاريخ البلاغات ورقم البلاغ وإلى يومك ... ردد يـاليــل

    طبعـا بسـبب أني مواطن مالي واسـطه لازم أتلحط سنتين من جديد عشان تجي الخدمه زي النـاس ... مالك واسطـه ماتعيـش

    ومانـدري وش تنتهي عليه هالمشكله

    ومانقول غير حسبنا الله ونعم الوكيل

    فلوس اشتراك وفلوس تركيب والمشكله حاسبينها لي بالفاتوره وهو ماوصلنا شي !!

    الله لايوفقهم من شركه


    مايأدبهم غير شركه ثانيه .. مثل ماتأدب وتسنع غيرهم


    وحسبنـا الله ونعـم الوكيـل الله لايوفقهم شفط دراهم وخدمة زي وجيههم








  2. #2
    عضو نشيط
    تاريخ التسجيل
    Jun 2005
    المشاركات
    97


    الله يعينكـ،

    انا طلبت الدي اس ال وجاء بيوم واحد ! ....

    لاني بمجمع سكني وموجود مندوب عندنا عاد تركب بسرعه

    لكن الآن اعاني من الشركة حقت الدي اس ال داااايم يقطع






  3. #3
    عضو فعال
    تاريخ التسجيل
    Aug 2004
    المشاركات
    1,424


    اخوي نايف
    دامك عانيت بهالشكل ليه ما تفكر في الستلايت تو وي

    لو مكانك والله معاد ادفع لهم ريال واحد وابوهم لابو ستين .........ز





    __________________
    Under Construction
    No 4 Spam
    للمراسلة
    http://allawi.baridy.com

  4. #4
    عضو نشيط جدا
    تاريخ التسجيل
    May 2006
    المشاركات
    339


    NaIeF لي موضوع بخصوص الDSL

    وكتبت بنفس لهجتك الان يومها كان عندك DSL وكنت تقولي اسلوبك راجعة يا Smooth Criminal

    ماحد رد في موضوعك ولاحد بارك لك بتركيب الـ DSL وراك اليوم معصب على الربع

    اصبر سنة ثانية وبتنحل مشكلتك

    الله يكون في عونك

    لكن اذا عندك الاشارة تروح وتجي في واحد اعرفة يمكن يفيدك في هالموضوع لانة فادني فيها

    هات مسنجرك بس






  5. #5

    تاريخ التسجيل
    Feb 2003
    المشاركات
    3,094


    وصلني الدي أس أل بعد معاناة ومن ثاني يوم كنسلته ..
    الدايل أب أفضل لي ..





    __________________
    قل لمن يحمل هما .. بأن همه لن يدوم
    فكما تفنى السعادة .. هكذا تفنى الهموم

  6. #6
    عضو فعال
    تاريخ التسجيل
    Jun 2001
    المشاركات
    1,091


    عندنا في البيت مشبك دي اس ال له سنه و ثلاث شهور حوالي

    وشغال تمام وسريع ولا فيه اي مشكله وجربته انا لكن الان ما ادرري

    فيه مشاكل او لا لني موجود فيه في الوقت الحالي لكن انت تاكد

    من المودم ليكون خربان ولمبت الينك ماتشبك صارت عندنا ثلاث

    مرات وهاذا ثالث مودم نشتريه






  7. #7
    عضو نشيط جدا
    تاريخ التسجيل
    Nov 2001
    المشاركات
    320


    جرب خذ معاك الاب توب والمودم واطلع للبوكسية اللي برى البيت واشبك المودم وشف اذا ماقطع الاتصال اعرف ان المشكلة من الاسلاك واذا فيه تقطيع فالمشكلة من الاتصالات





    __________________
    http://www.swalif.net/softs/
    جامعه العرب الالكترونية

  8. #8
    عضو نشيط
    تاريخ التسجيل
    Nov 2005
    المشاركات
    275


    اخوي NaIeF

    بما ان عندي خبرة في هذي الاشياء من كثر المشاكل والله ان شركة جيل طلبتني ( اتوظف عندهم )

    المهم انا عندي والله اختبارات هذي الايام السمستر الصيفي

    انت إرسلي إيميل ماسنجرك من خلال الرابط إلي موجود في توقيعي !!

    وبأسوي إلي علي والباقي على الله , ربك يعين أن شاء الله


    إلى اللقاء





    __________________
    سبحان الله وبحمده & سبحان الله العضيم

  9. #9
    عضو نشيط
    تاريخ التسجيل
    Jan 2005
    المشاركات
    40


    الله لي سنة طالبه
    ما جاني الا قبل كم أسبوع بس

    وياليته مثل الاوادمـ

    الله يعينكـ





    __________________
    أنا عضو في سوالف ماذا عنك

  10. #10
    عضو فعال
    تاريخ التسجيل
    Aug 2005
    المشاركات
    1,588


    الله يعينك
    إذا كانت مشكلتك قبل تقريباً 20 يوم ترا كان عند أول نت مشكلة ذيك الأيام

    أنا كنت أقول أول نت أحسن شيء بس الحين أخذت سعودي نت والله طلعت أحلا
    أخذت سعودي نت 256 3 شهور

    والله أنا مثلك ماجاني الدي اس ال إلا الشهر اللي راح كان أول شهر وواجهتني مشاكل وشكيت بالمودم والتلفون بالأخير عرفت المشكلة من أول نت لأن لقيت كثير كتبوا في بوابة الأنترنت الرقميه عن نفس مشكلتي





    __________________
    ..:: متـ_ـ_ـ_ـ_ـ_ـ_ـابـ_ـ_ـ_ـ_ـ_ــع ::..

    http://mkn.arabform.com

  11. #11
    عضو سوبر نشيط
    تاريخ التسجيل
    Jun 2003
    المشاركات
    604


    الله يعينكم ان شاء الله

    طلبته الثلاثاء الماضي و اليوم اشتغل ولله الحمد

    اعتقد ان المنطقه اللي انت ساكن فيها لها دور بالموضوع

    يعني في ناس توصل الخدمه لهم بسرعه والبعض الله يعينهم ينتظرون





    __________________
    com . جميل @ alsaudi
    w w w . Q Q Q . n u

  12. #12
    عضو فعال جدا
    تاريخ التسجيل
    Feb 2003
    المشاركات
    2,007


    اقتباس المشاركة الأصلية كتبت بواسطة الرفيع
    الله يعينكم ان شاء الله

    طلبته الثلاثاء الماضي و اليوم اشتغل ولله الحمد

    اعتقد ان المنطقه اللي انت ساكن فيها لها دور بالموضوع

    يعني في ناس توصل الخدمه لهم بسرعه والبعض الله يعينهم ينتظرون
    الله يهنيك فيها ..


    انا لي سنة انتظرها .. ويقول الموظف ردد ياليل ماطولك ..

    مدري شنو السبب لو انهم يخترعون DSL كان خلصوا

    وعلى فكرة موبايلي خلال سنة واحدة فقط

    مدة عقد تمديد كيابل بصرية لكافة مناطق المملكة بتكلفة مليار مع ثلاث شركاء من أجل تقديم خدمة Wi-Max

    طبعا خلال سنة .. واحدة فقط

    حنا كيبل DSL ولي سنة انتظره

    الله يخرجنا من الشركة خدمة زفت ولاتجي الا بطلعت الروح :eek3:






  13. #13

    تاريخ التسجيل
    Jun 2006
    المشاركات
    1,370


    شووووو؟ :eek2: :eek2:

    كل هذااااااااااا عشاااااااااااااان DSL
    :eek2: :eek2: :eek2:


    والله يوم ركبته ركب عندي في 24 ساعه كان شغال ولله الحمد

    بس ترا مو في السعوديه

    الله يكون في عووونكم وفي عون الجميع يارب





    __________________
    @_@

  14. #14


    عدنا ورجعت المشاكل ..

    من قبل تاريخ كتابة الموضوع بحدود الشهـرين والمشـكله موجـوده ..

    أنحلـت يـوم واحـد بـس .. وبعـدهـا طلعـت مشكله ثانية وإلى الآن

    طبعـا مايعـرفون المشكـله ويـن بالظبـط إلى الآن

    مـره المشكـله بالمقسـم مره بالخـطـوط مره من البكسـية ... وعلى هالحـال


    شركة يهود شفط درااهم على غير سنع

    طبعا فيـه نظـام عنـد الشـركه يقـول اذا حصـل عطـل بالـدي اس ال أكثر من يومين يخصـم بقـدر هاليوميـن .. أنـا فـوق أربع فواتيـر مسددها كلها فيـها رسـوم دي اس ال وانا ما استفـدت منه ولا مره ... !!!! ( كل هذا بسـبب انه مامعي واسطـه )

    لحد يستغرب .. يهود الله لايوفقهم ..






  15. #15
    عضو نشيط
    تاريخ التسجيل
    Apr 2002
    المشاركات
    189


    الله يعينك


    بس تاكد ان الطلب مقفل اولا


    ثانيا دق على 904

    يجونك لانه جايهم انذار من قريب والان مايتاخرون اول ماتسجل بلاغ


    لانني انا عانيت من مشاكل

    وكانوا يسوون فيني مثل كذا

    حتى اني قليت ادبي معهم وصلحوه


    وقبل يومين صارت مشكله تقطيع وبلغت وعلى طول تصلحت


    وهذا اللي خلاني اسال عن هالسبب موعوايدهم يواعدون ويوفون بوعدهم

    قالوا انه فيه انذار قبل فتره جايهم

    وعشان كذا يهتمون

    فانت دق وبلغ وشف

    وللمعلوميه

    ترى اول نت اخس شركة بالسعوديه

    مع احترامي لعملائها بس انا مجربها

    وحاول تجرب اشتراك ثاني وشف وش يصير معك


    تحياتي





    __________________
    قريبا جداً

    المفاجأة ,,,





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض