صفحة 1 من 2 12 الأخيرةالأخيرة
النتائج 1 إلى 15 من 26

الموضوع: اللوحات الجديدة للسيارات في السعودية

  1. #1
    عضو سوبر نشيط
    تاريخ التسجيل
    Feb 2004
    المشاركات
    846

    اللوحات الجديدة للسيارات في السعودية





    السلام عليكم ورحمة الله وبركاته

    لعيونكم هذه صورة من اللوحات الجديدة للسيارات في السعودية

    والتي بدأ العمل فيها حاليا بالسعودية





    سيتم تغيير لوحات السيارات السعودية المعمول بها حاليا إلى جديدة بدون أي رسوم

    كما سيتم زراعة "شريحة إلكترونية" داخل كل لوحة وذلك لمعرفة موقع أي سيارة عن طريق نظام

    RDIF

    والذي تم تطبيقه في مكة المكرمة في حج هذا العام 1426/1427هـ

    وكانت ناجحة بكل المقاييس حيث تساعد على حفظ الأمن قبل كل شئ





    اللواء فهد البشر : كشف مصدر مروري على أنه سيتم تغيير لوحات السيارات المعمول بها حاليا إلى جديدة بدون أي رسوم كما سيتم زراعة "شريحة إلكترونية" داخل كل لوحة وذلك لمعرفة موقع أي سيارة عن طريق نظام RDIF والذي تم تطبيقه في حج هذا العام 1426هـ. كما علمت "الوطن" بأن اللوحات الجديدة سيتم توحيد لونها دون التفريق بين نوعية المركبات، وسيتم وضع ملصق "فسفوري" اللون في أقصى زاوية اللوحة للتصنيف فيما بين أنواع المركبات، حيث كان اختلاف ألوان اللوحات هو الطريقة الوحيدة في عملية تصنيف نوعية المركبة

    كما ستضاف للوحات الجديدة رموز وأرقام باللغة الإنجليزية بعد الإشكاليات التي واجهت السيارات السعودية أثناء عبورها لبعض الدول الأوروبية.
    وأقرت الإدارة العامة للمرور زيادة عدد خانات اللوحات لأكثر من 3 خانات لمواكبة الزيادة العددية للسيارات الجديدة في المملكة ولتجنب محدودية أعداد اللوحات

    يذكر أن اللوحات القديمة والمعمول بها حاليا شارفت على الانتهاء، حيث لم يبق سوى حرفين فقط هما (و, ي) مما يستدعي سرعة تطبيق النظام الجديد للوحات

    ::: منقول للفائده :::






    __________________
    احمدكـ ربى على فضلكـ ومنكـ وكرمكـ
    عندى يقينُ أن رحمةَ خالقي ::: ستكونُ أكبرَ من ذنوبِ حياتي
    ياحبيبى يارسول الله http://www.rasoulallah.net
    طريق الايمان للدعوة الى الله http://www.imanway.com/vb


  2. #2
    عضو فعال جدا
    تاريخ التسجيل
    Feb 2000
    المشاركات
    3,248


    حلوة والله فكرة الشريحة
    على كذا اللي راح يسرق سيارة راح يقعد بها






  3. #3
    عضو نشيط جدا
    تاريخ التسجيل
    Jun 2005
    المشاركات
    370


    لا لا نظام الجي بي اس

    خطيير جدا

    تخيل أنت مراقب 24 ساعه ؟؟!!


    مع أني الحمد لله ماعندي أي شي وقلبي أبيض ولا أمثل أي تهديد أمني خخخخخ

    لكن فيه انتهاك للخصوصية........بنقرة زر يعرفون وينك فيه ؟؟!!


    طبعا لانخفي الجوانب الايجابية لكن......لها سلبيات






  4. #4
    عضو نشيط جدا
    تاريخ التسجيل
    Sep 2005
    المشاركات
    553


    خخخخخخ خلها على ربك بس

    يعني الي بيسرق السيارة موب فاك اللوحة خخخخخخخخ

    لا هي كسر عين فقط لا أكثر ولا أقل وهذا حالنا من تخلف الى تخلف

    النظام ليس ضبط ولا حماية لان الي بيسرق بغير اللوحة وثانياً لو قلنا علشان الارهاب هم يقدرون يغيرون اللوحة ويرمونها

    نهائي، وكيف يعيش الحر مادامه مراقب في سيارته جواله وبكرة داخل بيته وهو ماشي وهو واقف !!!!!!!






  5. #5


    والله خلهم اول مره احسن انهم بيسوون شي زين
    على الأقل لو انسرقت سيارتك تقدر ترجعها

    تذكرون يوم قعدوا الدوريات يدورون ذاك الجمس حق الأرهابيين
    قعدوا أسبوعين يالله حصلوه .. الحين امورهم صارت أوكي

    أحسن اننا اول مره نسوي شي مميز عن غيرنا :app:

    بس مو كأن اللوحات بتصير خرابيط
    الله يعين اللي دفعوا :court: ملايين على اللوح





    __________________
    ::- يستخدم العضويه اكثر من شخص -::

  6. #6


    شي حلو .. الله يوفقكم .. وعقبال تصير في باقي الدول العربية





    __________________
    ليث الخليلي .. موقعي القديم ( خلفيات شاشة - تحويل - الغاز - تفسير احلام - الشرس ).

  7. #7
    عضو سوبر نشيط
    تاريخ التسجيل
    Feb 2004
    المشاركات
    846


    اقتباس المشاركة الأصلية كتبت بواسطة alshares.com
    شي حلو .. الله يوفقكم .. وعقبال تصير في باقي الدول العربية






    __________________
    احمدكـ ربى على فضلكـ ومنكـ وكرمكـ
    عندى يقينُ أن رحمةَ خالقي ::: ستكونُ أكبرَ من ذنوبِ حياتي
    ياحبيبى يارسول الله http://www.rasoulallah.net
    طريق الايمان للدعوة الى الله http://www.imanway.com/vb

  8. #8
    عضو سوبر نشيط
    تاريخ التسجيل
    Feb 2004
    المشاركات
    939


    (شكل اللوحة ) مش ولابد ..

    كان بالإمكان تصميم لوحة أجمل من هذه اللوحه , أضف إلى ذلك إزلة الأحرف العربية اللي مالها داعي .. ويكتفون بأرقام إنجليزية .. حتى لايواجه المسافر للدول (الغير عربية ) مشاكل بسبب هذه الاحرف .






  9. #9
    عضو نشيط جدا
    تاريخ التسجيل
    Nov 2001
    المشاركات
    320


    اذا الان المفحط يسرق السيارة يفك اللوحات ويطير في شوارع الرياض من جنوبها لشمالها
    كيف اذا عرف انه مراقب وش بيسوي

    يمكن اجمل شئ في اللوحات ان تغييرها مجانا وتم اضافة الحروف والارقام بالانجليزي





    __________________
    http://www.swalif.net/softs/
    جامعه العرب الالكترونية

  10. #10


    هذي لوحة سيارة ولا لعبة (X-O)

    الحمد لله والشكر

    جهاز كامل مستشارين وناس يقال ان عقولها مفتحة كل يوم طالعين لنا بطلعة

    أجمل لوحات مرت علي بحياتي هي الإمارات العربية المتحدة، وبريطانيا

    احترم الانظمة لهذه الدولتين.





    __________________
    ( عندي أمل ومن التجارب تعلمت ××× الياس مايثني قوي العزومي )

    w w w . F a w a 7 . c o m
    صفحات في ذاكرتي ما حييت...

  11. #11
    عضو نشيط
    تاريخ التسجيل
    Apr 2004
    المشاركات
    235


    السارق يقدر يفك اللوحه في ثواني او يصعقها كهربائيا لحرق الشريحه

    انا اشوفها انتهاك للخصوصيه خصوصا لو وصلت لموظفين غير مسؤلين مثل بعض حبايبنا في الاتصالات.. اذا تعرف لك احد يجيب لك اسم صاحب الجوال و ارقامه الثانيه و ارقام عايلته و فواتيرهم..الخ و سلمني على الخصوصيه في مجتمعنا المحافظ..

    و بكره نصير مسيرين بالكمبيوتر يتابع وين رحت وين جيت كم اسرعت..الخ






  12. #12
    عضو نشيط جدا
    تاريخ التسجيل
    Sep 2005
    المشاركات
    553


    اقتباس المشاركة الأصلية كتبت بواسطة ArabsHome
    السارق يقدر يفك اللوحه في ثواني او يصعقها كهربائيا لحرق الشريحه

    انا اشوفها انتهاك للخصوصيه خصوصا لو وصلت لموظفين غير مسؤلين مثل بعض حبايبنا في الاتصالات.. اذا تعرف لك احد يجيب لك اسم صاحب الجوال و ارقامه الثانيه و ارقام عايلته و فواتيرهم..الخ و سلمني على الخصوصيه في مجتمعنا المحافظ..

    و بكره نصير مسيرين بالكمبيوتر يتابع وين رحت وين جيت كم اسرعت..الخ
    والله وضعت يدك على الجرح، والي مايعرفه الا المجروح

    هذي المعانات لاخوي عنده جوالين باسمه واحد معه والثاني مع عياله

    شخص له معارف في الاتصالات يقوم بفصل جوالاته باستمرار

    حصل على معلومات البطاقة وارقامه الثابت من موظف قذر مثله

    يتصل ويفصل جوالاته باستمرار بحكم انها مسروقة ويعطيهم معلومات البطاقة

    نظام عقيم شوي لو تطور مثل نظام البنوك يسأل عن آخر ايداع وآخر صرف حصلت حتى يتأكد من انه صاحب البطاقة

    آخر محاولاتك مع الشركة صار اتفاق انه لايتم فصل جوال ولا تسوي اي شي الا اذا كلمتك من رقم الفلاني غير الرقم الفلاني لا تستجيبوا حتى لو انا المتصل قول لابد من الاتصال من هذا الرقم

    ومع هذا كله يتم فصل الجوالات اذا ياخي هناك ثغرات كثيرة

    اذا لا خصوصية مع الواسطات

    ----------

    نرجع لسبب وضع شرحة التعقب في اللوحات

    نتفق جميعاً اننا ضد الارهاب وكلنا نوقف مع الحكومة ضد هذا الجهل والعدواني الي وصل الى قتل ابناء الوطن الابرياء وعيال ديرتنا وكذلك قتل الامريكان الي جبناهم لكي نتعلم منهم الدفاع عن انفسنا وشراء المعدات هذول جائو لنا لكي يدربوا دفاعاتنا وأخوي مترجم معهم ( يترجم تدريب الامريكان للحرس الوطني ) وكانت الصورة غير طبيعية من هائلاء في القتل وهذا ناتج عن الجهل الي زرع في عقولهم
    مثال قمنا بشراء دبابات من نوع كذا عند العقد بالشراء يكون من ظمن العقد مدربين لتعليم كيف القيام والدفاع وكيف لو خرب تصلح الخ كيف نقوم بقتل نفس بغير حق خلونا من هذا كله
    نعم نحن ضد هذا العدوان الارهابي ولكن ليس على حساب خصوصيتي وحريتنا

    التفتيش والله اني ادخل التفتيش ويدي على قلبي واتلفت حولي خوف من جاهل ارهابي يفجر وفي عالم وزحمة وهو عند نقطة تفتيش وهذا ايضاً انا اقول غلط نقاط التفتيش كانت كثيرة جداً وبكل مكان لو فجر شال معاه ابرياء مالهم اي دخل وقف لنقطة تفتيش

    الكثير يعرف ان الهواتف والجوالات مراقبة وفيها نظام تتبع وتحدد مكانك
    والكثير يعرف يوجد شقق رقابة مجهزة بكاميرات لمراقبة الاحياء كامله يعني كل حي من احياء الرياض مراقبة وتحت ايدي اجهزت الأمن والمباحث في جميع منطقة الرياض من تحركات تحصل من قبل المتطرفين الي هم الارهاب
    الان بيطبق نظام شرائح للوحات السيارات وتتبع تحركاتها، وبكرة ماندري وش المفروض علينا نسوية علشان يسمع ويراقب كل شخص من الشعب السعودي

    السؤال هل الدول المقدمة عملت هذا النظام حتى تمسك بالارهاب والتطرف لديها
    هل الحل هو مراقبة الشعب حتى يصلوا للتطرفين والارهاب.






  13. #13
    عضو سوبر نشيط
    تاريخ التسجيل
    Oct 2005
    المشاركات
    932


    اقتباس المشاركة الأصلية كتبت بواسطة FLASHFP
    السؤال هل الدول المقدمة عملت هذا النظام حتى تمسك بالارهاب والتطرف لديها
    هل الحل هو مراقبة الشعب حتى يصلوا للتطرفين والارهاب.
    الجواب بكل بساطة..... (لا) ، ولن يقوموا بعملها اساساً.

    لأنهم يعرفون وش يسوون ووش مايسوون ، ووش الصالح والطالح لهم.

    في الولايات المتحدة الأمريكيه حتى (تفاتيش) مافيه الا اذا فيه شيء ضروري جداً ، ومع هذا أمنهم أفضل ومسيطرين على 250 مليون نسمة ! وحنا اللي 27 مليون نسمة ازعجونا هالمرور ، حتى على الدائري اللي فيه مليون سيارة يحطون تفتيش ليته الشرطة ، لا تلقاه المرور ، وتجلس عنده ماسك سرا ساعتين ولا ثلاث وبالاخير الرخصة منتهية والاستمارة منتهية ومن هالكلام !!
    يعني مسبب زحمة ومأخرني عن عملي علشان رخصة منتهية ؟؟ :looking:
    أي نظام تتكلمون عنه !! اذا جاء تاريخ 20 من كل شهر هجري اشتغلوا المرور تفاتيش علشان يطلعون رواتب موظفينهم بتاريخ 25 خخخخخ ويالله انوع المخالفات ، أعرف شخص توه جاي من (البر) وسيارته (مغبرة، وسخه) يوم وقف عند تفتيش عطاه مخالفة وكتب فيها (تغبيرة) وين ياعمــــي ؟؟ وش المخالفة هذي اللي أول مرة اسمع عنها ، لا وقيمتها 500 ريال على ما اعتقد ، وش دخل امك سيارته ولا سيارتك وبعدين توه جاري من البر اكيد بتكون كذا وش رايك يعني ؟ خخخخخ

    لا وبداية الشهر ماتلقا ولا تفتيش ، تدري ليه ؟ .... الجواب بكل سهوله خلاص عطوا الموظفين رواتبهم :nice:

    مو مثل ربعنا اللي ماني بقايل !!
    هدفهم لم ولن يخرج عن شيء واحد (شفاوة) مثل مانسميها بالسعودية وفي رواية أخرى (لقافة).


    وقال ايش ، قال: معاً لغد واعــــد !!! :funny:










  14. #14
    عضو نشيط جدا
    تاريخ التسجيل
    Nov 2001
    المشاركات
    320


    محمد علي

    على كذا الواحد ياخذ حذرة من بداية الاسبوع الجاي ويهدي ويمسك المسار الايمن





    __________________
    http://www.swalif.net/softs/
    جامعه العرب الالكترونية

  15. #15
    عضو سوبر نشيط
    تاريخ التسجيل
    Oct 2005
    المشاركات
    932


    اقتباس المشاركة الأصلية كتبت بواسطة altibb
    محمد علي

    على كذا الواحد ياخذ حذرة من بداية الاسبوع الجاي ويهدي ويمسك المسار الايمن

    ايه الحين كاثرة التفاتيش ترا ، وكلها مرور ، قسم بالله راح تلقاهم على طريق الدائري الجنوبي وعلى طريق مكة السريع وعلى طريق الملك عبدالعزيز وعلى الطريق اللي عند الدوار الأول لطريق خريص (اللي مقابل لشارع الاحساء بس نسيت وش اسمه) ، وراح تلقاهم على شارع المدينة الرايح والجاي ، واذا مسكت معهم وماطلعوا رواتبهم حطوا قبل الجسر المعلق على الدائري بعد الرايح والجاي ، وحطوا على الدائري الشرقي ، وماننسى طبعاً طريق النهضة عند محطة الدريس وبعد على مخرج 9 عند كلية الاتصالات (المرسلات) وطبعاً وبكل تأكيد مخرج 10 (طريق الملك عبدالله) هذا شيء معروف على الرايح والجاي بعض الاحيان ، وبعد على بداية مخرج 10 الخدمة (الرايح والجاي) ، هذا بإستثناء المرور (المفضوح) << قال مرور سري قال! ، راح تشتغل السوناتا واللومينا والكامري ، واذا مسكت معهم ماطلعوا رواتبهم حتى لو تمشي 100 قالك وقف على جنب ، واذا مريت من أي تفتيش ونفس الكلام ماطلعوا رواتبهم يدور أي علة ويعطيك مخالفة عليها ، حتى لو انك تعلك (علك) قال لية؟ وعطاك مخالفة!!.

    طبعاً مافيه تفاتيش بشمال الرياض :deal:

    بس تعال بعد تاريخ 25 خلاص تلقاهم كلهم راحوا

    يلعن أم النظام اللي يعرفونه ياشيخ !!!

    هذا غير الواسطات والقلق ، اذا عندك واسطة مايسوون لك شيء ، اما اذا ماعندك قالوا لك النظام لازم يطبق حتى لو انك منت مخالف اساساً.

    يازين New York زينااااه

    انا من يوم شفت شعارهم الاخير (يكفي) وانا غاسل يدي ، مدري هنود اللي يألفون عليهم هالشعارات ؟
    قلت الاسامي والشعارات يعني ؟ :looking:

    الله يعين بس










ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض