 |
أولاً ... مساء الخير جميعاً ....
مبروك لجميع المواطنين السوريين فتح خدمة بطاقات فيزا كارد في سوريا ...
وذلك عن طريق بنك سوريا والمهجر ....
شروط فتح الحساب : الحساب لازم يكون بالدولار أجباري ...
الحد الأدني لفتح الحساب 75 دولار .... بياخدوا 50 دولار رسوم إصدار بطاقة بلاستيكية بيبقى لك 25 دولار أتبحتر فيها ع كيفك :funny: :funny: :funny: :funny: :funny:
ولازم يكون معك هوية ... و بتعرف توقع :con2: :con2: :con2: :con2:
العاملين في البنك يقولون بأن البطاقة لا تعمل عبر الأنترنت ...
لكن السؤال الذي أطرحه هنا ....
هل معقول أنه لدي رقم بطاقة فيزا ... و الرقم الثلاثي .... و معلومات وأسم صاحب البطاقة ... و مع ذلك لا أستطيع أستخدامها عبر الأنترنت ؟؟؟
والله خبر حلو كتير لكن اذا ما تشتغل عالأنترنت شو استفدنا منها
راح يطالعو روحنا قبل ما تطلع هالفيزا متل العالم والناس بقى
سؤال تاني حبيبي يرحم والديك
هل المسنجر اشتغل وفتحو الهوتميل أم لساه مغلق بلوك ؟
الف شكر
شكراً لموضوعك أخي الكريم
لو اشتغلت البطاقة عبى الإنترنت ما رح تستفيد فيها غير القليل
لأنو الحظر الأميري ما بيخليك تشتري من كتير مواقع
المشاركة الأصلية كتبت بواسطة Damas
الماسنجر والهوتميل وكل شي شغال عبر PDN
اما الاتصال علعدي ما جربت عليه
خبر حلو بس ما استفدنا منه شي بدون انترنت
طيب
بالنسبة للهتمايل عبيطي صفحة بيضاء فقط
سسلام
__________________
Milad's vBulletin Services vCharset Converter
خدمة التحويل الاحترافي لترميز قواعد بيانات منتديات vBulletin إلى UTF-8
للمراسلة: Contact Me موبايل: 00905312905296 (لا أجيب على الـ SMS)
Damas
بريد و جمعيه أتصال Dial Up عادي ... ما زال مغلق
ابو نارت
على الأقل بيكفي نشتري ونعرف التكلفة الأصلية دون أي زيادات ...
ونقدر نشتري من الكثير من المواقع .. لا يعني أن PayPal لا يقبل البطاقات العربية أنه أنتهت المواقع :1power:
Milad
على الأغلب لازم تشتغل البطاقة ......
رح جرب و خبركون
السلام عليكم ..
حقيقة بنك سوريا و المهجر التعامل معهم ظريف بعكس البنوك مثل البنك التجاري و غيره و فعلا فريق كبير جدا ..
في خدمة كانت مقدمة من الجمعية السورية للمعلوماتية ما بعرف شو وضعها و إذا لسة شغالة .
هي العنوان تبعها http://www.eze-shopping.com/
أخي Damas
بخصوص الهوتميل شغال معي على الجمعية عن طريق ninemsn.com.au
و الماسنجر أيضا معي شغال نظامي ال msn yahoo
و مبارك السفر
أيضا
http://www.cbs-bank.com/index.php?hy...php&News_ID=17
اي شبيبةشو وين نسيتوني
والله يا شباب ال MSN بكل خدماتة واقف عندي لاني 190 ومع ذلك انا رمز الصمود و التحدي
المهم
بالنسبة لبنك سوريا والمهجر والبطاقة الخاصة تبع الافيزا - فموضوع النرتنت لسا بكير علية لانه تخالف قانون الاستثمار رقم 10 ولم يتم طرح البطاقة الخاصة بالنت للان .
بالنسبة لمن افضل التجاري السوري ام البنك سورية والمهجر فصدقني من تعامل تجاري بحت البنك التجاري اقدر واعرق جدا وخصوصا قسم البوالص وقسم الاعتمادات .
فابلنك التجاري خبرة اكثر من 20 عام ام سوريا والمهجر فلا يتعدى 3 اعوام واقصد خبرة في الاقتصاد السوري .
هذا من طرف
من طرف تاني البنك تبع سورية والمهجر يتقاضى عمولة على اي عملية ايداع او سحب على عكس التجاري السوري .
والكثير من الامور لا يحظرني <------------(على قولة الشباب بالمنتدى) و الصح لا يحضرني ذكرها الان .
الأخ بيشو هل من طريقة لمراسلتك؟
__________________
Milad's vBulletin Services vCharset Converter
خدمة التحويل الاحترافي لترميز قواعد بيانات منتديات vBulletin إلى UTF-8
للمراسلة: Contact Me موبايل: 00905312905296 (لا أجيب على الـ SMS)
مية أهلين
ما بعتقد هالبطاقة تشنغل عالدفع الالكتروني بسبب عقوبات امريكا
بالنسبة لبطاقة EZ من الجمعية شغالة تمام و عم استخدمها بدون مشاكل بس العلة انها 100 دولار فقط و ما بتقدر تعبيها من جديد
و اذا دفعت مثلا 80 دولار و ما لقيت تصريفة لما بقي قبل انتهاء الصلاحية فالعوض عليك
50 دولار مشان بطاقة , خورفة متل العادةبياخدوا 50 دولار رسوم إصدار بطاقة بلاستيكية بيبقى لك 25 دولار أتبحتر فيها ع كيفك
الحل الوحيد برأيي يجيب بطاقة فيزا من الأردن و يرتاح
سلام
__________________
اللهم أعز الاسلام و المسلمين
تسلموووو يا شباب طمنتوني انه في طريقة ندخل المسنجر
يعني ما قطعوها بالمرة وخلولنا طريقة نشوف شغلنا فيها الحمد لله
الله يبارك بعمرك حبيبي حسامو وانا موجود حاليا بالمدينة المنورة بس عم فكر انزل اجازة اسبوعين مع اني ما صارلي شهرين واصل واذا الشباب بيوصونا بش ابشرو والله لعيونكم :1power: .
كنت خايف من موضوع الأتصالات والمسنجر
المهم الحمد لله الأمور من جيد الى احسن وربكم بيسرها
مساء الخير ... أو صباحه لا أدري الفرق الآن ....
أو بالأحرى لا يحظرني الوقت <---------------- ههههههههههه عجبتني كلمتك بيشو
أنا هلأ لعرفت أنو المصرف التجاري السوري عم يقدم ها الخدمة
أنا من فترة رحت لعندهون ... و قالولي ها الحكي ,, أنو بدهون ينزلوا فيزا ألكترون ومن ها الحكي بس ( قريبا ) ... و أنا كتييييييير توقعت أنو ها ال ( قريبا ) تكون خلال القرن القادم ... مشان هيك نسيت الموضوع ...
هلأ منجي بقا :
الحد الأدني لفتح حساب في التجاري هو 3000 ليرة ... و شوية فراطات ...
أنا بس أرجع من معسكر التدريب الجامعي ... رح أعملي روحة لهونيك .. وأشوف شو القصة ... و بخبركون
الخدمة موجودة فعلا في البنك التجاري السوريأنا هلأ لعرفت أنو المصرف التجاري السوري عم يقدم ها الخدمة
لازم تفتح حساب بمبلغ بالقطع الاجنبي لا يقل عن 100 دولار و بعد 3 اسابيع لازم تشحن رصيدك بالدولار عن طريق ارسال حوالة من خارج سوريا بالدولار لحسابك , ( وينك يا أدني )
__________________
اللهم أعز الاسلام و المسلمين
أولا":
تعريف البطاقة: هي بطاقة دفع مباشر تحمل شعار فيزا الكترون ، تمنح هذه البطاقة لمن لديه حساب جاري بالقطع الأجنبي مغذى بحوالات أو شيكات من الخارج ، يمكن استخدامها داخل أو خارج القطر على الصرافات ونقاط البيع التي تقبل التعامل ببطاقات فيزا الكترون
ثانيا" : شكل البطاقة
ثالثا" : رقم البطاقة : يبدا رقم البطاقة ( PAN ) بالرقم – 408604 – رابعا":
الرسوم الخاصة بعمليات البطاقة:
-الرسوم الخاصة بعمليات البطاقة:
رسم اصدار البطاقة 25 $ تدفع مرة واحدة عند الاصدار
رسم تجديد البطاقة 20 $ تدفع كل سنتين مرة
رسم اصدار بدل ضائع 10 $ تدفع عند اصدار بدل ضائع
رسم اعادة طباعة الرقم السري 10 $ تدفع عند طباعة الرقم السري
رسم عضوية 10 $ تدفع مرة كل سنة
- الرسوم الخاصة بتسليم البطاقة للزبائن :
تسليم البطاقة عن طريق البريد السريع 10 دولار امريكي
تسليم البطاقة عن طريق البريد العادي 5 دولار امريكي
تسليم البطاقة عن طريق الفرع 2 دولار امريكي
يتم حسم هذه الرسوم بشكل آلي من حساب الزبون
خامسا": العمولات على حركات البطاقة :
- العمولات على السحب النقدي من الصرافات الآلية 2 % من اجمالي قيمة الحركة على الا تقل عن 2 دولار امريكي .
- العمولات على السحب النقدي من نقاط البيع 3 % من اجمالي قيمة الحركة على الا تقل عن 3 دولار امريكي .
- العمولات على الشراء باستخدام نقاط البيع : لايوجد أي عمولة .
سادسا":
سقوف السحب :
سقف السحب اليومي :
الحركة الفئة الاولى الفئة الثانية الفئة السحب من الصراف 200 $ / يوم 300 $ / يوم 500 $ / يوم الشراء 1000$/يوم 2000$/يوم 3000$/ يوم على ان يكون عدد الحركات اليومية غير محدود .
سابعا" : طلب البطاقة : يستخدم طلب اصدار بطاقة فيزا الكترون المستخدم لطلب اصدار البطاقة المحلية بنفس الطريقة مع مراعاة مايلي :
- وضع اشارة صح امام : نوع البطاقة ، عالمية .
- في حقل الدخل الشهري : توضع الفئة التي يرغب ان ينتمي اليها المتعامل من ضمن الفئات الواردة في الفقرة سادسا .
ضوابط المشاركة
رد مع اقتباس