أبغي احجز سيرفر في الامارات لكن هناك مشكلة اتمنى المساعدة

[الغريم]

السلام عليكم

اخواني قمت بالإتصال لشركة ECompany
و سألتهم عن التفاصيل بخصوص السيرفرات
و بالتحديد
ان يكون انا من يشتري سيرفر و يعطيهم اياه
و قالوا انهم يوفرون الخدمة و عملهم هو شبكه بالأنترنت
و عمل الصيانات وو و بمبلغ كذا
فقلت انا بس ابغي الخط
بلا خدمات اخرى
انا الذي يدير و انا إلي بشرف عليه
قالوا ممكن هذا
و بسعر 500-600 بالشهر !!
و الترافيك مفتوح

صدقوني انا اتكلم بجد استضافة سيرفرك الشخصي عندهم
لكن ياخسارة هم يتعاقدون من الشركات فقط
فمن يستطيع مساعدتي
من لديه شركة وده يساعدني و اتفق معاه على مبلغ
اتمنى المشاركة رجاء
شكرا للجميع

[TrustWork]

بالدرهم ولا بالدولار ؟؟


اذا بالدرهم انا بعد ثلاث ايام عندكم بالامارات باخذ لي كابين عندهم لان السعر مو طبيعي

و اذا خذيت بحاول اساعدك و اخذ لك معاي

بس ابي اسئل عن الترخيص لازم تكون شركة استضافة او عادي شركة تجارة عامة ؟؟

[TrustWork]

اخي يمكنك الاتصال بي عبر الجوال

00966566742168

عزيزي الكلام موجة لمنو لي او للاخ الغريم ؟؟

لو لي انا شايف رقمك بالسعودية و ما فهمت ايش المطلوب ممكن توضح اكثر

[الغريم]

بالدرهم اخي الكريم
و انا اتصلت بهم و تاكدت و تكلمت عربية فصحى من خاطري
و بعد التنقيح بالكلام كأني إيراني
و بخصوص سالفة الشركة
انك تكون صاحب شركة او شيء قوي
عشان يعملون عقد
...
لم افهم وضع الرقم مع انه سعودي
المفروض احد اماراتي ولا ؟
بالإنتظار

[مغرور]

طيب حط لنا رقم اتصال فيهم بس عاد مو للإيراني لا للعربي الفصحـــى
يعطيك العافيه

[AD4host.ae]

1- نوع وسرعة الخط ؟
2- عدد الاي بيات لكل سيرفر وسعرها ؟
3- مقر الداتا سنتر ؟ ابوظبي .. دبي ..الخ ؟
4- هل بإمكانك زيارة الداتا سنتر بأي وقت واي ساعة ولا في ساعات معينة ؟


سألت عن هالنقاط يوم كلمتهم ؟

[TrustWork]

اكيد بيكون خط 10 ميغابايت والى ما يصلح لانك تحطة لسيرفر استضافة
بالنسبة للايبيات اعتقد بعض الشركات يعطونك اي بي واحد و بعضهم يعطونك حسب تقسيمة السويتشات

ابتدئا من 8 الى 255

المقر بالنسبة لي ما يفرق لانة داخل الخليج فالسرعة افضل من امريكا

بالنسبة للزياة مرة كل ست شهور ممتازة

طبعا هذا رائيي الشخصي لانة لو كان السعر هذا لموصفات اقل فافضل استضيف بامريكا لان فرق الخدمة و الجودة و الاداء

[الغريم]

والله ياخواني انا كلمتهم بطريقة واضحة
قالوا السيرفر سيكون بسرعة هائلة جدا
لإستضافة المواقع و الاعمال
مثل اي سيرفر تشوفه
و اتوقع السيرفرات في ابوظبي و دبي
اختار انت

الرقم 6349222 - 02 ........ أبوظبي
لكن لاتنسوا اني بحاجة للمساعدة
يا Ad4host وساام
اتوقع انك بتاخذ
يالله يتوسط لنا و فيدنا جزاك الله خير

[ياوش]

والله أتمنى كلامك يكون صحيح

لا والكل يتمنى بس يفتك من الامريكان

لكن شوف هالوصله .. بحدود السعر الي أعطوك اياه
http://ecompany.ae/eco/isp/english/s...mparision.html

مش معقوله الي كلمته ما يعرف الفرق بين الإستضافة المشتركه .. والسيرفر المستقل

ولك بعض المعلومات من هنا:
http://ecompany.ae/eco/isp/english/s...ing/index.html
في الـ Related Links

ملخص الخدمات
http://ecompany.ae/eco/isp/english/p...ce_Summary.pdf

أنظمة تشغيل السيرفرات
http://ecompany.ae/eco/isp/english/p...r_Platform.pdf

إستإجار الأرضيات للسيرفرات الخاصة (المملوكة)
http://ecompany.ae/eco/isp/english/p...ce_Summary.pdf

لكن من هذا كله .. نستخلص أن الترافك .. 15 - 25 جيجا لكل سيرفر شهريا
أنظمة التشغيل هي وندوز 2003
وبإمكانك إستإجار الكابينات على أرض في الداتا سنتر وكل كابينه يحددون لك كم U تقدر تستخدم وتحط فيها سيفرك .. في سيرفرات 2U وفي 4U وفي 6 و 8 ... واليو الواحد تقريبا 2 إنش
يعني إذا استأجرت 10 يو .. تقدر تحط فيهم 5 سيرفرات بشرط ان يكون كل سيرفر حجم 2 يو

للمزيد عن أحجام السيرفرات:
http://www.anandtech.com/printarticle.aspx?i=2817


مو كأني شوي أخذكم بعيد عن الموضوع الأصلي؟ :con2: أعتذر مسبقا


مع التحية

[الغريم]

شكرا لك حبوب
صراحة احس بأنك اجهدت في الرد
حقا رد غني و جميل
لطفا منك
لكن هم يقولون انه ممكن نعطيه pc و يحولونه سيرفر هناك
على حسب المواصفات
و ان تم ذلك
لول كيف بيكون راكب ؟؟
هل بيغيرون ال Case ??
و الله يعطيك العافية

[Boost]

احلى شي قريته في كل الموقع

كان هذا

6 -24 Hour Response Time

الاستجابة للدعم من 6 الى 24 ساعة

يخرب بيتهم شنو عندهم هندي واحد يشتغل ولا اشلون

للاسف مشاريع الكل يتمناها لكن شركاتنا المرموقة في الوطن العربي

تختار من هم لا دراية لهم بهذا السوق

يعني لو مثل ماهم معلنين انهم يهدفون الى تعامل البنوك وياهم ابي افهم بس اي بنك اللي يقدر يصبر

من 6 الى 24 ساعة عشان يجاوبونه الدعم الفني و الله صاحب منتدى ما ينتظر كل هذا

قد تكون لي زيارة لهم بعد رمضان اذا ما غيرت مخططي و راح اشوف وياهم شنو في جعبتهم

الايجابية نعم الخط سريع

السلبية الخليج مربوط بخط بحري واحد فقط و في السنة ما شاء الله يعني العام انقطع خمسة مرات

غير الصيانة

الخليج فلوسنا كثيرة بس ما نعرف وين نصرفها مليارات الدولارات ترمى في البحر كانه ناقصين ارض

شغالين الجماعة دفان و يا مكثر الاراضي يالله هذا قدرنا شنو نسوي

نقعد نحلم و نحلم لين العمر يخلص

[User 5]

احلى شي قريته في كل الموقع

كان هذا

6 -24 Hour Response Time

الاستجابة للدعم من 6 الى 24 ساعة

يخرب بيتهم شنو عندهم هندي واحد يشتغل ولا اشلون

للاسف مشاريع الكل يتمناها لكن شركاتنا المرموقة في الوطن العربي

تختار من هم لا دراية لهم بهذا السوق

يعني لو مثل ماهم معلنين انهم يهدفون الى تعامل البنوك وياهم ابي افهم بس اي بنك اللي يقدر يصبر

من 6 الى 24 ساعة عشان يجاوبونه الدعم الفني و الله صاحب منتدى ما ينتظر كل هذا

قد تكون لي زيارة لهم بعد رمضان اذا ما غيرت مخططي و راح اشوف وياهم شنو في جعبتهم

الايجابية نعم الخط سريع

السلبية الخليج مربوط بخط بحري واحد فقط و في السنة ما شاء الله يعني العام انقطع خمسة مرات

غير الصيانة

الخليج فلوسنا كثيرة بس ما نعرف وين نصرفها مليارات الدولارات ترمى في البحر كانه ناقصين ارض

شغالين الجماعة دفان و يا مكثر الاراضي يالله هذا قدرنا شنو نسوي

نقعد نحلم و نحلم لين العمر يخلص

:nice: