وش افضل شهاده للحاسب تعالو شوي لو سمحتو

[محمد بن عبدالعزيز بن سيف]

سلام عليكم ورحمة الله وبركاتة



حاليآ ادرس تقنيةمحاسبه

وعندي مخطط ...دراسات اضافيه مثل حاسب وانجليزي تفيدني بعدين ان شاءلله

وودي اخذ دورات حاسب من مهد نيهورازين

الدوره الاولى IC3 شهاده دوليه للحاسب والانترنت

الدوره الثانيه ICDL الرحصه الدوليه قيادة الحاسب من

طبعن راح اخذتهم بأقل مده :app: حتى لو فيه متحان على طول يكون احسن


جميع وحدات دراسيه بكل شهادتين أغلبها نداولها يوميا ..كمستخدمين حاسب وانترنت وأصحاب مواقع

والحين ابي نصيحتكم هل راح تفيدني بعدين وفيه حوافز ومرتبات اضافيه ؟؟ والقبول فى وظائف على طول ؟؟


واذا فيه دورات ثانيه تعرفونها زينه ياليت تعموني

[bader_ppc]

السلام عليكم

بخصوص شهادة ic3

ربما يفيدك الرابط التالي:

http://www.ipactcentral.com/Arabic.htm

بخصوص icdl

http://www.icdl-unesco.org/

إذا كنت بـ أوربا هناك شهادة ECDL

The European Computer Driving Licence ـ (ECDL)
ECDL الرخصة الاوروبية لقيادة الحاسوب

the International Computer Driving Licence ـ (ICDL)
الرخصة العالمية لقيادة الحاسوب

[abdulrahman]

اكيد اخوي راح تفيدك
اعرف واحد ماخذ شهادة اقل من الرخصة الدولية
دورة استخدام الحساب الالى في الاعمال المكتبيه ثلاث اشهر
ومعه شهادة مكانيكي من كلية التقنيه تقدير جيد
وديوان الخدمة المدنيه حاطه رقم واحد في المفاضلة علشان الشهادة هذه وشوف
معه ناس اعلى منه نسبه بس الشهادة رفعته

موفق اخوي وانصحك تدخلها تفيدك والله

تحياتي

[mad921]

لو لغتك الانجليزي تماام

ومعك شهادة ثانويه تتوظف بـ 5000 - 6500 ريال

[زائرالجمال]

أولا :ICDL افضل من IC3

لو لغتك الانجليزي تماام

ومعك شهادة ثانويه تتوظف بـ 5000 - 6500 ريال

ثانيا من وين جبت هذا الكلام ووين يتوظف واحد معاه ثانوية ب 6500 قلي وين

صحيح إذا كان معاه أقل شي دبلوم لا ومو أي دبلوم مثل شبكات يحصل 2500 إلى 4000

[محمد بن عبدالعزيز بن سيف]

هلا خووي الجمال

شخصيآ اعرف واحد

متوظف االان ببنك ساب

طبعن شهادته ثانوية .. وشهاده كمبيوتر 6 شهور

وخبره 3 سنوات باحد شركات

وقبل 5 شهور فى بنك سامبا

راتبه الان فى ساب تعدا 7 الاف ...ولاا وفى الأداة االعامه

[زائرالجمال]

أهلا أخوي شبكة الاصيلة

شهادة ثانوي وشهادة كمبيوتر وخبرة 3 سنوات و5 شهور بمصرف أكيد بصير راتبه كذا...

على العموم القطاع المصرفي لا يقاس على أي قطاع أخر

أناأعرف واحد متخرج من الكلية التقنية وأشتغل في شركة زراعي 3 سنوات بعد كذا طلبوه بنك الرياض ب 8000 ريال لكنه رفضه بعدين طلبه الاهلي ب 7400 والحين معاهم..

[alwa7eed]

جرب تاخذ امتحان الـICDL من غير دراسة يمكن تنجح ..

انا من الكويت ونيوهورايزن اللي عندنا نقدر ناخذ امتحانات دولية من غير دراسة فما ادري عن اللي عندكم ..
قيمة دخول الاختبار 5 دنانير ..

والامتحان بسيط عبارة عن استخدامك للوندوز اكس بي لكن بشوية خبرة بالإضافة للمعرفة للبرامج الملحقة بالوندوز وطبعاً حزمة الأوفيس ..

[محمد بن عبدالعزيز بن سيف]

ان شاءلله

راح اخذهم بعد قرار اتخذته


وراح اختبر على طووول

ادعولي بالتوفيق

[زائرالجمال]

إذا كنت بالتقنية تقدر تاخدهم بدون دراسة الاختبار ب30 لقسم الحاسب

أم غير ذلك فتختبر تبع خدمة المجتمع بس ما أدري كم السعر