سكربت التبادل الإعلاني .. نحتاج آرائكم

[almosmm]

السلام عليكم ورحمة الله وبركاته ...


اخواني انا في صدد إنشاء سكربت للتبادل الإعلاني طريقة العمل هي انه سكربت إعلانات عادي تحط فيه إعلان واحد او كذا إعلان لكن الشغلة الجديدة انه يوم تضيف البنر تحط رابط الموقع الي انت مسوي معاه التبادل وتحط اسم صورة البنر الخاص بك .. يدخل السكربت على الموقع ويبحث عن البنر الخاص بك إذا لم يجده لا يظهر البنر وإذا وجده يظهر البنر .... هنا التأكد انه البنر الخاص بالشخص المراد التبادل معه هو ان يظهر البنر الخاص به بنفس العدد الذي ظهر فيه البنر الخاص بك ... اتمنى تكون الفكرة واضحة لا ادري هل في آراء اخرى ملاحظات انتقاد اي شي .. :con2:


ننتظر ...

[رياض القرآن]

بس أحس بتكون الشغله معقده يعني كل من يبغى يسوي تبادل لازم يركب السكربت ولاكيف .. ؟

او تقصد التشييك يكون من عندك بس وذاك بكيفه يدبر نفسه اهم شئ يحط حقك كذا ولا ؟

فكره جميله الله يوفقك بس لين الحين مادخلت راسي

[almosmm]

هيه نعم اخي التشييك يكون من عند الي مركب السكربت بس مب شرط يكون الطرف الثاني حاط السكربت ولا ادري فعلاً هل راح تكون عملية ولا لأ .. ننتظر آرائكم ..


اخوكم

[Mr.php-ar]

حسب مافهمت مثلا انت مخزن الموقع (a) في قاعدة المركب للسكريبت فيقوم السكريبت بقراءة محتوى الموقع الثاني ان وجد السكريبت تطابق في البيانات المخزنه يعرض السكريبت صح

لكن اذا كان الطرف الثاني حاطط سكريبت عرض عشوائي ؟
اذكان الطرف الثاني يريد التلاعب يستطيع

مدري فهمت صح ؟


تحياتي

[almosmm]

نعم اخوي Mr.php-ar مثل ما تفضلت وقلت انت .. لكن فعلاً المشكلة اذا انه حاطط سكربت عشوائي ... ايضاً في هالحالة إعلانه ما راح يظهر إلا إذا ظهر في التشييك على الموقع .. لكن نفترض انه الزيارة الي قبلها بالضبط كان بنر موقعك موجود ويوم السكربت دخل يشيك اتغير .. هنا المشكلة ومادري هل في افكار عندكم او اقتراحات ..

[رياض القرآن]

عندي فكره بس لاتضحك اذا كانت غبيه ..

يعطى الشخص المراد التبادل معه رابط مايكون صوره مباشره لا يكون رابط على ملف php يرجع له الصوره وقبل كذا
يخزن الوقت عندك بحيث آخر مره عرض فيها صورتك .. ثم انت اذا جيت تطلع صورته تشييك على الوقت الحالي
هل هو قريب من الموجود عندك (آخر مره عرض فيها صورتك) يعني فرق 60 ثانيه مقبول تعرض حقه وغيره ماينعرض ..

[almosmm]

الأخ رياض القرآن اعتذر عن التأخر في الرد لإنشغالي الفترة الماضية ... فعلاً فكرتك اخي رااائعة جداً بحيث انت تعطيه رابط كهذا مثلاً:
www. .com/img.php?id=1
يطلع الصورة على طول وفي نفس الوقت يسجل آخر مرة انعرض البنر وتقدر تطلع عليه انت
لكن موضوع التأكد والفرق 60 ثانية او حتى اي وقت كان .. لكن من الممكن نجعله يتأكد من اليوم .. اي انه يتأكد هل البنر انعرض اليوم او لأ اذا مب موجود اليوم خلاص ما يعرضه واذا موجود اليوم يقوم بعرضه ومافي اي مشكلة .. او مادري هل في آراء اخرى ...

اخوكم