قديمك نديمك ولو كان الجديد اغناك :Registerfly و eNom

[Tec4Serv]

السلام عليكم ورحمة لله وبركاتة :.

وكل عــام وانتـــم بخيــر ...

اول شي اشكر كل من شارك في موضوعي السابق
من افضل الأن من وجهة نظرك ؟ eNom او RegisterFly

توكلت على لله وجربت RegisterFly وجلست معاهم لليوم أســبوع ونص . ويا ليتني ما جربتهم ولا جلست معهم . إلى الان ماكلين علي مبلغ وقدره كله بسبب نظامهم . وإلى الان من أســبوع حاجز دومين جلس يوم عشان ينزل في حسابي ومن اسبوع وانا مقدر اتحكم فية .

تعال شوف الدعم الفني تبعهم : اول ما تفتح تذكرة تحصل رد على طول ، واذا شافوك طولتها سفهوك يومين ثلاثه . واخر شي الرد تبعهم ما يتعدى 5 كلمات ويا ليت يحلون المشكلة عاد .

سالفة الدومين الي مقدر اتحكم فية لي اسبوع وانا احاول اتحكم فية يطلع لي إيرور وكل ما قلت لهم قالو لي انتظر 24 ساعه ومر اسبوع وانا كل ما قلت لهم قالو انتظر 24 ساعه .

هذي مشكلة من المشاكل . تخيلو اجي احجز دومين ويقولي خطأ !! الدومين محجوز !!
اروح اشيك على معلومات Whois لدومين احصلها بأسمهم طيب يا هو وين الدومين ؟ المصيبة يخصمون قيمتة عيني عينك .

رحت سويت طلب سحب 6 دومينات من eNom لريجستري فلاي . سحبو قيمة السحب لكل الدومينات مع اني سويت إلغاء لطلب الكلام هذا من حوالي اسبوع وإلى الان ما رجعو الدراهم . وبعد ساحبين اكثر من الي مكتوب في الموقع (Transfers 6.99) وماخذين مني 7.99 لكل دومين .

بصراحه مهما سوت eNom راح تبقى هي الكبيره ولله . ياخي يكفي اذا دخلت لموقعم تحسه ثقيل (ثقيل مو في التصفح اقصد رسمي وموقع شركة بجد) .

اما RegisterFly اول ما شفته php وانا قلبي ناغزني ولله :court: .

ومن اليوم قطعنا التعامل معهم ورجعنا لـ eNom لاحد يقول مـرد الـ ......... لقصابه
أحم اللهم اني صايم :funny:

حبيت بس اقولك تجربتي بعد ما أخذت رئيكم والان اعطيكم رئيي

مع التحية وآسف على الإطالة

[الخليج المتقدمة]

لا صدق eNom وبس


مرتاح معهم للغاية ولا أتوقع بلقى مثلهم أبداً

[mad_4u]

صراحة ارتحنا مع الهنود واستفادو مننا اكثر من 50 الف ريال ومع ذالك خدمتهم ممتازة

[الخليج المتقدمة]

من هم الهنود اللي إرتحت معهم

[Tec4Serv]

اتوقع mad_4u يقصد ResellerClub .

اشتركت عندهم وقالو ارسل فاكس وتعيجزت ولله كنت بس بجرب الخدمات والاسعار

[ServMix]

انا حالياً مع ريجيستر فلاي .. حجزت منهم دومين اليوم و اتفعل في ثواني و قدرت اتحكم به ... خدمتهم شكله جيده

[Ali7]

يعني رجستر فلاي للحين ما عقلوا !
هذي هي مشاكلهم من اكثر من سنة ونص ،،
كل اللي ذكرته يا Tec4Serv مريت به انا
قلت ممكن تغيروا بعد الشكل الجديد و النظام الجديد ..و عرض الريسلر .. :court:

صراحة ارتحنا مع الهنود واستفادو مننا اكثر من 50 الف ريال ومع ذالك خدمتهم ممتازة

اي والله :nice: ما فوقهم فوق ..

[webayu]

رجستر فلاي ما عملت معي أي مشكلة وحتى الآن صرت حاجز من عندون 125 دومين نيم بدون أي مشاكل و على حساب واحد فقط

[TrustWork]

الحق ينقال ماكو افضل من اينوم

لاكن لاتنسون ان رجستر فلاي يعتبرون شركة جديدة على حسابات الرسيلر

رجستر فلاي لها مستقبل قوي جدا جدا لاكن انتظرو عليها شوي

[Tec4Serv]

فعلاً إنوم بس لو تترك حركاتها مع العرب وتخفض شوي بس من اسعار الدومينات وتنزل عروض جديده كان طلعو 100 %

يعطيكم العافية

[TrustWork]

اذا انت من ربعهم من زمااااااااااان ما راح تفرق معاك

و تعاملك راح يكون سلس جدا و عندك امثلة كثيرة عندنا بالوطن العربي

احدهم اخونا الكبير بشار معاهم من زمان و مرتاح معاهم كثير

و حتى انا مرتاح معاهم لاكن تجاريا حولت على رجستر فلاي من افتحو الرسيلرز الدومين صار ارخص

و موضوع رجستر فلاي حاليا بالنسبة لي تجاريا لاكن مثل ما قلت مسبقا انتظرو عليها شوي و اتوقع انها تفوق الاينوم

و هذا الي اتوقعة و الله اعلم

[Tec4Serv]

اذا انت من ربعهم من زمااااااااااان ما راح تفرق معاك

و تعاملك راح يكون سلس جدا و عندك امثلة كثيرة عندنا بالوطن العربي

احدهم اخونا الكبير بشار معاهم من زمان و مرتاح معاهم كثير

و حتى انا مرتاح معاهم لاكن تجاريا حولت على رجستر فلاي من افتحو الرسيلرز الدومين صار ارخص

و موضوع رجستر فلاي حاليا بالنسبة لي تجاريا لاكن مثل ما قلت مسبقا انتظرو عليها شوي و اتوقع انها تفوق الاينوم

و هذا الي اتوقعة و الله اعلم

هلا Sn3s . ولله انا لي معاهم 3 سنوات بضبط . وكنت ماشي زي الفل لكن تهورت قبل مدة وسويت تشارج باك لأحدى العمليات واخبرتهم بذالك وقالو لي ما عندنا اي مانع على التشارج باك اذا كنت تشوف انك صادق فية (السبب انهم سحبو مرتين من بطاقتي وقالو لي لا حنا سحبنا مرة وحده !!) وانا اشوف الحركة هذي صارت لحوالي 4 من الشباب . ومن بعدها ما عاد صرت اقدر استخدم البطاقة حاولت اخذ منهم السبب يقولون ما عندنا اي مشكلة حنا المشكلة من بياناتك !! . فهمتها انا عاد

[X-SPY-X]

Enom الله لا يوفقهم ......

صارت لي سالفه معهم روحوا علي دومين من مماطلتهم في استرجاع الباسوورد لين خلص الملهله للتجديد ومن قوة الوجه عارضينه علي بمبلغ مرتب للبيع .....



(( السالفه قبل اكثر من ثلاث سنوات ))

[DigitalHostings]

بصراحه .. ومن تجربة شخصية

أينوم ما تنفع

من تجربة قبل 4 أشهر كانو بيطيرون علي دومينين مهمين جداً

لدرجة أني طلبت منهم خصم مبالغ زيادة علشان تنتهي المشكلة ولما خصموا أنتهت

[dubainet]

يا امريكان يا هنود
يا اخي مافي عرب نشتري منهم ؟!