// مين يصير صديقي ويعطيني جوال ( لأهل الرياض ) من يعرف شركه تقصد جوال

[Nokia Master]

السلام عليكم ورحمة الله وبركاتة ..!
طلبي بسيط .. جداً ..
هو من يقدر يدلني الله لا يهينكم ( في الرياض ) لأي شركه او محل ..
يهتم في تقصيد الجوالات " للموظفين " .. بدون طلب كفيل ..
طبعاً انا اخذت قرض " يعني لا احد يقول لي روح للبنكـ " ..!
ورحت لشركات مثل " متاجر , متاجره " .. قالوا لازم كفيل .. ورحت لرفيد .. قالوا لازم الراتب فوق الـ 5000 ريال ..!
ابي جوال " nokia N80 " ابيه على اقصاد لمده " 12 شهر " ..
والضمانات على حسب ما يريد .. " إستقطاع × شيكات " او على حسب الطلب ..!
معلومات وظيفيتي " موظف حكومي من سنه و 7 اشهر تقريباً × الراتب في حدود الـ 3800 " ..
مقرها الريـاض ..! في احدى الوزارات ..//
........ معلومات عن الجوال ..

http://www.resalh.com/arabic-site/ne...ils.asp?id=596
اتمنى اي احد يعطيني خبر عن هالشيء ..
او ارسال المعلومات " لاهنتو " على إيميلي " ksa.des@hotmail.com "
وشكراً لكم ..

[أبو شروق]

مادام راتبك
3800

ليه ماتشتريه بدون اقساط ؟؟

وش بتفرق معك ؟؟

[Mr_Cable]

اذا ماخاب ضني روح لمكتبه جرير ( العليا )

اول ماتدخل المكتبه >> روح على يدك اليمين >> تلقى كشك صغير وجنبه كمبيوتر

عندهم تقصيد كمبيوترات والظاهر جوالات

مايطلبون لاكفيل ولا اي شي ثاني
الطلبات :

1- بطاقه الاحول .
2- بطاقه صراف ( البنك اللي تتعامل معاه ) ( ولاداري ماهي الفايده منها )

والسلام عليكم

[Nokia Master]

ابو شروق .. ..// انا ما ابي ادفع كاش علشان ما اتوهق لباقي الشهر .. ..
مستر كابل .. قصدك .. امان .. حق البنك البريطاني الظاهر ..//!
رحت لهم ورفضوا .. سألتهم ليش ماقالوا ..! وهم بس يقصدون لاب توب ..//
....................
في إنتظار المزيد من الأخوه ..

[sakit]

هم لم يرفضو
ولكن نظام مؤسسة النقد الجديد والشركة الجديده للتعريف بجدية المقترضين للسداد(سمه) لاتسمح لأحد أن يقترض لأكثر من مبلغ محدد حسب معادلة يدخل فيها الراتب وعدد سنوات الخدمة على أن لايتجاوز القسط أكثر من ثلث الراتب بأي حال من الأحوال، ولذلك ياخذون بطاقة الصراف لإستخراج البيانات من سمه.

شخصيا أعرف ان متاجر (كانت) تأخذ شيكات مؤجله، ولكن قبل نظام سمه.

حاول مع بنكك المحول عليه راتبك، والله يوفقك

[NaIeF]

رح للـربـوه .. شـارع الثـلاثيـن .. سوق الإتصـالات


اذكر فيه كم محل هناك تقسـط جوالات ..

[Nokia Master]

الله يعطيكم العافيه ..
..........
بالنسبه لموضوع ( برنامج سما ) فعلاً هو مربتط مع اغلب البنوك وشركات التقصيد و السيارات .. وهو يتخذ نظام ( ثلث الراتب اعلى شيء للأقصاد ) ..!
بالنسبه لمتاجره .. مافيها شيكات مؤجله .. يجب ان يكون لديكـ كفيل ..! " وكلنا عارفين احراجات الطلب للكفاله " ..
......................................................
اخوي نايف ... قصدكـ " احمد بن حنبل " ..؟
انا ودي اسوي هالحركه واروح بس المشكله .. مايقصدون من الباب للطاقه .. الظاهر لازم عن طريق معرفه ..؟
....................................................................................
شكراً لكم ..

[خفوق]

دق على 905
واطلب اي شركه تقسيط

[NaIeF]

الله يعطيكم العافيه ..
..........
بالنسبه لموضوع ( برنامج سما ) فعلاً هو مربتط مع اغلب البنوك وشركات التقصيد و السيارات .. وهو يتخذ نظام ( ثلث الراتب اعلى شيء للأقصاد ) ..!
بالنسبه لمتاجره .. مافيها شيكات مؤجله .. يجب ان يكون لديكـ كفيل ..! " وكلنا عارفين احراجات الطلب للكفاله " ..
......................................................
اخوي نايف ... قصدكـ " احمد بن حنبل " ..؟
انا ودي اسوي هالحركه واروح بس المشكله .. مايقصدون من الباب للطاقه .. الظاهر لازم عن طريق معرفه ..؟
....................................................................................
شكراً لكم ..

لا اقصد الثلاثيـن .. اللي قريب منه مسجد الراجحي القديم ومطعم هرفي

[موبايلي]

نصيحه لوجه الان

لاتاخذ n80

افضل لك n73 او n70


وانت حر برائيك

[SwahL.com]

نصيحة لوجه الله ..

مد رجولك على قد لحافك ..

والجوال من الكماليات .. وبكرة تشوف سعره طايح 200 او 300 ريال في اقل من شهر ..

احمد الله على العافية .. وخل الفلوس في شي افضل من الجوال ..

واحفظ فلوسك للعيد ... يمكن تحتاج تشتري شي قبل العيد ..

[a7la100]

نصيحة لوجه الله ..

مد رجولك على قد لحافك ..

والجوال من الكماليات .. وبكرة تشوف سعره طايح 200 او 300 ريال في اقل من شهر ..

احمد الله على العافية .. وخل الفلوس في شي افضل من الجوال ..

واحفظ فلوسك للعيد ... يمكن تحتاج تشتري شي قبل العيد ..

:app: :app: :app:
وانا معاك فى رائيك

[b-najd]

والله انا انصحك تشتري بعد العيد و اقل شي يبي ينزل له حدود الـ200 لـ400 ريال

[wathiq]

n80<<< ارساله لك عليه + المستخدم متكدس في السوق + يشترى ذا اليومين مستخدم نظيف الى اعلى حد 1500 ريال ضمان الوكيل + طيحه وحده بس تفصل الوجهين عن بعض والتصليخ مايقل عن 600 ريال بالعربي انحش عنه مش مطلوب ..

n73 يبدوا جيد ووذف!

أما التقسيط اكسترا ، والكتروا كلهم يقسطوا عن طريق برنامج متاجر أو اسم حوله

بالتوفيق
ابومريم

[ab_ot]

ان كانك جاد اعطيك رقم شخص يقسط جوالات وتتفاهم معه وهو موجود في الرياض برسل رقمه على ايميلك