:: كيف ممكن أخلي الصفحة الرئيسية للموقع صورة بس؟؟ ::

[روح المسك]

السلام عليكم ورحمة الله وبركاته:

أخباركم أخـواني؟؟

أولاً مبارك عليكم الشهر الفضيل والله يتقبل صيامكم وقيامكم..

ثانياً عندي كم سؤال محتاجة لإجابات لهم إذا ممكن ربي لايهينكم..

دخلوا هالموقع وراح تفهمون ان شاءالله وش اللي أبيه..

http://raw3ah.net/

1- كيف ممكن اخلي الصفحة الرئيسية للموقع صورة بس؟ :con2:


2-لاحظوا لون الصفحة مقسم إلى لونين القسم اللي فوق بيج واللي تحت عنابي..أتوقع هذي خلفية لكن كيف اعتمد لي خلفيه بدل اللون الموحد بالفرونت..؟؟ :con2:


3-الشريط المتحرك واللي داخله البنرات إذا ممكن تفيدوني بالكود تبعه وطريقة تركيبه.. :con2:


4-البنرات نفسها لاحظوا كيف تتوضح بمجرد مرور المؤشر عليها ،انا شفت شرح عن خاصية بالفرونت بيج لكن أنا أسأل اذا فيه كود جاهز ممكن اني اركبه ويستوي معي كذا :con2:

5- وأخيراً لاحظوا هالصورة..وشوفوا الأسهم الحمرا.. :con2:



كيف أقدر احط صور مصغرة وتحتها الكلام .. :con2:

وتحت الكلام تكون الصور متجانبه مع بعضها..

حاولت اسويها بالفرونت بيج وعفست الدنيا ومارضت تضبط معي :court:


هذا كل شي والسموحة منكم أدري والله أني ثقلت عليكم :shy:

بأسئلتي لكن محتاجة للأجوبه بأسرع وقت قبل لا انشغل

بالدراسة.. :shy:

فإذا ممكن تساعدوني ماعليكم أمر وأكون لكم شاكرة من قلب.. :shy:

والله يوفقكم (( لاخير في كاتم العلم )) :shy:

بإنتظار ردكم..


أختـكـم..

[ALMANDOOS]

وعليكم السلام ورحمة الله وبركاته

اعتقد اني فهمت القصد وان شاء الله افيدج


اول شي افتحي الفرونت بيج

اختاري Insert بعدين picture بعدين اختاري From File واختاري الصوره اللي تبينها

لوضع الصوره بالنصف اظغطي بالرايت كليك على الصوره واختاري علامة التوسيط جنب حرف الU

ولختيار لون الخلفيه اظغطي رايت كليك واختاري Page Properties بعدها بالاعلى اختاري Formatting
ختاري باك راوند للخلفيه

كود الاعلانات المتحرك مرفق بس يحتاج تضيفين الاعلان والاسم

ان شاء الله قدرت اساعد

[روح المسك]

الله يعطيك الصحة والعافيه ياخوي "ALMANDOOS"

وربي ماقصرت..عن جد أفدتني الله يوفقك دنيا وأخره..

بس باقي شغلتين

الأولى طريقة تركيب الكود..؟ :con2:

والثانيه طريقة عمل صور مصغرة وتحتها الكلام وتكون متجانبة مع بعضها لان حاولت اضبطهم زي اللي بالصورة ماقدرت..



فاللي له الخبرة يفيدني بهالشي وأكون له شاكرة.. :shy:

أتمنى ألقى رد على هالسؤالين..

وألف شكر مرة ثانية أخوي"ALMANDOOS"

أختكم :shy:

[ALMANDOOS]

الأولى طريقة تركيب الكود..؟

فتح الفرونت بيج في الاسفل في خيارات مثل Code او Split اختاري واحد من هذي الخيارات وانا افضل خيار Split

لانه راح يكون شاشتين موجودتين الاولى فيها الواجهه والثاني فيه اكواد html اضيفي الكود في الاسفل ورايح يبين مكانه في الشاشه العلويه وانتي حددي مكانه


طريقة عمل صوره + مصغره لها اختاري Insert بعدين picture بعدين اختاري New Photo Gallery واختاري الصوره اللي تبينها

بعد اختيار الصوره في موجود خيار في مربع الGallery خيار مكتوب Layout هذا لختيار شكل العرض

[روح المسك]

ربي يجــازيك الجنــه اخوي "ALMANDOOS "..

بصراحة مو عارفة كيف أشكرك.. :shy: :shy:

الله يعطيك الصحة والعافية على مساعدتك لي.. :shy: :shy:

موفق ان شاءالله دنيا وأخره..

[ALMANDOOS]

لا شكر على واجب ونحن اخوان

وكلنا بالمنتدى اخوان ولا فرق بين احد

والله يعطيج العافيه