وش تسوي لو صار لك مثل ذا ادخل ابي رايك

[Philosopher]

السلام عليكم

يااخوان قدّر الله علي وابتلشت مع واحد مايخاف ربه

حاقد علي وانا كارهه قاعد يغازل بالمنتدى المهم طردته

والحين كل يوم يسجل 10 مرات باليوم بأسماء منحطه وكلها سب فيني وبإيميلات غلط بس عشان

تظهر بآخر 5 مسجلين

قفلت التسجيل من زمان وفتحته برمضان قلت يمكن ربي يهديه

لكن على قولتهم الوسخ وسخ لو تغسلة بكل مواد الدنيا المنظفة :anger2:

يعني وش الحل غير اقفال التسجيل

وحجب الآيبي لأنكم عارفين عندنا بالسعودية الحجب يعني احتمال ينحجبون اعضاء السعودية كلهم وآنا منهم

أتمنى تشاركوني بآرائكم المفيدة وتجاربكم :court:

[al7abeb]

و الله هذي مشكله
لكن لو انا بمكانك احاول اكلمه
لان اذا صكرت الستجيل ماراح تستفيدون الناس من المنتدي بسببه
و ماله داعي انه احجب السعوديه عشان واحد مايخاف ربه
حاول تكلمه اخوي
هذا اتوقع افضل حل

[Philosopher]

يااخوي هذا انسان وسخ وكلامه كله وسخ

يعني استغفر الله العظيم لو ان فيه خير بيكتب شي وسخ برمضان ؟

وانا صراحة مابحاول اوريه اني ضعيف عشان لايكبر راسه ابيه يمل لكن الله يهد حيله

فيه حقد ولا حقد جمل الله يجيب فيه اي مرض قاضي وقاتل قولوا آمين

وشكراً على ردك يااخوي

[SwahL.com]

حبيبي خل المنتدى مفتوح التسجيل ..

بس ما يقدر يشارك او يرسل رسائل الا بعد الموافقة على حسابه..

ولا توافق على حساب اي شخص الا بعد ان يتم تفعيل حسابه عن طريق البريد ..

مستحيل يسجل بـ10 ايميلات مختلفة .. وانت لا تحذف العضوية .. اعطيه باند عشان مو كل مرة تحذف يسجل بنفس البريد ؟

وكذلك احجب الأي بي حقه ..

وان شاء الله تضبط معاك الأمور ..

[m7bobh]

اول خطوه تسويها بالمنتدى تفعيل العضويه يعني ترسل رساله !!
صحيح انه بيقدر يسوي ايميلات كثير ولكن انت سو كذا وجرب اذا خفت زين والحمد لله

وان باقي يسجل ويشارك خل التفعيل وفوقها سو الموافقه على الاعضاء من الاداره
و لا توافق على كل العالم !!!

[osamaroza]

اخى مثل ما قال الاخوة اجعل التسجيل يتم عن طريق تفعيل التسجيل عن طريق البريد الالكترونى حتى ولو كان يمتلك 10 ايميلات سوف يتعبك معة 10 مرات فقط وينتهى الامر ولن يقوم بعمل بريد الكترونى ليقوم بالتسجيل
ثانيا ضع ايات قراءنية على الصندوق السحرى وعند التسجيل
وضع فى اسفل المنتدى ايضا وضع عبارة
لسانك حصانك ان صنتة صانك

[Philosopher]

هو المشكلة يالغالين انه مايحط ايميلات صح

ولا يحتاج تفعيلها

بس هو يحط اليوزر حق اسم وصخ

وبذلك يظهر الاسم في قائمة آخر 5 مسجلين وهذا اللي قاهرني

بعد التفكير قررت أتخللى عن الهاك اما حركة حجب الآيبي ياخوي كتبت فوق ليش ماابيها

وشاكر لك أخوي SwahL.com تعاونك والله يجزاك خير

أخوي m7bobh

انا مسويها ونفس السبب اللي ذكرته للأخ الكريم أعلاه

[abu aziz]

اول خطوه تسويها بالمنتدى تفعيل العضويه يعني ترسل رساله !!
صحيح انه بيقدر يسوي ايميلات كثير ولكن انت سو كذا وجرب اذا خفت زين والحمد لله

وان باقي يسجل ويشارك خل التفعيل وفوقها سو الموافقه على الاعضاء من الاداره
و لا توافق على كل العالم !!!

كلام اختي محبوبة صحيح 100%
راح يطفش هذا الي مايستحي على زجهه

[Philosopher]

خلاص تم واستغنيت عن هاك آخر 5 مسجلين

وتم التعديل

وان شاء الله انجح في ابادته

وادعوا الله ياخذه من الدنيا لأن اللي مثل هالأشكال مافيها خير

دامه برمضان ونهار رمضان يقول كلام كذا وش تتوقعون منه بالايام العادية

وجزاكم الله خير على مساعدتكم بأفكاركم

[afndina]

الله يعينك أخوي على مابلاك حقيقه وضعك محرج ..
لكن والله اعلم .. في اعتقادي الشخصي انك تتركه يشاركة بما يحلو له ومصيره يمل ويطفش
وفي النهايه هو يسئ لنفسه اولاً .. وبكذا سيزال مافيه نفسه عليك .. وكلامي ليس لكوني صاحب موقع
او مصمم او مبرمج .. بل كاخصائي ونصيحتي لك تعامل مع مافي نفسه وهي ايام وينتهى الامر .. وتذكر انه
مهما كتب من اساءه لك لن يغير ذلك في الامر شي حتى لو اطلع عليها الاعضاء وحتى لو كان الكلام سيء

لك اطيب تحيه .. وربي يكفيك شر مثل هذه المواقف