النتائج 1 إلى 14 من 14

الموضوع: محتاج وقفتكم بجهاز العمر لاتخيبوا ضني

  1. #1
    عضو نشيط
    تاريخ التسجيل
    Oct 2003
    المشاركات
    255

    محتاج وقفتكم بجهاز العمر لاتخيبوا ضني



    السلام عليكم ورحمة الله وبركاته

    طاب مساء الجميع ،، كل عام وانتم بخير وصحه وعافيه

    اخواني انا حاب اشتري لي جهاز مواصفات عاليه طبعاً راح يكون" DeskTop "

    ابيه " Super Computer " بكل ماتحمله الكلمه :1power: الكل عارف قرب نزول وندوز فيستا


    ومن المعلوم انه يحتاج جهاز جبار ! :eek2: يعني ابي مذربورد قوي ومن الممكن وضع اكثر من 5 رامات مثلاً .. ووإلخ من المواصفات الكيس الشاشه اقراص الليزر ووإلخ

    لاحظت الكل ينادي بك FaNNaN واسم على مسمى


    مشاء الله عليك بردودك وخبرتك بمجال الأجهزه والقطع وعلوم السوق :nice: فأنا هنا لأخص الاخ " FaNNaN "

    بل كل من لديه الخلفيه الواسعه ومحتوى السوق :app:

    انتظركم على احر من الجمر ولن انسا وقفتكم معي :shy:





    __________________
    إستخدم ملفك الخاص لكتابة توقيعك


  2. #2


    يا هلا ومرحبا بك اخوي ابو جبل

    اول شي .. لازم اعرف ميزانيتك .. وكيف راح تستعمل هالكمبيوتر ؟ هل تحتاجه لمونتاج الافلام مثلا .. الالعاب .. ؟

    وعندي سؤال بعد .. هل تقدر تشتري من امازون ؟ اذا عندك بطاقة إئتمان Credit card وحساب في ارامكس راح ترتاح كثير .. هذا اذا كنت تبي تطلب من الانترنت ولكن اذا كنت تبغي تاخذ من المكان اللي انت فيه فماعندي مشكله .. انا راح اعطيك اسماء القطع وانت تدور عليها بأسواقكم ..

    افضل معالج حاليا هو الـ Core 2 Duo .. ويتفوق على معالجات الـ AMD وبسهوله .. ولكنه غالي نسبيا ً ولكن دامك ناوي على Super Computer فأكيد ميزانيتك قويه ..

    الرام .. مشكلته هالأيام غالي .. لكن مافي مشاكل .. ومعظم الـ motherboards المحترمه الموجوده في السوق حاليا توفرلك 4 مساحات للرام .. تقدر توصل لغايه 8GB رام .. لكن راح تكون غاليه جدا .. انا انصحك طبعا بـ 2x1GB رام حاليا وشوف اذا احتجت زياده اشتر اثنين وراح يكون عندك 4GB رام .. لأن الـ 2GB one stick يعني قطعه وحده اسعارها نار وتوصل 800 دولار لوحدها ..

    الكيس هذا امره سهل .. وبخصوص الشاشه .. فيه شاشه ممتازه من BenQ حجمها 20" بس Widescreen وماعرف هل تفضل هالشي او لا .. والرزلوشن 1680x1050 ممتاز جدا وسعرها 270 دولار تقريبا .. ولكن عالعموم راح نتناقش في هالموضوع بعدين ..

    ماعرف اذا تحتاج كرت شاشه قوي ولا لا ؟ كروت الشاشه التوب اسعارهم هالأيام مابين 300-500 دولار .. تتراوح من 256mb وطبعا انت عارف ان مو كل 256mb نفس الكروت الفاشله عندنا .. وتوصل لغايه 1GB لكرت Nvidia 7950gx2 الجديد .. وطبعا اذا كنت مهتم بهالموضوع .. في خيارات منها SLI لـ Nvidia و Crossfire لـ ATI وهذي ياطويل العمر معناها انك تقدر تركب كرتين مع بعض .. ونزل كرت جديد لـ ATI اسمه X1950XTX توه جديد بالسوق .. لكن الاسعار غاليه شوي .. وبيني وبينك اذا ماكنت هاوي العاب كثير ماراح تفرق معاك هذي الكروت في امورك العاديه .. انا طلبتلي كرت XFX GeForce 7600GT XXX لجهازي كـ تمشيه حال لأني راح اضبطلي ديسك توب قريب يمكن عقب 3 شهور .. ولايغرك اسمه الكرت مستواه متوسط وسعره 150 دولار بس ..

    واذا كنت مهتم بكروت الصوت .. فـ كرت Sound Blaster X-Fi ممتاز جدا .. او Audigy 2ZS او حتى لو تستخدم الكرت المدمج في المذربود .. ماراح تفرق كثير الا اذا كنت بتركب سماعات 5.1 او 7.1 Surround Sound ..

    مممم مابي ادخلك بالتفاصيل الحين ... ياليت تذكرلي ميزانيتك .. واذا كنت تقدر تشتري من امازون لأني اكتشفت ان امازون تقريبا هو المكان الوحيد اللي اقدر اشتري منه اشياء Online .. لكن الشحن راح يكون لعنوان ارامكس بأمريكا وكذا ..





    __________________
    لا إله إلا أنت سبحانك إني كنت من الظالمين

    A.K.A Thread Killer

    Contact Me

  3. #3
    عضو نشيط
    تاريخ التسجيل
    Oct 2003
    المشاركات
    255


    مشاء الله عليك

    مساك الله بالخير فناني بدايتاً شاكر لردك السريع :app:

    اقولك بالنسبه للميزانيه ماحددت للحين بصراحه لكن تقريباً لا اكثر من 5000 ريال :shy:

    من المعلوم ان بعض القطع راح تاكلني اكل :eek2: ولا يختلف فيها اثنين

    لكن تعجبني دائماً عبارة " وش تحتاجه فيه " :nice: اقولك عزيزي ..

    انا اشتغل عالجرافيكس وتصميم المواقع واستعمل برامج المونتاج ( لكن مو دايم ولا هو اتجاهي بصراحه بس برضو ابغا لا فتحت برنامج كالأدوبي برايمر ولا البرامج الأخرى مايهنق جهازي :eek3: )

    وبرامج الصوتيات وكذلك بالبرمجه مع لغات البرمجه

    يعني اختصر عليك بتاع كلوه :shy: من كل بستان زهره

    ماابغا كرت شاشه قوي مره لاني مالي بالألعاب مره مره زي بعض الناس آدمان الله المستعان بس برضو البرامج الأخرى تبي كرت شاشه محترم ( متوسط )

    يعني ألعب ابرمج اصمم اتصفح .. إلخ

    ابي جهاز جامع كل حاجه بشكل مبسط

    لكن ابي مذبورد من الطراز الحديث " الأحترافي " كما يسميه البعض قابل للتطوير اي اضافات رامات

    مستقبلاً كالتي ذكرتها قبل قليل احتاج معالج جبار واتوقع انتل افضل حاجه حتى الآن .. ابي هاردسك كبير لايقل عن 200 جيجا ويكون سرعة دورانه 7200 ولا ادري اذا فيه اعلى مااقول لا " سكازي "

    الشاشه سامسونج تتفوق واعلى نسبة ارباح الشركه من الشاشات اشوف لي LCD 17 بوصه

    ولا بلازما ،، ماادري مارأيك مثلاً ابي سيدي روم وديفيدي رايتر من ماركه حلوه وجيده

    ابي كيس كبير وفيه مراوح اضافيه لاتقل عن 3 للتهويه ،، لان جهازي حالياً AMD والكل يعرف مدى سخونته فمتعقد من الحراره

    بس ينقصني محتوى السوق حالياً ومسميات القطع والأسعار علشان كذا احتجت وقفتكـ/م

    بالنسبه لموقع امازون لا اخفيك ماعمري شريت حاجه من النت :shy: ولا ادري وش طريقته بالضبط

    لكن اشوف أُناس يشترون منه بس هل هو نفس اسعار السوق ؟ هل راح اتوفق بتجميع القطع

    مرات ماتتوافق القطع وابلش فيها :court:

    طيب اطلع لي Credit card من البنك ؟ وش الخطوات وش اسوي بالضبط

    اذا كان امازون افضل لي لشراء جهاز العمر :nice: ماراح اتأخر ادبر لي Credit card

    لكن أرامكس موجود عندنا ؟ انا بالرياض بالضبط اروح افتح حساب وش العمل بس

    وجهني وعطني من خبرتك ونصايحك يافنان عطيتك كلام طول وعرض فوق اتمنى فهمت وش مبتغاي ،، الله لايحرمك الاجر إن شاء الله بوقفتك وياي ،، اتعبتك المعذره عزيزي

    اخوك
    ابوجبل





    التعديل الأخير تم بواسطة ابو جبل ; 07-10-2006 الساعة 03:08 PM سبب آخر: خطأ إملائي
    __________________
    إستخدم ملفك الخاص لكتابة توقيعك

  4. #4


    حاظرين لك يا ابو جبل ..

    شوف يالغالي .. انا راح اجمع لك جهاز حلو هنا .. وراح اعطيك اسامي القطع .. وانت تروح تسأل عنها في السوق وتشوف .. اذا كان الفرق كبير بين اسعار السوق وامازون .. تروح تطلع لك بطاقه وتفتح حساب بأرامكس .. او اعتقد .. تقدر تاخذ روابط القطع اللي تبغيها من امازون .. وتخلي ارامكس يشترون لك اياها .. وتدفعلهم انت كاش .. لأن لاتنسى يمكن الفرق يطلع بسيط بعد تكلفه الشحن ..

    اول شي راح نبدأ بأهم جزء في الكمبيوتر .. المعالج .. بدونه الكمبيوتر مايسوى بيزه

    عندك خيار بين :

    Intel Core 2 Duo 1.86GHZ 2MB L2Cache 1066FSB

    Intel Core 2 Duo 2.13GHZ 2MB L2Cache 1066FSB

    Intel Core 2 Duo 2.40GHZ 4MB L2Cache 1066FSB

    الأول سعره 215 دولار والثاني 250 دولار والثالث 365 دولار .. الأول انا اشوفه ممتاز ومستواه جدا قوي لكن الثاني اكيد اقوى منه ولكن سعره اغلى بشوي وشوفه الخيار الافضل بينهم .. انا الثالث فهو اقواهم وويتفوق على اقوى معالج في AMD وهو FX-62 .. لكن سعره غالي شوي .. حول الـ 1350 ريال ..

    ثانيا ً .. المذربورد :

    الله يسلمك من اقوى الشركات في هالمجال وانا احترمها وايد هي Asus & Gigabyte .. وارشح هذا المذربورد :

    Gigabyte INTEL945G وفيها المواصفات اللي طلبتها انت .. سعرها 170 دولار .. مب متأكد من توفرها في المحلات عندنا .. لكن انت اسأل وشوف .. واذا لقيت انواع ثانيه بنفس المواصفات اللي تبيها عطني الاسم ورقم الموديل وانا اشوفلك اياها ..

    كرت الصوره ..نفس اللي طلبته انا مناسب .. XFX GeForce 7600GT بـ 150 دولار .. اسأل عنه بأسواقكم ..

    الرام .. اي نوع DDR2 240-pinn راح يكون متوافق مع جهازك . . والماركات اللي انصح بها هي Kingston, OCZ, Corsair, Crucial .. وانصح تدورهم بأسواقكم ..

    اما الكيس والشاشه والهارد دسك فالله مكثرهم عندنا .. اهم شي تشوف الماركات .. والاسعار اللي تناسبك ..

    ياليت تاخذلك لفه في السوق وتشوف ايش الوضع .. وصدقت يمكن تواجه مشكله في التركيب او في القطع نفسها لو طلبتها من النت .. اضمنلك انك تشتري من المحلات ولو كان شوي اغلى ..

    اخوك عبدالله





    __________________
    لا إله إلا أنت سبحانك إني كنت من الظالمين

    A.K.A Thread Killer

    Contact Me

  5. #5
    عضو نشيط
    تاريخ التسجيل
    Oct 2003
    المشاركات
    255


    تسلم ياغالي

    طيب حبه حبه ..

    اولاً : المعالج

    راح ادور على Intel Core 2 Duo 2.40GHZ 4MB L2Cache 1066FSB وإن شاء الله ألقاها

    ثانياً : المذربورد

    برضو راح اخذ بكلامك واشوف Gigabyte INTEL945G وان لقيت احسن علمتك إن شاء الله


    ثالثاً : كرت الشاشه

    بشوف XFX GeForce 7600GT

    رابعاً : الرام

    DDR2 240-pinn هذي عباره عن قطعه وحده 1 جيجا ؟ ولا وش بالضبط


    والماركات اللي انصح بها هي Kingston, OCZ, Corsair, Crucial .. وانصح تدورهم بأسواقكم ..

    طيب وش افضلهم بالمركز الأول


    غير كذا الشاشه ماقلتي لي وش ارسي عليه ؟ بالضبط LCD ولا اشوف Widescreen الي تقول عليها

    فيه نوع معين بالبور ؟ وكم اعلى واط له الأن وسمعت ان فيه حاجه توماتيك 110 / 220 ؟ مارأيك

    بالنسبه للسيدي روم والديفيدي رايتر ؟ وش الماركه + التقنيه الجديده سمعت دبل لير او حاجه زي كذا

    امممم بقى حاجه بالجهاز ماجبتها بأستثناء الكيس بشوف الكبير والي فيه تهويه اكثر

    واخذه بس بقى شئ معين ذكرني اذا نسيت شئ

    واخيراً فكرت فيها والظاهر راح ادخل السوق واشتري لان امازون راح ياكلني بالشحن خاصه اني بدوله عربيه

    مو ببريطانيا ولا امريكا استفيد من فلوس الشحن بالقطع وشوف عيني افضل :nice:

    شاكر لك يافنان بجد احرجتني بطولت بالك :shy:





    __________________
    إستخدم ملفك الخاص لكتابة توقيعك

  6. #6


    حاظرين لك يا ابو جبل ومابغي غير دعواتك لي في صلاتك بالشفاء في هذا الشهر الفضيل ..

    طيب يالغالي .. المعالج كذا خلصنا منه .. ان شاء الله تلاقي اي شي من الثلاثه اللي حطيتلك اياهم ..

    بخصوص المذربورد ماني متأكد من رقم الموديل .. لكن معظم انواع Gigabyte و Asus الجديده ممتازه .. واهم شي تكون فيها المواصفات اللي انت تبغيها .. ويكون فيها slot لـ PCI-Express x16 واحد عالأقل لكرت الشاشه .. ولا تقبل بمذربورد مافيه هالخاصيه او فيه خاصيه قديمه مثل AGP .. ولا تثق بكلام اصحاب المحلات .. لأنهم يبغون يصرفون بضاعتهم اكيد .. ويكون يقبل طبعا برامات DDR 2 لأنها اجدد نوع .. وفيه مثلا 4 اماكن للرام .. وباقي المواصفات اللي تشوفها انت ..

    كرت الشاشه ممتاز بوجهه نظري .. ومب شرط يكون من شركه XFX .. بس يكون نوع معروف eVGA أو Asus وكذا ..

    بخصوص الـ DDR2 240-Pinn فأقصد بها نوعيه الرام وممكن تجي بأي حجم تبغاه .. لكن انصحك بقطعتين 2 حجم 1 جيجا ..

    افضل نوعيه .. ممم والله ماقدر احدد منهو الأفضل .. انا حاليا ً استخدم 2GB Kingston من سنه ونص تقريبا بدون اي مشاكل .. فأقدر ارشحلك Kingston بحكم تجربتي .. واعتقد انها منتشره بكثره في المحلات عندنا عكس الأنواع الثانيه اللي ذكرتها ..

    الشاشه ياطويل العمر .. انت اخترت 17" .. اعتقد انه حجم مناسب جدا .. بالنسبه للأنواع .. الأفضل اعتقد انه Viewsonic .. ولكن الماركات الثانيه ماعليها كلام .. مثل Samsung و Philips و LG وطبعا انت راح تشوفهم وتشغلهم بالمحل واللي يعجبك اشتريه .. وبخصوص الـ Widescreen فهذي معناها ان الشاشه عريضه وتقبل ممم ماعرف اترجمها بالعربي .. Aspect Ratio 16:9 بدل الـ 4:3 اللي احنا نستخدمه حاليا .. يعني الشاشه تكون اعرض شوي .. وهذا اكيد افضل بوجهه نظري لأن الديسكتوب يتمدد ايضا ويكون لك مكان اكبر للعمل .. انت لو تشوفهم عالطبيعه افضل .. ووو عشان اعطيك مثال .. معظم اللابتوبات الحين يجون Widescreen .. فتقدر تقارن بين شاشه اللابتوب والشاشه العاديه مثلا في العرض ..

    الباور سبلاي يا طويل العمر .. لا تاخذ اقل من 400 واط .. يعني 400-500 واط مناسب .. وممكن ماتستخدمه كله طبعا لكن في المستقبل ماراح تحتاج تغيره .. وبخصوص الاوتومتيك والله ماعندي علم به .. احنا شغالين عالنوع القديم بدون مشاكل .. ماعتقد تحتاج اوتوماتيك .. الا اذا كان السعر مايفرق ..

    بخصوص السي دي روم .. انا نصحت واحد من الشباب هنا بماركه NEC .. اعتقد انها الافضل حسب ما قرأت .. ونوعيه Pioneer ممتازه ايضا لكني ما ارشحها لأن اللي عندي حاليا Pioneer وكان شغال زي الحلاوه ووقف مره وحده مايكتب عالـ DVD .. شيب راسي مالقيت له حل .. فما انصحك به .. عموما ماركه Asus ممتازه .. انا عندي CD-RW سي دي رايتر من 5 او 6 سنوات .. ليومنا الحاظر هذا وهو شغال ولا عمري شفت منه اي مشكله .. وطبعا ما انصحك بسي دي رايتر بس .. اخذ لك DVD-RW DL هذا النوع اللي يكتب على ديفيديات دبل لاير .. وشوف لو لقيت NEC أو Asus توكل على الله وشوف تحتاج كم واحد .. اذا كنت تنسخ سي ديات كثير خذلك اثنين .. على حسب استعمالك يعني

    الكيس والله ماعرف ايش بالسوق حاليا .. لكن مايفرق كثير .. شوف الماركات وقولي قبل لا تشتري .. لو تبغي رايي .. ولا تاخذ الباور سبلاي اللي يجي عاده مع الكيس .. لأنه معفن .. شوفلك شي قوي .. لأن حاليا جهازي Sony Vaio الديسكتوب فماعرف ايش الانواع الاوكي .. لكن عندي كمبيوتر مجمعه من زمان والكيس Gigabyte بصراحه ممتاز .. لكن مثل ماقلتلك مايفرق كثير .. اهم شي يكون عاجبك ..

    افضل لك انك تشتري من بلادك .. الشحن اكيد غالي ..

    اخوك عبدالله





    __________________
    لا إله إلا أنت سبحانك إني كنت من الظالمين

    A.K.A Thread Killer

    Contact Me

  7. #7
    عضو فعال
    تاريخ التسجيل
    Nov 2005
    المشاركات
    1,307


    الاخ فنان


    اسئلك بهذا الشهر الفضيل

    ان تختار لي من سوق امازون او اي سوق لاب توب سوبر

    ووضع الرابط هنا جزاك الله خير

    انتظرك





    __________________
    سبحان الله وبحمده
    سبحان الله العظيم

    "جديد" أكبر مركز تحميل عربي
    WwW.U111U.CoM
    دليل المواقع المرئية الأول عربيا
    9mbc.com
    هل صليت على النبي !!
    اقرب للحقيقه ستهرب من العراق مثل الجرذان

  8. #8


    ابشر بسعدك اخوي 9mbc .. بس وضحلي المواصفات اللي تبغيها في اللابتوب .. كم حجم الشاشه .. وايش راح تكون طبيعه استخدامك للابتوب ..

    وانا حاظر وبالشوفه

    اخوك عبدالله





    __________________
    لا إله إلا أنت سبحانك إني كنت من الظالمين

    A.K.A Thread Killer

    Contact Me

  9. #9
    عضو فعال
    تاريخ التسجيل
    Nov 2005
    المشاركات
    1,307


    ابشر بسعدك
    تكفيني هالكلمه

    بيض الله وجهك

    الشاشه يقولون كل ماصغرت كانت اغلى وافضل

    طبيعة استخدامي ادارة سيرفر ومواقع وتصميم وبرمجه وتحميل برامج وبحوث من الانترنت
    وصنع سيديات وامور كثيره لاتحظرني وسهل لكثرة التنقل والسفر وتشغيله عبر البلوتوث انترنت
    ولأستخدام السياره لمشاهدة الاطفال التلفاز والالعاب ماشاءالله ماخليت شيء

    كامل والكمال لله سبحانه نحمده ونشكره

    وجزاك الله خير





    __________________
    سبحان الله وبحمده
    سبحان الله العظيم

    "جديد" أكبر مركز تحميل عربي
    WwW.U111U.CoM
    دليل المواقع المرئية الأول عربيا
    9mbc.com
    هل صليت على النبي !!
    اقرب للحقيقه ستهرب من العراق مثل الجرذان

  10. #10
    عضو فعال
    تاريخ التسجيل
    Nov 2005
    المشاركات
    1,307


    ننتظرك بفارق الصبر أخي FaNNaN

    ولا يمنع من عرض الأفضل

    من جميع الأخوان المتطوعين

    جزاهم الله خيرا





    __________________
    سبحان الله وبحمده
    سبحان الله العظيم

    "جديد" أكبر مركز تحميل عربي
    WwW.U111U.CoM
    دليل المواقع المرئية الأول عربيا
    9mbc.com
    هل صليت على النبي !!
    اقرب للحقيقه ستهرب من العراق مثل الجرذان

  11. #11
    عضو فعال
    تاريخ التسجيل
    Nov 2005
    المشاركات
    1,307


    مستحي لقول

    up







    __________________
    سبحان الله وبحمده
    سبحان الله العظيم

    "جديد" أكبر مركز تحميل عربي
    WwW.U111U.CoM
    دليل المواقع المرئية الأول عربيا
    9mbc.com
    هل صليت على النبي !!
    اقرب للحقيقه ستهرب من العراق مثل الجرذان

  12. #12


    هلا والله اخوي 9mbc .. اللابتوب اللي عرضته انت بالموضوع الثاني اعتقد انه جيد .. ويصلح للإستخدامات اللي تبغيها ..

    بس مانصحك تشترى من برى .. روح وشوف في المحلات اللي عندكم .. وراح تلاقي عروض حلوه ..

    لأحتياجاتك انت تحتاج بروسيسر قوي .. 1.8 core duo وفوق .. و رام 1gb عالأقل واذا حسيت انه مو كفايه عقب زيد .. وعلى حسب اذا تحتاج كرت شاشه dedicated او لا .. يعني الاختيار اولا وأخيرا َ عليك انت ... وانصحك بتوشيبا وhp ودل ..

    بالمبارك عليك مقدما





    __________________
    لا إله إلا أنت سبحانك إني كنت من الظالمين

    A.K.A Thread Killer

    Contact Me

  13. #13
    عضو سوبر نشيط
    تاريخ التسجيل
    Feb 2003
    المشاركات
    830


    السلام عليكم


    اعذروني على المداخلة بدل ما نكتب موضوع جديد ونربش اخونا الفنان


    عندي لابتوب توشيبا كوزميو F20 وبصراحة ما عليه كلام .. واحتاج اخذ لي جهاز ديسك توب قوي جداً بكل ما تعنيه الكلمة .......

    وانا من النوع اللي ما يشجع الجهاز المجمع !! لانه يمكن ما تتوافق القطع ان كنت قليل الخبرة في الهاردوير واحتمال ننغش ببضاعة الدبلكيت ( تقليد ) والسوق عندنا ما يقصر .

    فحسب علمي بأن اقوى ديسك توب هو Dell فبحثت في موقع الشركة فوجدت جهاز خطيييييييير جداً !!!


    وهو Dell XPS 700

    http://www1.euro.dell.com/content/pr...=me&l=en&s=bsd

    Powered by Intel® Core™2 Duo Processor Technology

    وأحلى شي انه يعتمد على وحدة تبريد خاصة ( كوولر )

    وسعر الجهاز في حدود 7500 ريال .....

    والله ادفع في هذا لو 8000 ريال واكون مطمن ولا اجمع لي جهاز وكل يوم يسويلي مشاكل .

    اخوي الفنان اذا ممكن تقيم لي هذا الجهاز هل هو مناسب ؟ وما هي عيوبه ومميزاته ( خبرك انا ثقافتي فرنيسة ) لول






  14. #14


    هلا والله اخوي البرنس .. طبعا ً وجهة نظرك واحترمها ..

    معروف ان موضوع الماركات خاصه في الدسكتوب مايفرق .. انا اقولك ليش .. الله يسلمك جهاز دل XPS700 .. ايش مكوناته الداخليه ؟ بروسسر من انتل , كرت صوره من ATI أو nVidia , رام من Crucial أو يعتمد على الشركه المزوده وقت طلبك , هاردسكات من شركه Seagate او WD وغيره وغيره .. يعني الجهاز بالعربي ؟ مجمع ؟ ولا شرايك ؟ لكن انت لما تطلبه من دل .. راح يجمعون الجهاز بالنيابه عنك .. طبعا َ انا ما انصح الكل يجمع .. لكن اللي يقدر .. راح يكون كذا اوفرله ..

    ممم رأيي في الجهاز انه ممتاز وماعليه كلام .. وانا تعجبني اجهزه Alienware.com اكثر من الدل .. لأن خياراتهم أكثر ..

    اخوكم عبدالله





    __________________
    لا إله إلا أنت سبحانك إني كنت من الظالمين

    A.K.A Thread Killer

    Contact Me





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض