=========================================نفس المصدر : http://www.traidnt.net/vb/showthread...86755&posted=1
بسم الله الرحمن الرحيم
الاخوه ادارة معهد ترايدنت الموقره
الاخوه اعضاء منتديات ترايدنت المحترمين
السلام عليكم ورحمة الله وبركاته
اسعد الله صباحكم بكل خير
اسعد الله مساءكم بكل خير
وكل عام وانت بخير
انا احد اعضاء هذه المنتديات الغاليه
واحد اصحاب المواقع الترفيهيه
اليكم قصتي مع استضافة ون نت فأني اشتكيها الى الله ربي سبحانه وتعالى ثم الى ادارة المعهد
انا احد اصحاب المواقع التي استضافة عند شركة ون نت بما يقارب الثلاث سنوات في اول البدايه كانت استضافة ون نت من احسن الاستضافات التي نقلت مواقعي فيها قبل ثلاث سنوات وبعدها قررت ان افتح لي موقع جديد عند ون نت واتفقت مع المدير الخاص للاستضافه بحجز نطاق جديد باسم الشهد وتصميم صفحه رئيسيه مكونه من عشرين صفحه فرعيه وستايل خاص للمنتدى وحجز مساحه 200 ميغا بايت فطلب مني مبلغ وقدره اربع الاف وخمس مئة ريال لكل متطلباتي فوافقت وابلغني بأن يكون التصميم والموقع جاهز خلال اسبوعين من الاتفاق طلب مني ان اودع في حسابهم المبلغ المتفق عليه لسبب تعطل موظفيه رواتبهم حتى يتمكنوا من التخليص في التصميم ورفع التصميم في الموقع توجهت الى شركة الراجحي المصرفيه واودعت المبلغ في حساب الاخ فهد حامد علي صاحب الاستضافه وقدره اربع الا ف وخمس مئة ريالـــــ4500فقط لاغيروبعد مضيء اسبوعين لم ارى أي كان من ون نت في الماسنجر وعند اتصالي في الاخ فهد حامد لايرد على جواله او يرد ويخبرني ان التصميم جاهز فقط يبقى الرفع وانشالله بكره يكون الموقع شغال مضت سبع شهور وبعدها تم تركيب الصفحه الرئيسيه من غير الصفحات الفرعيه وتركيب الشات بعد الحاح عليهم وبعدها مضت ثلاث شهور وتم تركيب ستايل المنتدى .
الصفحه الرئيسيه الاتفاق الذي بيني وبين الاخ فهد حامد مكونه من عشرين صفحه فرعيه +ماسنجر اعلان معلق+ستايل منتدى خاص+ستايل خاص للبطاقات مع تركيب البرنامج للبطاقات وللاسف الى الان لم ارى أي شيء من التصميم الذي طلبته منهم على الوجه المطلوب
عندما اخبرهم عن باقي التصميم يبلغوني ان اكتب بطاقة دعم واكتب النواقص في التصميم واذهب الى موقعهم وافتح بطاقه واكتب النواقص في التصميم وللاسف لاحياة لمن تنادي انتظر شهر شهرين ولم ارى أي شيء تغير وعندما اتقابل معهم في الماسنجر اخبرهم ان طلبي لم يتم يطلبون مني ان افتح بطاقة دعم جديده وعلى الحال .
السيرفر الان للاستضافه كل بين فتره وفتره يتعطل
قبل شهرين صابتني ظروف ولم اقدر ان ادفع للشركه قيمة ايجار الشات واتصلت بالاخ فهد حامد واخبرته اني سوف ادفع لكم قيمة الشات بعد فتره فصبروا علي وفعلا شغلوا لي الشات للموقعين ولهم في ذمتي ست مية ريال قيمة الشات عدد اثنين وبعدها انا ماسددت لهم قيمة الشات ووقفوهم علي دخل علينا شهر رمضان المبارك تكلمت مع الاخ فهد حامد ان يرجع الشات واعطيه قيمة الشات الاوله مع الثلاث الشهور الجديده مع بعض خلال اسبوع وفعلا رجع لي الشات واحد وركبته في الموقعين اشتغل الشات يومين وبعدها تعطل الموقع كامل وجلس الموقع متعطل مايقارب الاربع ايام ومن بعدها رجع الموقع والشات ماشتغل بعدها بيوم واحد فقط رجع الموقع وتعطل مره ثانيه والشات انا استخدمته بس يومين من طلبته الاخ فهد حامد الحين انا جيت اطلب الاخ فهد حامد بيانات الدومين لمواقعي يقولي انت عليك مبالغ متاخره تسع مية ريال وانا مالهم في ذمتي غير ست مية ريال علما باني انا اطالب استضافة ون نت قيمة التصميم يقولي ادفع المتاخرات عليك ونعطيك بياناتك طيب انا الحين اطالبكم بقيمة تصميم الموقع اللي دفعته ليه ماحاسبتوا انفسكم عن تاخيركم في الموقع وغير هذا يرسلون لي رساله يقولون ان موقع الشهد انتهى اشتراكه وادفع قيمة الاستضافه لموقع الشهد
مرفق عنوان الرساله
ولديك الان فاتورتين صادرة جديدة
الاولى بقيمة 1850 ريال لمدة سنة استضافة موقع احلى ناس لسنة قادمة .
الثانية بقيمة 250 ريال لمدة سنة استضافة موقع الشهد لسنة قادمة
علما بان موقع الشهد لم اجلس فيه سنه كامله حسبوا علي قيمة حجز النطاق وانا جددت قيمة النطاق لمدة سنتين الحين يقولون لي مالك شي عندنا اذا تبي بياناتك عطنا الفلوس المتاخرات عليك طيب انا ابي منكم فلوس قيمة التصميم اللي عطيتوني تصميم حي الله وسكتوني فيه واذا جيت اطالبكم بحقي صرفتوني حقي وينه ليه ماتحاسبون انفسكم اذا بتحاسبون غيركم يعني يهمكم تاخذون فلوس من العملاء ماتعطونهم حقهم.
الحين الدردشه انا بعد ماشفت كثر التعطيلات ابلغتهم انهم يوقفون حسابي في الدردشه لاني مابيها واخذت من استضافه ثانيه شات وركبته على موقعي يرد يقولي ماراح نوقف الشات عليك الا اذا انتهت المهله وتسدد قيمته في أي نظام هذا شات ماستخدمته الا يوم واحد يبقى معي ثلاث شهور وادفع قيمته وانا ماستفدت منه مرفق لي رساله منهم بخصوص الدردشه
في مايخص حسابات الدردشة الخاصة بك لاتتوقف قبل انتهاء فترة استضافتها وعند اذا يتمايقاف حسابك تلقائيا .
تكلمت معهم وقلت ماابي اجدد عندكم وابي بياناتي وانقل من استضافتكم طالما ان مدتي انتهت عندكم ردوا وقالوا
لديك الان الخيار بالتجديد وسداد المتأخرات
أو سداد المتأخرات وايقاف حسابك لدينا وتزويدك بنسخة احتياطية من مواقعك
في حالة رغبتك بالنقل
قالي بنوقف حسابك عندنا ونعطيك نسخ احتياطي لمواقعك والدومينات رايحه عليك قلنا ماعليه خذوا المواقع بس عطوني النسخ الاحتياطي لمواقعي وافتح لي دومينات جديده وانقل عليها قال لا مانقدر نعطيك شي الا اذا دفعت المستحقات اللي عليك طيب انت تقول في البدايه اذا ماراح تجدد عندنا راح نعطيك نسخ احتياطي لمواقعك طيب انا اطالبكم بحقي للتصميم عطوني مستحقاتي من التصميم اللي ماتفقنا عليه قال انت ادفع وحنا نعدل لك التصميم يعلم الله اني كنت بادفع المتاخرات علي لقيمة الشات بس يوم شفت الموقع كل بين اربع ايام يتوقف السيرفر حقهم خفت وقلت اخاف ادفع وفي الاخير اخسر كل شي وتاخرت واذا وصلت الفلوس طنش علما باني كما ذكرت في الاول اني انا اطالبهم باكثر من قيمة الشات ولكن قلت مومشكله ادفع لهم واصبر عليهم الحين لاهو معطيني بياناتي ولاهوب معطيني النسخ الاحتياطي لمواقعي واحجز لي نطاقات جديده وانقل ولاهوب معطيني قيمة التصميم اللي دفعته وانا ماستفدت منه بشي
كما نود الافادة انه سبق التفاهم معكم هاتفيا في مايخص تعويضكم لدى شركة
الاوائل للاعلانات يرجى تزويدنا ببياناتها
حتى نتخاطب معهم بهذا الخصوص
ادعى انه يعرف صاحب شركة الاوائل ل***** المواقع ويوم تكلمت مع صاحب الشركه قالي لااعرف احد من ون نت ولااعرف احد باسم فهد حامد وقالي عطني عنوان صاحب شركة الاوائل ونعوضك بقيمة الاعلان نتفاهم معه المفروض ماتجي تقولي انا اعطيك عنوان صاحب شركة الاوائل انت تقول في كلامك انك تعرفه خلاص روح اتفق معه ونسق معه بطريقتك من غير علمي وانا قلت له مبي منك شي من الاوائل ماابي غير تعطيني بيانات الدومينات لمواقعي والفلوس اللي دفعتها انا لشركة الاوائل خلاص الله يعوض علي فيها واعرف انه ماراح يعوضني بشي لان سبق وقالي نفس الموال بنعوضك وللاسف ماشفت شي من اللي قاله مجرد بس كلام حتى اسكت رفض ذلك.
عموما اخواني لااطيل عليكم حبيت انقل لكم معاناتي مع استضافة ون نت والان طلعت من الاستضافه من غير مواقع ومن غير أي شي بل مجرد خساره في مواقع اعلانات وخسارة فلوس للشركه انا اشتكي لكم لحل قضيتي اما من ناحية الفلوس يعلم الله اني كنت سوف احول المبلغ في حساب الاخ فهد حامد بس بعد ماشفت العطلات ترددت خوفي ان احول المبلغ وفي الاخير اكون خسرت كل شي
وانا خسرت في الاوله اساسا لكن انشالله خسارتي ربي بيعضوني فيها
رجع كلمني الاخ الدعم الفني جديد في ون نت الاخ محمد المري وقالي انا راح استلم الشركه وراح يتغير كل شي وراح اكون انا المسؤل عن الشركه الاول والاخير وابيك تجربنا لمدة شهرين وبعدها تشوف التغييرات الحين السيرفرات حقتهم رجعت وتعطلت مره ثانيه ولها الان اربع ايام متعطله بالله عليكم وين الشركه اللي يقولون لها سجل مدني من وزارة التجاره ومعتمده وتبهذل عملائها كذا حسب كلام الاخ فهد حامد ابوه معه سرطان ومنوم في المستشفى وانه هو اللي يرعاه ويرافقه قلنا مومشكله قدرنا الشي هذا وصبرنا بس الى متى الصبر؟
عطنا بيانات مواقعي وخلني اشوف استضافه غيرك وانت خلك مع ضروفك اذا ماعندك موظفين في استضافتك يهتمون في السيرفرات حقتك اما حكاية اني باجلس في الاسبوع مواقعي متوقفه يومين ثلاثه ليه وعلى حساب من اعضائي راحت بااح ماعاد عندي اعضاء الحين انا بروحي ادخل اتفرج على نفسي في المنتدى واطلع خسرت اعلانات في موقع ياعمري الف وخمس مية ريال وخسرت قيمة اعلان في مواقع ثانيه مايقارب الخمس الاف ريال وللاسف ماستفدت منها بشي كلها راحت اجي اتكلم معه يقولي بنعوضك وين تعوضني بالله عليك مابيك تعوضني ابيك تعطيني بيانات لوحة تحكم الدومينات حقتي وتعطيني قيمة التصميم اللي دفعته لك واذلف عنكم غيره مبي شي منكم انا الحين والله متعلق ماني عارف عمري لاني بالسما ولاني بالارض ولاهوب جاي يتقبل مني كلام ويصارحني ويقولي بيعطيني بيانات مواقعي او لا اتصل فيه اكثر من مره مطنشني مايرد الحين المواقع متوقفه لهاخمس ايام وقبل اسبوع متوقفه يومين وقبلها اربع ايام واللي قبل اربع ايام وعلى هالحاله بالله عليكم وش السوات هل هذا اسلوب تعاملكم يااصحاب الاستضافات؟
يهمكم تاخذون حق استضافتكم وبعدها مايهمكم العميل
يهمكم تاخذون فلوس وبعدها في اللي مايحفظه العميل
يهمكم تاخذون فلوس وتاكلوها وبعدين طز في العميل
الى متى الاعيبكم يااصحاب الاستضافات؟
الى متى سوف تعيشون بالخدع واخذ الفلوس بالحرام؟
ليه تشوهون سمعة بعض الاستضافات ؟
علما باني اعلم بأن هناك استضافات وربي يشهد انها يهمها العميل المبتديء وانها تحاول بقدر المستطاع انها تساعده وتوقف معه عشان تكسبه كعميل على طول معها وفيه استضافات تبي تاخذ فلوس وبس اذا خذت حقها مومهم العميل وراحته اهم شي الفلوس وصلت في جيوبهم والباقي عطه اشكل عجبه الوضع والا براحته تجي تطالبه ببيانات موقعك قالك ماعندي لك شي او طنشك وخلاك تطفش وتترك المواقع بالله عليكم يااصحاب الاستضافات تهقى الشي اللي سويته صح
>>>>> تــابــع
=========================================
الموضوع كتبته لكم من أخـوكم علي السـالم و على مسؤوليـته و بريده: a1n2_2004@hotmail..com
( يعني لسـت بصـاحب الموضوع ) .
و السلام عليكم .
رد مع اقتباس
