السلام عليكم ورحمه الله

أنا فكرت أكتب الموضوع من كتر ما بشوف كل يوم من شكاوي الناس وفضايح شركات الاستضافه العربيه في سوالف وفي المنتديات الاخري

الحقيقه أنو مفيش حاجه أسمها شركه أستضافه عربيه لأن بكل بساطه مفيش سيرفر عربي

شركات الاستضافه العربيه الصح أنها يكون أسمها شركات سماسره للشركات ألاجنبيه

محدش يفكر أنو لما ياخد من شركه أستضافه عربيه مهما كان العرض مغري أنو كسبان
الاول شوف العرض ده في موقع أجنبي حتلاقيه بتقريبا أقل من نص السعر

أنا مش بقول الكلام ده علشان أوقف أرزاق ناس أنا بقولو علشان أفيد المستخدم العربي أنو ياخد خدمه مرضيه بسعر أحسن لأن في الاول أو في الاخر الفلوس للأجانب مش للعرب ألي بياخدوه المستضيفين العرب مجرد سمسره علي التسويق

مع العلم أن في مستضيفين عرب كتير عندهم الخدمه ممتازه وتعاملهم مع الناس جميل جداا زي ما في ناس كل همها تجمع فلوس بأي طريقه وتاخد من الناس مقدمات بالأشهر والسنين وبعدين ماتشوفهمش

حد يقدر يقولي في كام موقع أستضافه عربي واخد awards ?
حد في حياتو شاف موقع عربي في التصنيفات العاليمه للأستضافه ؟

طبعا الأجابه لأ لان مفيش حاجه أسمها شركه أستضافه عربيه

المشكله مش فينا المشكله في أن خدمات الانترنت عند الدول العربيه ضعيفه جداا بالنسبه للدول ألاوربيه علشان كده مفيش حد يقدر يعمل سيرفر مهما جاب سرعه عاليه فأنا عن نفسي في مصر فكرت مره في الموضوع وجبت جهاز مواصفاتو عاليه وتسمح وحسبت تكلفه كل حاجه بالرغم أنو كان يكلف أضعاف حق السيرفر ألاوروبي ووقفت أن أعلي سرعه أنترنت في مصر 2 ميجا بالثانيه
مش بس كده أن ألسرعه مش ثابته أنت وحظك حسب الضغط علي الشركه وكمان حتكلف في الشهر للخط حوالي 90 دولار
والمبلغ ده أقدر أجيب بيه سيرفر من شركه أجنبيه سرعه الانترنت فيه بتوصل لحد 20 ميجا ولا عمرو يفصل

في النهايه أنا أسف جداا أذا دايقت أحد بكلامي لكن والله كده أفيد للعرب لأن أزا في مستضيف واحد عربي فيه قدامه ألاف مستخدمين وأصحاب مواقع ومش حلو في حق العرب أن كل يوم يدخل واحد أتنصب عليه من أخوه العربي وأكرر ألأسف